Presented by: Rev. Ramy Alfy
Episode guests: Brother Hany Bushra , Brother Ehab Rady ,and Brother Samuel Latif
Episode guests: Brother Hany Bushra , Brother Ehab Rady ,and Brother Samuel Latif
Description
حلقة جديدة مع خدمة “صفحة جديدة” بعنوان:« الرب هيدهشك! » بث مباشر على شبكة قنوات الكرمة
مع خدام الرب الأفاضل: القس/ رامي ألفي – الأخ/ هاني بشرى – الأخ/ إيهاب راضي – المرنم/ صموئيل لطيف
مع ترانيم وخدمات وصلوات
الثلاثاء 12 ديسمبر الساعة 6 مساءً بتوقيت القـــاهرة
الثلاثاء 12 ديسمبر الساعة 8 صباحًا بتوقيت كاليفورنيا
الأربعاء 13 ديسمبر الساعة 3 فجـــراً بتوقيت ســيدني
Topics
Joy فرح
holiness قداسة
Giving العطاء
Repentance توبة
Comfort راحة
Encouragement تشجيع
Summary
يفتح تتحدث عنوان الحلقه ان الرب هيدهشك و تتحدث عن الله القادر ان يدهشنا في كل ظروف الحياه و يفتح لنا اجواء السماويات ايا كان الاحداث اللي بنمر بها و تتحدث الحلقه عن كيفيه تغيير الله للظروف و المواقف و تغيير روح الفشل الي روح نجاح و هو قادر ان يفتح ابواب جديده و يغير الاحوال رغم فشل جميع المحاولات مثلما حدث مع بطرس مع كل محاولاته الفاشله طول الليل و تعبه ولم يصطاد سمكه واحده لكن عندما اطاع الرب وو ثق في كلامه امسكوا سمك كثير لدرجه ان صارت شباكهم تتخرق فالله اسهل شىء عنده تلبيه احتياجاتنا الماديه و لكنه يريد ان يدخلنا للعمق معاه و يتمجد في حياتنا من خلال الظروف اللي بنعدي بها و هو يريد منا ان نطلبه هو شخصيا اكثر من اهتمامنا بعطاياه الماديه و ان نتوب امامه و هو القدر علي خلق حياه جديده فينا
Detailed Report
| Start | Detailed Description |
|---|---|
| 00:00:00; | التتر و بدايه البرنامج |
| 00:01:17; | 00:01:17 يرحب القس رامي بالمشاهدين بالبرنامج اللي الرب اعده علشان يبقي خلاص للنفوس و يقدم رساله الانجيل في كل مكان لكل الناس و عنوان الحلقه الرب هيدهشك و بنصلي ان الرب يعمل كده معانا و هنتكلم عن الرب قادر يدهشنا في كل ظروف الحياه فانتظر الرب و بنقدم انهارده خادم مبارك كارز اخونا المبارك هاني بشري اللي انا مليان ان الرب هيستخدمه انهارده بقوه و معانا المرنم الجميل هو الحقيقه حامل حضور الله اخونا الغالي صموئيل لطيف و هنبدأ بترنيمه اسمها افتح الاجواء السماويه فتابع معانا لان الله هيفتح الاجواء السماويات و هيدهشنا |
| 00:08:50; | يقول القس رامي امين ربنا يفتحلك اجواء السماويات و يدهشنا ايا كان الحدث اللي انت فيه انتظر الرب و هيدهشك تعالوا نتنظر و نتوقع حضور الرب القوي و يشرفنا كمان خادم الرب الجميل الكارز اخونا ايهاب راضي و هنسمع منه كلمه الرب عن ازاي هيفتح الابواب و يفاجأنا و يقول الاخ ايهاب بعد الترحيب ان ممكن تكون بتمر بأجواء صعبه و تكون حالتك مش حلوه لكن اشجعك ان كلمه الله صادقه و فيها تغيير لحالتك لكن ان سمعت ووثقت فيها اشجعك نقرأ كلمه الله في انجيل لوقا 5:1 وَإِذْ كَانَ الْجَمْعُ يَزْدَحِمُ عَلَيْهِ لِيَسْمَعَ كَلِمَةَ اللهِ، كَانَ وَاقِفًا عِنْدَ بُحَيْرَةِ جَنِّيسَارَتَ فَرَأَى سَفِينَتَيْنِ وَاقِفَتَيْنِ عِنْدَ الْبُحَيْرَةِ، وَالصَّيَّادُونَ قَدْ خَرَجُوا مِنْهُمَا وَغَسَلُوا الشِّبَاكَ فَدَخَلَ إِحْدَى السَّفِينَتَيْنِ الَّتِي كَانَتْ لِسِمْعَانَ، وَسَأَلَهُ أَنْ يُبْعِدَ قَلِيلًا عَنِ الْبَرِّ. ثُمَّ جَلَسَ وَصَارَ يُعَلِّمُ الْجُمُوعَ مِنَ السَّفِينَةِ.4 وَلَمَّا فَرَغَ مِنَ الْكَلاَمِ قَالَ لِسِمْعَانَ: «ابْعُدْ إِلَى الْعُمْقِ وَأَلْقُوا شِبَاكَكُمْ لِلصَّيْدِ».5 فَأَجَابَ سِمْعَانُ وَقَالَ لَهُ: «يَا مُعَلِّمُ، قَدْ تَعِبْنَا اللَّيْلَ كُلَّهُ وَلَمْ نَأْخُذْ شَيْئًا. وَلكِنْ عَلَى كَلِمَتِكَ أُلْقِي الشَّبَكَةَ».6 وَلَمَّا فَعَلُوا ذلِكَ أَمْسَكُوا سَمَكًا كَثِيرًا جِدًّا، فَصَارَتْ شَبَكَتُهُمْ تَتَخَرَّقُ. 7 9 10 11 |
| 00:16:28; | تاني حاجه عايز اكلمك فيها مش بس جمع زاحمه لكن في محاولات فاشله بطرس راح قال للرب حاولت كتير الليل كله ولم اصطاد سمكه واحده وممكن دي تكون حالتك حاولت كتير و فشلت و مقدرتش تغير المشهد و ممكن تكون بتعدي في خساره ماديه او جسديه و حاولت كتير بطريقتك بس ما انتفعتش شيء زي نازفه الدماء صرفت كل اللي عندها و مقدرتش تعمل حاجه فمفيش غير هو شخص الرب يسوع المسيح هو اللي يغير الحاله اللي انت فيها لنجاح وسط كل جموع تنتظر وقعتك ثالث كلمه عزيزي المشاهد هي كلمات حاسمه في كلمات الوقت ده ربنا عايز ينطق بها في حياتك تحسم الواقع اللي بتمر بيه عايزك تصدق كلام واحد ليه كل السلطان بيقول علي حياتك كلمات فيها خير و بركه و نجاه قائد المائه قاله قل كلمه فيبرأ غلامي ارفع عينيك و قوله قل كلمه فأبرأ و تتغير ظروفي الصعبه قوله اطلقني حر و باسم يسوع اصدق ان كلمه الله تغير كل امر في حياتك و تحسم كل امر في حياتك هي دي الدهشه اخر حاجه لينا دهشه مفرحه بيقول عن شباك بطرس من كتر السمك اصبحت تتخرق واندهش الجموع و ابتدوا يصدقوا في الكلمه لان لما يقول الرب كلمته تحصل دهشه في حياتك وانا اثق بالايمان ان رجعت للرب بكل قلبك واعترفت زي بطرس انك خاطي الرب هيدهشك وهتدخل العام الجديد والرب صانع في حياتك تغيير رهيب فأنا بدعوك ترفع فلبك و تصلي معايا و تقوله ادخل سفينتي يارب و هتلاقي سفينتك كلها خير و يحصل خلاص في حياتك و بيتك |
| 00:27:13; | يقول القس رامي مبارك الرب بصراحه فرحان بحضور فاجأتني فرحتني اخجلتني هو عمل كل شيء ليدهشك و اشكر الرب من اجل الكلمه و معندكش حل غير زي اللي بطرس عمله انك تصلي و تقوله اقبلني يارب و يطلب الاخ رامي من اخونا هاني المشاركه عن انجيل لوقا ه يقول الاخ هاني ان هذا الاصحاح يوصف الفرق الذي يصنعه الرب يسوع يعني في بدايه الاصحاح بيتكلم عن اربع شخصيات حصل معهم فرق اولهم بطرس الفاشل اللي غير حاله الرب بالنجاح و التاني الابرص الذي وثق في شفاء الرب يسوع فابرأه و ثالثا المفلوج الذي كان يحتاج لشفاء و غفران و الرب شفاه و غفرله ورابعا اللاوي دعاه الرب من خلال اتبعني فترك كل شىء و اخده و عمله الضيافه |
| 00:30:35; | 00:30:35 يقول القس رامي خليني اسألك عن موضوع الحلقه انهارده ان الرب سيدهشك احكيلنا شويه عن قصد الرب و ازاي يدهشك فيجيب الاخ هاني الله بيعمل كده لما يمسك زمام الامور فبطرس كان حاله واقف فممكن انت كمان يكون حالك واقف لكن وسط ده الرب رأي السفينتين فهو شايفك و شايف حالتك و مش هيقف مكتف ايده ليك و علي الرغم من الزحمه انت مش متروك و ده تاني لقاء لبطرس اللقاء الاول في يوحنا 1 الرب اعلن لبطرس معرفته و بقي اسمه سمعان لكن في اللقاء التاني ربنا كان عايزه يعرف نفسه و ادهشه لما خد قرار يسلمله كل حاجه و ده اللي باقوله لكل حد بيسمعنا ربنا عايز يدهشك و يمسك بايدك و ربنا عايز ينقلنا من حاله الفشل و كل الناس اللي اتكلمنا عليهم تعاملوا مع الله بالايمان و الله يريد ان جميع الناس يخلصون والي معرفه الحق يقبلون و احنا المفروض نتعامل مع الله بالايمان و الرب سيدهشنا بلا شك |
| 00:34:40; | يقول الاخ القس عزيزي المشاهد اشجعك صدقني الرب هيدهشك يعني في انجيل لوقا 5 الرب فعل الكثير فهو وقف و جلس و دخل و علم و كل ده عشانك هو بيحاصرك في حالتك علشان يتمجد في حياتك و يغيرك و عايز اشجعك لو الرب بيحاصرك اوعي تأجل قرار توبتك و احنا هنصلي معاك لو عندك طلبه صلاه |
| 00:37:42; | يقول الاخ هاني ان اللي ادهش بطرس انه قضي الليل كله تعبان و في ناس كتير ممكن تكون بتعدي بليل صعب لكن انا عايز اقولك ان الله اله المفاجأت اللي ادهش بطرس انه مضي الليل كله تعبان ومعملش حاجه لكن الرب غيرله كل حاجه فالرب يدهشني لما ياخد السفينه |
| 00:43:53; | يقول القس رامي احنا نؤمن بالمعجزات اه لكن اهم المعجزات هي معجزه خلاص النفس احنا لما حطينا العنوان ان الله هيدهشك مقصدش الدهشه اللي فيها تنبهر و تروح لكن الدهشه اللي فيها ياخد عينيك و قلبك وهدفنا انه يحصل زي بطرس انه لما اندهش تاب لكن في ناس كتير ربنا ممكن يدهشها و تفضل زي ماهي و انا ده اللي انا اخاف عليه يحصلك |
| 00:52:05; | يسأل القس رامي الاخ هاني ان الاخت نهال اثارت نقطه مهمه ان في ناس لما بتاخد موضوع الدهشه بتاخد معاه موضوع المعجزات وان في ناس في اواخر الايام في ناس هتستخدم مش لاجل مجد الله ولكن ان امكن زي ما الكتاب بيقول ليضلوا المختارين نستأذنك ان تفصل موضوع المعجزات و موضوع عمل الروح القدس يقول الاخ هاني ان اولاد الله ظاهرون و عينهم مفتوحه علي كلام الله و خليني اقول ان احنا كل هدفنا ان الله يزيد وانا انقص و اللي خارج هذا الاطار مش تبعنا و الله موجود ومازال يعلن ذاته من خلال المعجزات و عايزينه يرجع ياخد مكانته في الكنيسه وحياتنا زي ما كان بيحصل في الكنيسه الاولي الحقيقيه اللي كان كل شيء بينهم مشترك كانت نعمه عظيمه و بقوه عظيمه كانت بتحصل الشهاده و كانت شغاله المعجزات و احنا عايزين نقول للناس ان الطبيعي ان الله يدهشنا و لكن اوعي تاخد عينيك وقلبك عن المعجزه بانك تكون مندهش لكن توقع ده من الرب و هنشجعك مره تاني انك تندهش و تختبر و تفرح بس خلاص نفسك هو الاهم |
| 00:56:34; | اخويا هاني نرجع تاني للوقا 5 السفينه تاخد العين بحالتها فنطلب منك تشاركنا بحاله السفينه كانت السفينه مركونه علي الشاطىء والليل كله لم تأخذ شيء انا عايز اقول للمشاهد ان تقبل انه يدخل سفينه حياتك ببساطه اديله السفينه محلوله و الشباك مغسوله وهو هيتمجد مشكله الناس انها عايزه العطايا مش الرب نفسه خد بالك الله اللي منع السمك يدخل هو نفسه اللي ملأ الشباك فهو اللي دعا بطرس انه يتحرك من البر لما انا اكون علي البر انا رجلي في الطين لما اخرج عن البرالعلاقه هتكون قويه و الله هيستخدم منبر حياتك و كل منبر في حياتك هو سفينه صيد لما اسلم كل حاجه للرب الله بينهي كل حاله من الفشل و تشوف مجد الرب في متي 6 فيقول اقفل بابك لكن في دانيال 6 يقول افتح الشباك و خليك مفتوح علي السماويات مهما كانت كانت الحاجه اللي مضايقاك اما قوي السماوات هتغلق فافرح بالرب و ابتهج وخذ خطوات كبيره لان ربنا عايزنا ندخل في علاقه معاه و منبقاش علي البر |
| 01:02:20; | يقول القس رامي يمكن حال السفينه واقف و ميسرش بس الله امر انها تدخل للعمق فسيبه يملاها سمك ويقود حياتك و يرسم مستقبلك و يملاها خير و هيفيض في سفينتك كل الخير و سيبه يدخل حياتك و يتجلي في حياتك و يملاها خير و شبع و بركه |
| 01:07:41; | خليني اقول ان بطرس حاول مئات المرات ممكن اكون حاولت اعملها كتير و فشلت فعايز اقولك انهارده كفايه محاولات فاشله لانك مش هتعرف علشان صدقني صعبه من غيره و ربنا عايز يدهشنا ويدخلنا العمق انهارده صدقني |
| 01:10:59; | اخونا هاني عايزين نتكلم شويه عن دخول السفينه للعمق فيقول الاخ هاني علشان نصيد محتاجين خطوه لجوه والله بيتكلم باسم كل واحد و يقوله ادخل للعمق زي ما كان بيكلم سمعان فلازم اتعلم اخضع واطيع و انا لما ابقي كتفي في كتفه هافهمه و ربنا عايز يغير مفهومك عنه يعني كان معروف ان السمك مبيكونش جوا لكن الله غير مفهوم بطرس و بطرس اطاع و دخل جوه و كانت النتيجه مدهشه ففي كل الامور عامل الايمان هو المشترك فلو مصدقتش الرب ولا بطرس هيصطاد و لا لعازر هيقوم فلازم يكون عندي ايمان و ادخل العمق فربنا عايزك تكون عندك مرونه في التعامل و طبيعي ربنا يعرف اكثر مننا فلازم نسيبه و نسلمله و دايما علي مر التاريخ طريقه الرب اجدع من طريقتنا فطيع الرب و سيبه يقود حياتك |
| 01:18:02; | كيف ادخل للعمق؟ اصدق الرب بالايمان و ادخل معاه ثانيا اتعلم اطيعه و انا داخل للعمق هاتعلم اكتشف انا مين زي اشعياء اول ما لما شاف الله قال ويل لي لاني نجس و ساكن وسط شعب نجس هو هنا اكتشف حياته لانه شاف قداسه الله و كذلك بطرس لما الشباك امتلأت قال اخرج من سفينتي يارب |
| 01:20:36; | في ناس بتقول علي بطرس ده رجل فقري مكنش لاقي ولا سمكه ولما لقي السمك الكتير ده كله قالوا اخرج من سفينتي يارب لاني رجل خاطي بدل ما يمسك فيه فتخيل اخلاصه عايزك تشاركني شويه بالحاله دي؟ دايما بطرس كان الرب بيعده من البدايه سماه صخره ولما سأل المسيح الناس بتقول عليا ايه تقدم بطرس و قاله انت هو المسيح ابن الله الحي لما بطرس فربنا ارتاح علشان ده الاعلان اللي جاي المسيح عشانه و قاله انت صخره و علي هذه الصخره ابني كنيستي و ده اللي ربنا عايزنا نعمله فالله كان دايما بيعده . الله معندوش مشكله يملالك الشبكه سمك في طرفه عين فممكن تكون ابن لله بس الدنيا وخداك في ناس عايشه بتحوش و تكوش و تلوش فممكن تكون علي حياتك دعوه بس انت بتضيع وقت . عايز اقولك لما تحس انك متحارب في حاجات كتير و شايفها اسودت معاك اعرف ان الرب جاي و قربت توصل ارفع عينيك وقوله باتوب قدامك يارب انا مذنب و خاطي اقبلني و ثق فيه انه هيديك حياه جديده |
| 01:30:48; | يقول القس رامي امين نشكرك يارب من اجل تغيير حياتي و عايز اشجعك واقولك اخرتها خير كتير و يقول الاخ هاني في رؤيه جمال الرب انا باشوف نفسي ولما باشوف نفسي باشوف زي ما بطرس قال انا خاطي و اشعياء قال انا نجس كذلك اساف قال لما دخلت مقادس العلي يعني الحاله قبل المقادس و خارج المقادس مغلوطه و قال انا بليد يعني سامحني يارب علي اللي قولته . حلو لما اعترف بحالتي امام الرب علشان لما ياشوف نفسي باقدر اشوف عظمه الرب و ارشاده في الحياه و الرب قال خير ورحمه يتبعانني كل ايام حياتي فالرب مش هيسيبك بس سلم وادخل معاه .فاوقات كتير لما نطلع بره الوضع و نشوف جمال الرب بارجع اقول معنديش كلام يارب اقوله الكلام خلص فلو انا عايز اعماق جديده مع الرب قوله حركني يارب و سلمله قوله الشغل بين ايديك يارب و كل حياتي بين ايديك و انا باصلي ان بركات ربنا تبقي في شغلك وصحتك و بيتك و لكن عايز اقولك احنا في ايام صعبه لكن علي ناس و ناس اللي مع ربنا و بيسلمله ميشوفش الا الخير وبيبقي حاله مختلف عن باقي الناس خليني اقولك الرب جاي مخصوص علشان يدهشك يمكن كل المحاولات فشلت و لقيت الامر منتهي لكن اقولك ربنا عنده كلام جديد و امور تانيه هيدهشك بيها |
| 01:41:44; | انجيل لوقا 5:10وَكَذلِكَ أَيْضًا يَعْقُوبُ وَيُوحَنَّا ابْنَا زَبَدِي اللَّذَانِ كَانَا شَرِيكَيْ سِمْعَانَ. فَقَالَ يَسُوعُ لِسِمْعَانَ: «لاَ تَخَفْ! مِنَ الآنَ تَكُونُ تَصْطَادُ النَّاسَ! محبه المال اصل كل الشرور و مفيش حاجه ماديه يملكها الانسان هتنفعه فهو مش عايزنا نبقي علي البر كده بيقولك متخافش و ادخل العمق ففي ناس خايفه تدخل العمق خايفه تخسر شغلها خايفه تخسر بيتها و الشيطان يكبر المخاوف جوانا و يخلينا نستسلم و نخاف نتحرك للعمق فتعمل ايه؟ يرد الاخ هاني في الظروف اللي احنا فيها السفن كلها واقفه علي الكل و الاقتصاد وحش علي الناس كلها فيارب الناس تفهم ان السفينه ملهاش حل غير يسوع بطرس ترك كل شيء و تبع يسوع و السامريه تركت كل شيء و تبعت يسوع و لسه الباب مفتوح و الرب بيقرع علي الباب وربنا شايف الحال الفشلان فلذلك اشجعك تيجي عنده هو بس اللي بيغير علشان الحال مبيتغيرش الا بيه و هتقوم راسك مرفوعه و هتستقبل منه بالايمان حياه جديده يشكر القس رامي الضيوف و المتابعين ويقول القس رامي خليني اقولك ربنا عايز يدهشك و واحده من الامور اللي عايز يدهشك بيها الرب انه يغيرك فافتحله قلبك وقوله خد حياتي يارب و اخونا هاني ختم احسن ختام ان ياما ناس بعيده وحياتها مشوهه لكن انهارده مع الرب هما خدام للانجيل فتوب قدام الرب و هو هيعمل معاك معروف و يفتح لك صفحه جديده |
Songs
| Start | Song |
|---|---|
| 00:04:20; | افتح الاجواء السماويات |
| 00:23:33; | فاجأتني فاجأتني في الوقت اللي انا فيه باعيش بره الباب |
| 00:45:45; | مع كل طلعه حق في يوم |
| 01:03:52; | باعمل قليل و عارف ان الكتير عليك |
| 01:26:13; | غيرت حياتي بحب عجيب |
| 01:38:47; | مجدا ليك مجدا لاسمك يا عجيب |
| 01:50:02; | رب الارباب يا يسوع يا مخلص الفجار |