القمص سمعان إبراهيم
برنامج ليك تسبيحنا – حلقة خاصة عن القمص سمعان إبراهيم”قديس صانع تاريخ,
الجمعة 27 أكتوبر 2023
Presented by: Brother Samuel Latif
Episode guest: Father Botros Rushdy
Description
حلقة جديدة من برنامج “ليك تسبيحنا” بعنوان «قديس صانع تاريخ”
يوم الجمعة 27 أكتوبر 2023 مباشرة على شاشة قنوات الكرمة
حلقة خاصة عن القمص سمعان إبراهيم
مع الأخ صموئيل لطيف
ضيف الحلقة: الأب بطرس رشدي
مع ضيوف الحلقة عائلة القمص سمعان
كل يوم جمعة الساعة 8 مساءً بتوقيت القاهرة – الساعة 11 صباحًا بتوقيت كاليفورنيا
Topics
Joy فرح
Thank شكر
holiness قداسة
Faith الإيمان
Shepherd راعي
Worship عبادة
Prostration سجود
Glory مجد
Giving العطاء
The Bible الكتاب المقدس
Love حب
Authority سلطان
Blessing نعمة
Repentance توبة
Encouragement تشجيع
Peace سلام
Goodness صلاح
Evil الشر
Steadfast ثبات
Spiritual Warfare الحرب الروحية
Pray صلاة
Remission غفران
Dignity الكرامة
Wisdom حكمة
God’s fatherhood ابوة الله
Summary
الاب/ بطرس ابونا كان ساكن في شبرا وكان في ولد من اولادنا الزبالين بياخد الزبالة من الشقة اللي ساكن فيها ابونا سمعان وابونا كلمة عن المسيح وازاي يسلم حياتة للمسيح وينتقل من الظلمة الي النور وبالفعل صلي مع ابونا وسلم حياتة للمسيح وقالة زي ما كلمتني عن المسيح احنا عندنا في المنطقة ناس من الزبالين ميعرفوش اي حاجة ومكنش في مية ولا نور ولا اي حاجة كان عالم بدون حياة ومع الحاح عم قديس راح ابونا سمعان مع عم قديس في شهر 3 ولما ركب الاتوبيس ورايح المطرية سمع ربنا بيقولة ارجع وروح انا بدعيك ونزل وراح اخد اتوبيس الدراسة وراح لهناك ولقي المنطقة فيها اكثر من 16 خمارة وضرب نار وكان كوكتيل من ناس لا يعرفوا المسيح نهائي وبلغ عم قديس يشوف مكان يصلي فية
الاب/ بطرس المكان اللي كان هيصلي فية كان في جبل وقعد يصلي ويقولة يارب انت عاوز مني اية انا نقطة في بحر وفي يوم 14-3-1974 قامت زوبعة شديدة في المنطقة وكان ورق كتير طاير في الجو ومن ضمن الورق دة كانت ورقة من الانجيل جات قدام ابونا وكانت “فَقَالَ الرَّبُّ لِبُولُسَ بِرُؤْيَا فِي اللَّيْلِ: «لاَ تَخَفْ، بَلْ تَكَلَّمْ وَلاَ تَسْكُتْ، لأَنِّي أَنَا مَعَكَ، وَلاَ يَقَعُ بِكَ أَحَدٌ لِيُؤْذِيَكَ، لأَنَّ لِي شَعْبًا كَثِيرًا فِي هذِهِ الْمَدِينَةِ».” (أع 18: 9-10) ودة كان الرد والاعلان الالهي من ربنا لابونا انة ميخافش واني معاك ومحدش هيأذيك وبالفعل كان لم يستطع احد يأذي ابونا لمدة 50 سنة لان الرب لا يتخلي عن وعدة ابداً ولما اعطوا الورقة لقداسة البابا شنودة قال ليهم مش مجرد ورقة دية رسالة الهية
المرنم/ صموئيل من ضمن الناس اللي كلمتهم اثرت كان عم عوض لما روحت العزا ولقيتة وقف وقال جزء من الشهادة اللي غيرت حياتة قال انا كنت شمام وبسبب ابونا سمعان انا بقيت شماس ودة ممكن يحصل لو حد بيطيع دعوة ربنا لحياتة الخدمة المثمرة دايماً ليها امل وثمر
المرنم/ صموئيل من ضمن الحاجات اللي اتقالت ان ابونا كان بيوطي يبوس علي رجل الناس عاوزين نكمل باقي الرحلة واية اللي حصل بعد ما بدأ يجمع الناس وان الموضوع في البداية كان صعب
المرنم/ صموئيل وانا بصلي من اجل الحلقة في مشهد جة قدامي همس صوت جوايا وجة ابونا سمعان قدامي وقالي كلم ولادي عن المسيح الناس محتاجة حد يحبها اوقات كتير الناس بتشعر ان الخادم دة نجم وبيرفض يتعامل مع الناس المسيح مكنش كدة كان وسط الناس ومع الناس الخدمة مش كدة وابونا سمعان كان بيتعامل مع كل الناس سواسية وهو دة القلب اللي اتملي بالمسيح وعلشان كدة تأثيرة هيدوم الي مجئ المسيح وانا بقول دة بكل يقين وايمان مهما قوة الشر اتجمعت لا يمكن ان يحط ابليس راسة فيها لان الاله العظيم هيكمل بالاباء الكهنة اللي جوة الدير
الاب/ بطرس انا هوجة 3 رسائل
اول رسالة للسيد الرئيس عبد الفتاح السيسي عاوز اقولة ربنا معاك وساندك واقف ضد الارهاب ومتنجرفش للحرب و متخافش لان ربنا هو اللي مختارك لمصر
الرسالة التانية لقداسة البابا تواضروس اقولة شكراً ليك جداً انك سمحت وامرت ان ابونا سمعان يفضل في مكانة وفي ديرة وسط اولادة
الرسالة الثالثة بوجهة لكل الناس اللي بتشوفنا بقولهم سيب نفسك للروح القدس وللمسيح كمان فعل ابونا سمعان وربنا هيصنع بيك تاريخ كمان صنع بأبونا سمعان
Detailed Report
Start | Detailed Description |
---|---|
;00:00:00 | تتر |
;00:01:37 | المرنم/ صموئيل لطيف يرحب بالجمهور ويكون عنوان الحلقة قديس صانع التاريخ وهنتكلم عن الاب سمعان ابراهيم ويقدم ضيفة ابونا بطرس رشدي ويرحب بالمرنمات والعازفين ويشكر الاخت امل والاخ صموئيل لزيادة مدة الحلقة اليوم |
;00:10:27 | المرنم/ صموئيل ازاي القصة بدأت واحد ساكن في شبرا يروح منطقة صعبة زي كدة الاب/ بطرس ابونا كان ساكن في شبرا وكان في ولد من اولادنا الزبالين بياخد الزبالة من الشقة اللي ساكن فيها ابونا سمعان وابونا كلمة عن المسيح وازاي يسلم حياتة للمسيح وينتقل من الظلمة الي النور وبالفعل صلي مع ابونا وسلم حياتة للمسيح وقالة زي ما كلمتني عن المسيح احنا عندنا في المنطقة ناس من الزبالين ميعرفوش اي حاجة ومكنش في مية ولا نور ولا اي حاجة كان عالم بدون حياة ومع الحاح عم قديس راح ابونا سمعان مع عم قديس في شهر 3 ولما ركب الاتوبيس ورايح المطرية سمع ربنا بيقولة ارجع وروح انا بدعيك ونزل وراح اخد اتوبيس الدراسة وراح لهناك ولقي المنطقة فيها اكثر من 16 خمارة وضرب نار وكان كوكتيل من ناس لا يعرفوا المسيح نهائي وبلغ عم قديس يشوف مكان يصلي فية |
;00:15:10 | المرنم/ صموئيل انا عجباني القيادة الالهية وانة مكنش بيتحرك غير بحسب دعوة الله لية |
;00:15:45 | الاب/ بطرس المكان اللي كان هيصلي فية كان في جبل وقعد يصلي ويقولة يارب انت عاوز مني اية انا نقطة في بحر وفي يوم 14-3-1974 قامت زوبعة شديدة في المنطقة وكان ورق كتير طاير في الجو ومن ضمن الورق دة كانت ورقة من الانجيل جات قدام ابونا وكانت “فَقَالَ الرَّبُّ لِبُولُسَ بِرُؤْيَا فِي اللَّيْلِ: «لاَ تَخَفْ، بَلْ تَكَلَّمْ وَلاَ تَسْكُتْ، لأَنِّي أَنَا مَعَكَ، وَلاَ يَقَعُ بِكَ أَحَدٌ لِيُؤْذِيَكَ، لأَنَّ لِي شَعْبًا كَثِيرًا فِي هذِهِ الْمَدِينَةِ».” (أع 18: 9-10) ودة كان الرد والاعلان الالهي من ربنا لابونا انة ميخافش واني معاك ومحدش هيأذيك وبالفعل كان لم يستطع احد يأذي ابونا لمدة 50 سنة لان الرب لا يتخلي عن وعدة ابداً ولما اعطوا الورقة لقداسة البابا شنودة قال ليهم مش مجرد ورقة دية رسالة الهية |
;00:20:01 | الاب/ بطرس لما بدأ يعمل الاجتماع مكنش حد بيجي بقا بيروح يفتقدهم ويزورهم وكان الرب مأيدة واعطاة هيبة ونعمة وشجاعة ومواهب وبدأ الرب يعمل نهضة في المكان بسبب شخص واحد |
;00:21:28 | المرنم/ صموئيل الموضوع صعب انك تروح لناس عايشة في الزبالة وانهم يطعوة دة موضوع صعب الاب/ بطرس اباء كتير راحت هناك وقالوا مش قادرين نروح تاني ولكن ابونا سمعان كان بينفذ وصية ربنا ورغم الامراض والتعب اللي جالة بسبب الزبالة ولكن كان بينفذ فرمان ربنا وكان بيخدم خدمة من نوع تاني خالص كان بيروح ويفتقد ويوطي ويلبس ليهم الجزم ويبوس علي راسهم علشان يجوا ويحضروا الاجتماع وكان بيخدم خدمة من عند الاقدام |
;00:24:46 | المرنم/ صموئيل لو انا فاكر ان الخدمة اكل عيش يبقا اروح ادفن نفسي بالحيا لو انا فاكر الخدمة بالطريقة دية ودة اللي كان بيعملة ابونا سمعان كان بينزل يبوس رأس الناس ورجلين الناس |
;00:26:05 | فيديو عن خدمة ابونا سمعان |
;00:30:10 | المرنم/ صموئيل من ضمن الناس اللي كلمتهم اثرت كان عم عوض لما روحت العزا ولقيتة وقف وقال جزء من الشهادة اللي غيرت حياتة قال انا كنت شمام وبسبب ابونا سمعان انا بقيت شماس ودة ممكن يحصل لو حد بيطيع دعوة ربنا لحياتة الخدمة المثمرة دايماً ليها امل وثمر |
;00:31:26 | مكالمة الاخ عادل من كاليورنيا يشكر قناة الكرمة والبرنامج ويحكي عن ابونا سمعان وانة كان من الاباء الاتقياء اللي نتمثل بسيرتهم وحياتهم وانة كان بيفتقد كل الناس وجاهد الجهاد الحسن وان سيرتة من سير القديسين ويشكر الاب بطرس وكل العاملين في البرنامج |
;00:40:14 | مكالمة الاخ يعقوب من المقطم يشارك بالمعجزات التي حدثت معة انا كنت بشرب معسل وخمرة وشيشة وكلة ولكن ابونا سمعان كان سبب توبة لية وابني وقع من الدور الخامس وكان هياخد 36 غرزة في دماغة وابونا سمعان اخدة وصلالة ومفيش اي حاجة وانا كنت هعمل عملية في ودني وابونا سمعان (الكلمة غير واضحة) حطها في ودني ومحتاجتش للعملية مجداً للرب |
;00:42:25 | مكالمة هاني من المقطم يشكر قناة الكرمة وابونا بطرس ويحكي عن ابونا سمعان وحبهم لية وانة كان شخص المسيح ومتواضع وكان اب وراعي بيخاف علي اولادة وقطيعة والمنطقة بالكامل كان في حضن ابونا سمعان وانا ليا تجربة شخصية معاة ان انا بكتب شعر ولما كنت معاة في جلسة اعتراف وقالي يابني احنا نغير فكرنا ونسبح لربنا وفعلاً غيرت كتباني واول قصيدة كتبتها كانت لابونا سمعان |
;00:45:41 | مكالمة د/ صموئيل ماهر من المقطم يشكر قناة الكرمة والبرنامج والاب بطرس ويحكي عن جوانب الروح القدس اللي اتعملت في حياة ابونا سمعان ويقول ان الكتاب المقدس ليس كتاب نظري بل كتاب عملي واجمل ما يميز ابونا سمعان انة كان عافاً وعفيفاً والعفة ثمرة من ثمار الروح القدس اللي كانت في حياة ابونا سمعان وكان لم يخرج من فمة اي كلمة شريرة حتي وقت الغضب كان غضبة ملئ بالروح القدس وكانت كل فلوسة لربنا ولم يكن لة اي فلوس في اي بنك او اي مكان وكان بنات كتير اشرار بيحاولوا يضحكوا علية ولكنة كان مقدساً وكل الناس كانت بتشهد علي قداسة ابونا سمعان واتمني الناس كلها تتمثل بأعمالة |
;00:52:01 | المرنم/ صموئيل انا حزين جداً من اجل كل واحد مسيحي بالاسم ولا يعرف يمينة من شمالة وهو رايح وراجع من الكنيسة ولسة بيشتم وبيهين زوحتة وحالة من الشر رهيبة المسيح بيدعوك دعوة خاصة انك تبقا ملكة وتقولة انت هدف اهداف العمر وزي ما شهد اخواتي يعقوب وعوض وهاني عن نعمة الله اللي بتحرر وبتغير والمسيح يقدر يحررك ويغيرك ويغير بيتك علشان تبدأ حياة جديدة مع المسيح |
;00:58:20 | المرنم/ صموئيل من ضمن الحاجات اللي اتقالت ان ابونا كان بيوطي يبوس علي رجل الناس عاوزين نكمل باقي الرحلة واية اللي حصل بعد ما بدأ يجمع الناس وان الموضوع في البداية كان صعب الاب/ بطرس سر عظمة الروح القدس اللي في ابونا انة مش بس كان مهتم بالجانب الروحي ولكن كان متكامل في الخدمة وكان بيشتغل علي المستوي الروحي والاجتماعي والبيئي وابونا لما بدأ الخدمة مكنش في حاجة اسمها مدارس وكان مفيش للناس شهادة ميلاد وناس بتتجوز وهي عندها 11 سنة وابونا كان بيصلح دة كلة ومكنش علشان هو عاوز كدة لا دة كان قيادة من الروح القدس وحارب كتير علشان يخلي الناس في المنطقة دية كدة ويبقا فيها دكاترة ومهندسين وعلي المستوي الروحي الناس مكنتش تعرف يعني اية مسيح ودلوقتي عارفين وبيروحوا الكنيسة ولما البابا شنودة عرض علية يروح كنيسة العذراء ارض الجولف في مصر الجديدة ولكن صاحب الرؤية اللي كان واخد امر الهي رد وقالة ياسيدنا انا عامل زي السمك اللي بيطلع من المية يموت وانا لو طلعت من الزبالة اموت وربنا هو اللي دعاني للمكان دة وانا مقدرش اسيب المكان دة كان كاهن عندة رؤية مش وظيفة ولا منصب دة كان يسوع عايش معانا علي الارض والروح القدس كان صانع بية تاريخ ولا يمكن لاحد ان يمحي التاريخ دة |
;01:05:25 | المرنم/ صموئيل ابونا سمعان مش بس نحت في الصخر روحياً دة كمان عملياً الفكرة اللي ادهالوا ربنا والروح القدس انة يعمل كنيسة في الجبل وانة ينام في مكان زي كدة والمثابرة والاحتمال دة ويحكي قصة زيارتة هو والقسيس مارتن من اوروبا لابونا سمعان وان القسيس يدعوة انة يزور اوروبا ويخدم هناك وكان ردة السمكة مكانها في المية وانا زبال مكاني في الزبالة هنا كان عندة امانة وعفة وطهارة |
;01:15:57 | مكالمة الاخ بخيت من المقطم ويحكي معجزة حدثت معة كان عندي كرونا (الخط قطع) |
;01:16:45 | مكالمة الاخت/ هناء من المقطم احنا فخورين يا ابونا ان لينا شفيع وقديس عظيم وهو ابونا سمعان واحنا صغيرين كان بياخدنا ويعلمنا نرشم الصليب ونصلي وانا ليا اختبارات كتير في حياتي انا مبعرفش اقرا وكان يقولي الروح القدس يعلمك كل شئ ويذكركم بكل ما قولتة لكم وقالي عندك ايمان يابنتي ان الروح القدس يعلمك قولتلة عندي يا ابونا وبقيت بعرف اقرا الكتاب المقدس (الخط قطع) |
;01:18:21 | الاب/ بطرس هي مبتعرفش تقرا اي حاجة خالص وابونا سمعان قالها صلي والروح القدس هيعلمك وبقت بتعرف تقرا الكتاب المقدس بس |
;01:19:10 | مكالمة الاخت/ نيرمان عادل من المقطم انا ابونا سمعان عمل معجزة معايا (الخط قطع) |
;01:19:50 | مكالمة الاخ/ شحاتة من المقطم يشكر البرنامج وقناة الكرمة والاب بطرس ويقول ابونا سمعان كان قديس صانع كرامة يكفي اي في اي مكان كنا نقول احنا اولاد ابونا سمعان كان بينفتح كل شئ والجميل ان انا اول امبارح كنت بعمل بطاقة لبنتي في السجل المدني والدنيا زحمة اوي وبقول للراجل الدنيا زحمة اوي قالي انت منين من منشية ناصر قولتلة اة انا من عند ابونا سمعان قالي انا بحب ابونا سمعان اوي الله يرحمة تعالي عاوز اية وخلصلي الورق بسرعة وحاجة تاني ابونا سمعان كان من السواح وهو عايش كان في قداس يوم الحد وكنت اوقات بكسل وبكون عاوز انام ولكن كان ابونا سمعان بيجيلي ويقعد يقولي قوم واصحا وميسبنيش غير لما اقوم والقية واقف قدامي وهو مش موجود وكنت اروح الكنيسة والقية واقف وبيضحك كدة وكنت اقولة ياقدس ابونا كنت سبني انام شوية يضحك ويقولي لا تعالي الكنيسة (الخط قطع) |
;01:23:10 | المرنم/ صموئيل وانا بصلي من اجل الحلقة في مشهد جة قدامي همس صوت جوايا وجة ابونا سمعان قدامي وقالي كلم ولادي عن المسيح الناس محتاجة حد يحبها اوقات كتير الناس بتشعر ان الخادم دة نجم وبيرفض يتعامل مع الناس المسيح مكنش كدة كان وسط الناس ومع الناس الخدمة مش كدة وابونا سمعان كان بيتعامل مع كل الناس سواسية وهو دة القلب اللي اتملي بالمسيح وعلشان كدة تأثيرة هيدوم الي مجئ المسيح وانا بقول دة بكل يقين وايمان مهما قوة الشر اتجمعت لا يمكن ان يحط ابليس راسة فيها لان الاله العظيم هيكمل بالاباء الكهنة اللي جوة الدير |
;01:26:45 | فيديو عن اختبارات لاشخاص اتغيرت بسبب ابونا سمعان |
;01:33:38 | الاب/ بطرس جذابية الروح القدس اللي كانت في ابونا هي اللي جذبتهم لربنا ابونا لما كان بيروح يدور عليهم في الشوارع والقهاوي كانوا بعاد كل البعد عن ربنا واجتماع الشباب دة كان بيبقا فية 3 او 4 دلوقتي بقا فية اكتر من 600 شاب ودة اجتماع واحد وابونا سماهم شباب المسيح واكتر حاجة احنا كا اباء اتعلمناها من ابونا سمعان هي يعني اية المسيح وارتباطنا بالروح القدس وعرفنا ازاي نسمع صوت الروح القدس ابونا سمعان كان بيتلمذنا زي المسيح وعرفنا ازاي نحب مصر ونحترمها ونحبها ولما حدث موضوع الاخوان والثورة ابونا سمعان جمعنا وقالنا لازم نصلي لاجل مصر وكان اليوم اللي انقذ مصر يوم 11-11 يوم الصلاة والرجوع الي الله وكان حضور الله في المكان بقوة غير عادية واليوم اللي عملة ابونا سمعان كان سبب رئيسي في حماية مصر وكان بيحب الرئيس السيسي وقال ان دة ربنا اختارة وجابة ينقذ مصر زي يوسف |
;01:39:14 | الاب/ بطرس عندي رسالة لكل الكنايس ولكل المؤمنين تعالوا نقف نصلي كلنا لاجل مصر زي ما حصل يوم 11-11 علشان نوقف الضياع وخطط ابليس اللي غير عادية لمصر |
;01:40:26 | مكالمة الاخ/ روماني من المقطم يحكي عن ابونا سمعان واختبارة وان ابنة اتخطف سنة 2000 واتصل بيا رئيس العصابة وقالي عاوز مليون و200 الف بقولة لية قالي الكلية ب 500 والكبد ب 400 والعنين ب 300 (الخط قطع) |
;01:41:33 | الاب/ بطرس يكمل القصة جم لابونا سمعان وقالوا لية الحقنا وكانوا بيبكوا واخدهم في حضنة وقالهم متخافوش ابنكم هيرجع وابونا عمل مكالمة وعرف مكان الولد فين وكلم الامن وبالفعل راحوا المكان وجابوا الولد من غير ما يحصل اي حاجة وقبضوا علي العصابة ابونا مكنش مجرد كاهن ولكن كان اب |
;01:43:33 | الاب/ بطرس ابونا سمعان مش بس هو اللي صنع التاريخ ولكن ماما سعاد هي صانعة التاريخ ايضاً هي 50 سنة كانت بتخدم الشبابات والسيدات وصنع قديسات من خدمتها وكانت الجندي المجهول كانت في ضهر ابونا سمعان “اِمْرَأَةٌ فَاضِلَةٌ مَنْ يَجِدُهَا؟ لأَنَّ ثَمَنَهَا يَفُوقُ اللآلِئَ.” (أم 31: 10) |
;01:50:32 | المرنم/ صموئيل نفسي حضرتك توجة رسالة لكل نفس بتتفرج علينا من حياة ابونا سمعان الاب/ بطرس انا هوجة 3 رسائل اول رسالة للسيد الرئيس عبد الفتاح السيسي عاوز اقولة ربنا معاك وساندك واقف ضد الارهاب ومتنجرفش للحرب و متخافش لان ربنا هو اللي مختارك لمصر الرسالة التانية لقداسة البابا تواضروس اقولة شكراً ليك جداً انك سمحت وامرت ان ابونا سمعان يفضل في مكانة وفي ديرة وسط اولادة الرسالة الثالثة بوجهة لكل الناس اللي بتشوفنا بقولهم سيب نفسك للروح القدس وللمسيح كمان فعل ابونا سمعان وربنا هيصنع بيك تاريخ كمان صنع بأبونا سمعان |
;01:53:50 | المرنم/ صموئيل يشكر ابونا بطرس والمرنمات والاخ/ ساهر ويختم الحلقة |
;01:55:23 | تتر |
Songs
Start | Song |
---|---|
;00:05:50 | ترنيمة احفظني في رضاك باقي ايام عمري |
;00:34:55 | ترنيمة ايها الفخاري الاعظم انا كالخزف بين يديك |
;00:53:29 | ترنيمة انت هدف اهداف العمر اللي انا باحياة علشان ارضيك |
;01:11:40 | ترنيمة لما دعاني ربي قالي تعالي ارتاح |
;01:44:58 | ترنيمة احفظ بلدنا يارب واملاها من خيرك جايين بكل القلب مالناش رجاء غيرك |