Presented by: Rev. David Botros
Episode guest: Rev. Peter Farag
Description
حلقة جديدة من برنامج “من جوه لبره” يوم الخميس 28 ديسمبر 2023 بث مباشر على قناة الكرمة تلمذة (DIS)
إعداد و تقديم: القس/ ديفيد بطرس
كل يوم خميس:
الساعة 8 م – توقيت القاهرة
الساعة 10 ص – توقيت كاليفورنيا
الساعة 5 ص (الجمعة) – توقيت سيدني
Topics
Remission غفران
Joy فرح
Repentance توبة
Encouragement تشجيع
الاسترداد
Summary
تتحدث الحلقه عن الاسترداد و فيها دعوه لاسترداد النفس و كل شيء فقد و توضح ما معني الاسترداد و كيف استرد نفسي و ما قد تم فقده؟ و تتحدث ايضا عن الدوائر و المجالات التي قد تكون فقدت منا و من ضمنها فقدان نقاء القلب و فقدان الفرح و التسبيح و دائره الافكار و تأثرها العميق علي كل سلوكياتي و اختياراتي و حياتي و دائره فقدان مشوره الرب و ايضا دائره حياه الكمال و القداسه و يتم الاسترداد عن طريق الاكتشاف اولا ثم التوبه و الاعتراف و يليهم التدريبات العمليه
Detailed Report
| Start | Detailed Description |
|---|---|
| 00:00:00; | التتر و بدايه البرنامج |
| 00:00:32; | يرحب القس ديفيد بالمشاهدين و يهنيهم بعيد الميلاد المجيد و يقول لو انت شاعر بالضيق المسيح انهارده يلمس قلبك بالسلام فهو اله السلام معروف عنه انه عجيبا مشيرا الها قديرا ابا ابديا رئيس السلام و باصلي انهرده انك تتمتعك بالسلام و الفرح في اسم الرب يسوع و الحلقه بتتكلم انهارده عن استرداد النفس فعايزين ندخل عام جديد مليان بالانطلاقه باسم الرب يسوع و يرحب بالقس بيتر فرج قائد خدمه التلمذه بمجمع كنائس الايمان و يقول انهارده دعوه لاسترداد كل شىء فقدته و ده موضوع الحلقه |
| 00:02:44; | يسأل القس ديفيد في البدايه عن معني الاسترداد و كيف استرد؟ يقول القس بيتر ان هذا الموضوع كتابي من الدرجه الاولي و في ايتين واضحين جدا في الكتاب عن هذا الموضوع ففي مز 23 داوود بيخاطب الرب في الايات مزمور لداود. الرب راعي فلا يعوزني شيء 2 في مراع خضر يربضني . إلى مياه الراحة يوردني 3 يرد نفسي. يهديني إلى سبل البر من أجل اسمه 4 أيضا إذا سرت في وادي ظل الموت لا أخاف شرا، لأنك أنت معي. عصاك وعكازك هما يعزيانني فهنا كلمه يرد نفسي و في ايه تاني في مز 19 لداوود ايضا 7 نَامُوسُ الرَّبِّ كَامِلٌ يَرُدُّ النَّفْسَ. شَهَادَاتُ الرَّبِّ صَادِقَةٌ تُصَيِّرُ الْجَاهِلَ حَكِيمًا. و في الحقيقه علشان نفهم رد النفس هي عمليه كان يعملها الراعي مع الخراف و داوود اختبر و تذوق العمليه دي لانه كان يعمل كده مع الخراف و داوود كان ينام قريب من الغنم و يتفقدهم و كان يمر بينهم و مره يسمع صوت احدهم ينهج و كأنها تموت فجري و انقذها و عملها رد نفس فجاء في مز 23 قال يارب انا اختبرت انك بتعمل معايا كده في اوقات بتيجي بافقد فيها طاقتي و حاجات تضغطني روحيا و تخليني تعبان و مش قادر فسماها عمليه رد النفس و احنا في اخر السنه و في حاجات كتير فقدناها و الرب بيقول عايز اردكم |
| 00:06:39; | يقول القس ديفيد ان في حاجات كتير جدا فقدناها و عزيمتنا مكملتش فيها و احنا مش عايزين بس نسترد لكن كمان نقيم و نقول لربنا صحي فينا العلاقه معاك . ايه الدوائر اللي انا كمؤمن اقول عايز استرد فيها نفسي تاني؟ يجيب القس ديفيد قبل ما اقول ايه الدوائر انت قلت سر و هو عمليه التقييم اولا و هو اني اكتشف ايه اللي انا فقدته و بعد ذلك اعترف بدوري و اقدم توبه ثم وضع الخطه و التدريبات ليحصل الاسترداد ففي حاجات تحتاج صلاه و في حاجات تحتاج كمان تدريب مع الصلاه فالمفتاح هنا هو التقييم و 3 حاجات دول اساس اي استرداد اول نقطه داوود اكتشف انه فقدها هي دائره نقاء القلب فداوود في حياته كان يستمتع بقلب نقي حساس جدا تجاه الخطيه و الله و حس انه فقد النقطه دي فجاء للرب في مز 51 بيقوله انا فقدت فرد ففي صموئيل الاول 24:5 يورينا حاله قلب داوود علي الرغم من الصراع مع شاول و كان يقدر يقتله و مقتلوش فيقول الكتاب وَكَانَ بَعْدَ ذلِكَ أَنَّ قَلْبَ دَاوُدَ ضَرَبَهُ عَلَى قَطْعِهِ طَرَفَ جُبَّةِ شَاوُلَ و ده زي مؤمنين لما يقولك الروح القدس كان بيبكتني علي حاجات |
| 00:12:59; | و لما نيجي نتكلم عن نقاء القلب ببساطه معناها شخص يفعل الخطيه بصعوبه يعني معندوش ميول ناحيتها و ده عكس اللي بيحصل حاليا و نقاء القلب ايضا معناه ان يعترف بيها اعتراف فوري و حساس بتبكيت الروح القدس فداوود جه وقت فقد الحاجات دي فداوود لما يقول اغسلني كثيرا من اثمي و ده بيديني انطباع ان دي حاجه محتاجه مجهود زياده فده معناه انه بيقول لربنا انا محتاج مجهود كبير اغسلني و نقي قلبي و الكتاب بيحكي عن موقف ظهر فيه قبح قلب داوود و نلاقي الايات دي في صموئيل التاني 11 وَأَمَّا دَاوُدُ فَأَقَامَ فِي أُورُشَلِيمَ و دي مش عادته و ده معناه ان عده مواقف هي اللي وصلته للتراخي ده و تحس و انت بتقرأ ان داوود اللي كان كله حماس بقي عنده فراغ و كسل رهيب و بعد كده عمل خطيه رهيبه انه اضطجع مع امرأه متزوجه و زوجها عايش و الاخطر انه بعد كده يقول فقدت حساسيه قلبي و فضل مش تائب عن الخطيه دي لحد ماراح له يوناثان النبي فقلبه النقي بعد كده بيقول للرب بسبب قلبه النقي انه حتي السهوات ابرئني منها |
| 00:20:06; | يقول القس ديفيد انه عايز يعرف ايه التدريب اللي ممكن اعمله علشان يكون قلبي نقي؟ يرد القس بيتر انه اولا لازم اسعي اني اكتشف جوا قلبي و لازم بعد كده الاقرار بالخطيه و التوبه و بعد كده داوود قال للرب اختبرني و هو شهد بحاجه مهمه و هي ان ناموس الرب كامل يرد النفس و ده معناه ان القعده مع ربنا بتساعدني اكتشف نفسي و اخضع للروح القدس |
| 00:23:42; | ايه المجال التاني اللي ينفع بتخليانا كتلميذ اقول لربنا تعالي اكشف و دربني للرحله معاك؟ طبعا اهم شىء هو فحص النفس و التوبه و احيانا التعليم المبالغ فيه عن النعمه ياخدنا لحته تاني تخليني احيانا ماخدش بالي ان اني محتاج اتوب فلازم اخلي بالي النقطه التانيه داوود فقد فرحه و تسبيحه الدائم فداوود كان معروف انه دائم الفرح و التسبيح ففي مز34 مشهور جدا انه كان دائم التسبيح و الفرح لكن في مز 51 :12 رُدَّ لِي بَهْجَةَ خَلاَصِكَ، وَبِرُوحٍ مُنْتَدِبَةٍ اعْضُدْنِي و هنا هو فقد الفرح بالرب و دي دائره تانيه فهل انا فرحان جوايا و فرحان بالرب و باختبر الفرح به ففي مز 19 نلاقي داوود يقول انه كان يختبر فرح مصدره علاقته بالله وصايا الرب مستقيمة تفرح القلب. أمر الرب طاهر ينير العينين فتخيل داوود بيقول فقد الفرح ده و بيقول في مز 51:19 14 نَجِّنِي مِنَ الدِّمَاءِ يَا اَللهُ، إِلهَ خَلاَصِي، فَيُسَبِّحَ لِسَانِي بِرَّكَ يَا رَبُّ افْتَحْ شَفَتَيَّ، فَيُخْبِرَ فَمِي بِتَسْبِيحِكَ. داوود اللي كان بيسبح وسط الصعاب و في الضيق و طول الوقت وصل لحاله من الفتور الروحي و الضعف و بيقول افتح شفتي فهو مش قادر فالدائره الثانيه اللي محتاج اقيم نفسي فيها هي الفرح بالرب في كل الظروف و التسبيح الدائم |
| 00:29:12; | يقول القس ديفيد ان مهمه كلمه الدائم و في كل الظروف لان احيانا فرحنا بيرتبط بمشاعر و استجابات و ظروف معينه هي صعبه فيرد القس بيتر هي صعبه بس عايزه تحدي و نقول لانفسنا اذا كان داوود كده في العهد القديم فكم بالحري في العهد الجديد مع عمل الروح القدس في حياتنا |
| 00:30:28; | مكالمه مع دكتور ايهاب يسأل القس ديفيد د ايهاب عن الدوائر الاخري التي نحتاج ان نعمل لها فحص دائم يجيب د ايهاب من اهم النقاط هي تنقيه الافكار التي اتعامل بها مع نفسي و اقصد افكاري اليوميه لانها تشكل في شخصيتي و تكويني و تؤثر علينا في كل امور حياتنا و ابليس دائما بيشتغل علي افكارنا و انا كتلميذ محتاج اكون واعي لافكاري و امتحنها كل يوم يقول القس ديفيد ان فعلا دائره الافكار بتكون مش متشافه لكنها تؤثر جدا علي سلوكيتنا فيرد د ايهاب ان في امثال 23:7 لأَنَّهُ كَمَا شَعَرَ فِي نَفْسِهِ هكَذَا هُوَ فبالتالي الفكر اللي هاتبناه و افكر فيه هو هيكون يسأل القس ديفيد عن انه بيقابلنا تحديات كثيره لضبط الفكر فكيف افعل انا ده كي يكون فكري مثل فكر الله؟ يرد د ايهاب انه موضوع مش سهل بس محتاج اكتشف افكاري اولا و ده يوصلني لنصف الحل و ثانيا ابدل الافكار الغلط بأفكار سليمه و يكون الكتاب مصدري و اطور من نفسي بالمعرفه العامه ايضا و كمان افكار الاشخاص اللي حواليا بتأثر عليا جدا و النقطه الاخيره اني محتاج اعود نفسي اني اطبق عليها الافكار الصحيحه مثلما مكتوب في رساله فيليبي اصحاح 4 أَخِيرًا أَيُّهَا الإِخْوَةُ كُلُّ مَا هُوَ حَقٌ، كُلُّ مَا هُوَ جَلِيلٌ، كُلُّ مَا هُوَ عَادِلٌ، كُلُّ مَا هُوَ طَاهِرٌ، كُلُّ مَا هُوَ مُسِرٌّ، كُلُّ مَا صِيتُهُ حَسَنٌ، إِنْ كَانَتْ فَضِيلَةٌ وَإِنْ كَانَ مَدْحٌ، فَفِي هذِهِ افْتَكِرُوا |
| 00:38:42; | يسأل القس ديفيد القس بيتر عن المجالات الاخري اللي محتاج اكتشفها و اتوب عنها؟ يأكد القس بيتر علي كلام د ايهاب و يضيف جانب رابع مهم جدا فقده داوود و هو فقدان مشوره الرب في كل امور حياته و لو شوفنا صموئيل التاني نلاقي داوود قبل الفتور الروحي كان مشهور جدا انه يسأل الرب و ده كان الطبيعي بتاعه و لكنه فقد هذا الموضوع و جي من اهم الدوائر اللي الرب بيبقي عايز يستردني فيها اني ارجع اسأله و اعتمد عليه تاني هنا داوود وقع في مشكله فالمفروض كان يسأل الرب و لكنه في ضعف فابتدي يعتمد علي نفسه في الحلول فكميه المعاناه اللي بتحصل نتيجه اعتمادي علي نفسي كثيره جدا و الرب مش بيقولي ماتفكرش لكن بيقولي خليني انا رقم واحد لان المفروض ابكر علي الرب و من ضمن التدريبات العمليه اني اسأل الرب حتي في الامور العاديه المعتاد عليها و تخيل ان الرب بنفسه بيعرض عليا اني يكون عيني عليه و يرشدني فانا اشكرك يارب انك متاح ليا طول الوقت |
| 00:47:03; | عايزين نتنقل لنقطه اخري و مجال اخر اني استرد نفسي فيه و تكون نقطه قوه مش ضعف يرد القس بيتر النقطه الاخري هي الرغبه في حياه الكمال و القداسه اي رغبه لا اعبر عنها و امارسها تموت فداوود الكتاب بيقول كان عنده رغبه كانت تنمو نتيجه التعبير عنها ان امام الرب و دائما يفتكرها و يقوم بتدريبات عمليه انه يكون كامل و مستقيم امام الرب انا كان في حاجات معينه ماكنتش قادر اعيشها لكن الرب كلمني بشكل شخصي و قاللي عايزك تيجي قدامي و تعبر عن رغبتك دي و هتلاقي الرب بيفتح عينيك عن الحاجه اللي بتعطلك تجاه الرغبه دي |
| 00:51:15; | داوود اختار دائرتين من اصعب ما يكون و هما اقوال فمي و فكر قلبي يعني دي حياه الكمال المسيحي الحقيقيه و هما اختيار اصعب حاجه في الدائره الخارجيه اللسان و اصعب حاجه في الدائره الداخليه هي القلب فطلب داوود استرداد الحاجتين دول |
| 00:53:33; | يسأل القس ديفيد عن دور الروح القدس في عمليه الفحص و التقييم يرد القس بيتر ان الروح القدس دوره جوهري جدا فهو يدعم مقاصد الله في حياتي و يدعمها و هو شريكي كمؤمن في سكه التشكيل و الحاجه التانيه اللي قال عنها داوود هي وصايا الرب و شرائعه فالروح القدس و الكلمه هما اساس حياه الاسترداد و انا محتاج ابادر و اكتشف و اعترف و اتوب و اخذ خطوات عمليه لاسترداد النفس |
| 00:56:13; | ختام الحلقه بالصلاه |