“Our Praise is Yours” program ,A special episode for children,The best story ever – Dec 22 (126) | برنامج ليك تسبيحنا – حلقة خاصة للأطفال ,أحلى حكاية ,الجمعة 22 ديسمبر 2023

Episode Arabic December 22, 2023 ليك تسبيحنا

About this episode

أحلى حكاية

الجمعة 22 ديسمبر 2023

Presented by: Brother Samuel Latif
Episode guests: "Heart of Jesus" team led by Brother Reda Galil

برنامج "ليك تسبيحنا"
حلقة جديدة من برنامج "ليك تسبيحنا" بعنوان "أحلى حكاية"
يوم الجمعة 22 ديسمبر 2023 مباشرة على شاشة قنوات الكرمة
مع الأخ صموئيل لطيف
ضيف الحلقة: الأخ رضا جليل وفريق الأطفال Jesus Heart
كل يوم جمعة الساعة 8 مساءً بتوقيت القاهرة - الساعة 10 صباحًا بتوقيت كاليفورنيا

Joy فرح

Worship عبادة

Love حب

Peace سلام

Thank شكر

Victory نصرة

أحلى حكاية ممكن تسمعها، حكاية غيرت تاريخ البشرية بالكامل. ميلاد المُخلص الرب يسوع المسيح.
أحلى حكاية إنه الميلاد كان البداية، الامر لم يتوقف. أشجعك وأقول لك الرب يسوع راح للصليب من أجلي ومن أجلك ومش بس مات لكنه قام من الأموات وغلب الموت وأعطانا غلبة على الموت والخطية. أحلى أية قالها طفل جميل النهاردة. أمين تعال أيها الرب يسوع المسيح. هي دي كل الحكاية. لا تقف عند الميلاد بس لكن الحكاية إنه يسوع جه وأتولد علشاننا وكل حاجة حوالينا بتقول إنه جاي تاني

Start	Detailed Description
00:00:00	تتر
00:01:48	ترحيب من الأخ صموئيل بكل المُشاهدين في برنامك ليك تسبيحنا، أرحب بكم في حلقة خاصة بعنوان أحلى حكاية، أحلى حكاية ممكن تسمعها، حكاية غيرت تاريخ البشرية بالكامل. ميلاد المُخلص الرب يسوع المسيح.
00:02:56	ترحيب بالأخ رضا جليل وفريق قلب يسوع، الفريق جاي من أبو قرقاص المنيا وراجعين بعد الحلقة، احب أشكرهم جدًا لمجيئهم.
00:04:19	ترنيمة سؤال بيدور جوايا
00:08:05	الأخ صموئيل: مش معقول اللي عملته، حبك عمري ما فهمته. اجمل حكاية ممكن نبدأ بيها هي حكاية المُخلص، يعني ايه الله العظيم جه في صورة إنسان؟ وليه يعمل كده.
00:08:40	الأخ رضا جليل: فكر التجسد صعبة جدًا على ذهننا البشري لكننا بنقبله بالروح القُس جوانا، علشان كده نفسي نقدم فرصة للرب النهاردة إنه يكلمني. كيف سوف يكشف الرب لي عن المحبة اللي في قلبه بدون ما يتجسد ويكشف لي ذاته ومحبته.
00:10:06	الأخ صموئيل: الله قادر على كل شيء، وعشان يعلن محبته لي وليك جه في صورة إنسان بسيط علشان يُظهر لينا الحب ده.
00:10:34	الأخ رضا: الله بيتكلم وبيسمع، الله اتكلم في ابنه يسوع المسيح الكلمة المُتجسد يسوع المسيح.
00:11:35	ترنيمة يسوعي اشكرك ياربي
00:14:09	ازاي ماقبلش الحب ده، ممكن تقول أنا مش قادر افهم ازاي ربنا الكبير والعظيم اللي خلق السماء والأرض وكل حاجة فيها جه وأتجسد علشاني أنا؟
00:14:33	الأخ رضا جليل: الاجابة البسيطة إن الله بيحب البشرية.
00:14:54	مُكالمة تليفونية: جولي وجيسون – ترنيمة يسوع زي السكر
00:17:07	الأخ رضا: كل شخص مننا عنده صفات في شخصيته، الله من صفاته إنه عادل ورحيم، هو عنده قانون لازم ينفذه، احنا غلطنا في حق ربنا وكان الحل الوحيد إن ربنا ينزل ويشيل العقوبة بتاعتنا.
00:17:54	الأخ صموئيل: وانا طفل كنت بافكر ازاي الإله العظيم جه قدر يغفر لي خطيتي؟ ازاي قدر يغفرها ليَ.!
00:18:29	الأخ رضا: واحد سألني لو الرب يسوع جه النهاردة هاتروح فين؟ وقتها وقفت قدام نفسي ويومها قدمت حياتي للرب يسوع وقبلت محبته وغفرانه لي.
00:19:14	مُكالمة تليفونية: القس فيكتور من المنيا (ترحيب بالخُدام المُباركين، هذا البرنامج رائع وجميل وبركة كبيرة وجود الفريق الجميل ده معاكم. أحب أشكر الفريق والأخ رضا جليل لأن على قلبه الفريق وعلى قلبه عمل الرب، أصلي أن يكون الوقت مُبارك.
00:20:51	الأخ صموئيل: قول للرب أنا مش عايز أحتفل مُجرد احتفال واستمتع بالزينة والبهجة المنتشرة في الأجواء، لكن هل أنت قبلت الرب يسوع في قلبك؟
00:21:43	ترنيمة ميلادك أحلى يوم
00:25:24	الأخ رضا: ناس كتير فاكرة إنه ميلاد المسيح كان سهل وكان لطيف، لكن المسيح لما أتولد أتولد في ظروف صعبة جدًا. الملاك قال لهم ها أنا أبشركم بفرح عظيم رغم إنه كان هُناك إضطراب كبير بسبب هذا الأمر لكن يسوع عندما يتي يأتي بالفرح العظيم.
00:26:47	مُكالمة تليفونية: الأخت إيمان من المنيا (كل سنة وأنتم طيبين، والد مُحب ومارفي أجمل ما في الميلاد هو تجسد المسيح في أشخاص يقدروا يكملوا رسالة المسيح لكل الناس).
00:28:24	مُكالمة تليفونية: الأخ هيثم من المنيا (والد كارين – أحب ان أشكر البرنامج والأخ رضا هو شخص مُميز ونعمة الرب تباركه وأشكر البرنامج كل الخُدام الموجودين في البرنامج أنتم بركة كبيرة لحياتنا).
00:30:06	مُكالمة تليفونية: داني (الرب يبارككم ويبارك الفريق المُستخدم جدًا نُصلي إنكم تكونوا بركة كبير لينا، شيء مُشرف جدًا إن الفريق يكون موجود على قناة الكرمة.
00:31:52	مُكالمة تليفونية: يوحنا وصموئيل مايكل من مصر "الشعب السالك في الظلمة أبصر نورًا عظيمًا" (أشعياء 9: 2)
00:34:17	مُكالمة تليفونية: كارين وتوني هاني (أحلى حكاية إن ربنا جه ومات علشاننا) توني: ترنيمة سلمتك ربي كل حياتي
00:36:56	الأخ رضا: أول ما أتولد المسيح أصدر فرمان إن كل الأطفال تتقتل، وكمان كان هو أول طفل أتعرض للتجهير بسبب الخوف، عايز النهارد أقول لكل طفل متعرض لهذا الأمر عايز أشجعكم فالرب يسوع مر بنفس الظروف وعارف احساسك ويقدر يسندك.
00:37:57	وقت صلاة: يارب يسوع ترفق وتحنن على الأطفال وتعال وتحنن على الأطفال في فلسطين، يارب نصلي إنك توقف نزيف الدم الذي يحدث، نصرخ لك من أجل كل طفل متألم بسبب الحروب، نثق أنك أنت إله السلام والمحبة، تعال لكل حد متألم وألمسه لمسة شفاء.
00:39:04	الأخ صموئيل: اسمه يسوع يعني الله معانا قريب جدًا مننا وحاسس بينا وبيسندنا.
00:39:44	ترنيمة اسمه هو يسوع
00:43:56	مُكالمة تليفونية: كريس وميرول ومارفي من أسوان (مُشاركة بعدد من الآيات)
00:47:41	الأخ صموئيل: ممكن يكون فيه طفل بيقول: أنا بابا بيعاملني بشكل مش حلو والأطفال في المدرسة بيضربوني وبيقول أنا تعبت، ازاي بيسوع حاسس بي؟
00:48:34	الأخ رضا: ممكن نقول الآية اللي شاركتنا بيها ميرول وكان الرب مع يوسف فكان رجلًا ناجحًا. الرب يسوع بيطلع من الظروف الصعبة دي امور رائعة. المسيح أتولد في ظروف صعبة ولكنه كان خلاص لكل البشرية.
00:49:46	الأخ صموئيل: دي أحلى كحاية ممكن تسمعها، الرب يسوع لما جه مكنش عنده مكان يتولد فيه لكن هو سبب في فرح العالم كله.
00:50:49	ترنيمة أحلى حكاية في الزمان
00:54:12	الأخ صموئيل: أحلى حكاية ممكن تتحكي، يسوع أتولد علشان يشاركنا ويقولنا انا اختبرت اللي أنتو بتختبروه.
00:54:50	مُكالمة تليفونية: سيلفيا من القاهرة (مُشاركة بترنيمة السلام للأرض والمجد لله في الأعالي)
00:56:07	مُكالمة تليفونية: كيرلس سمير من المنيا (ارحب بكم وبالأخ رضا – كل سنة وأنتم طيبين – قصة الميلاد قصة جميلة الرب يسوع بيعلمنا منها الإتضاع والمحبة.
00:57:19	مُكالمة تليفونية: راين من المنيا (مشاركة بآية "أبارك الرب في كل حين دائمًا تسبيحة في فمي" ( مزمور 34: 1)
00:58:39	مُكالمة تليفونية: الأخت نيهال من إنجلترا (أروع قصة هي قصة الميلاد، يابخت اللي يحول الحكاية لفرصة حقيقية لخلاص حياته، أتمنى أن تكون البهجة مش بهجة بالزينة فقط لكن بميلاد المسيح يسوع، ميلاد يسوع هو حق واضح لن نستطيع أن نصدقه ما لم نختبره، بالإيمان مش بالعقل. أريد أن أحيي كاتب كلمات ترنيمة ازاي ماقبلش الحب ده!).
01:01:49	ترنيمة الأرض كانت مليانة
01:05:53	الأخ صموئيل: جه يسوع علشان يعبر عن حبه للناس لكن الغريب إنه كان فيه رد فعل مُختلف وغريب من بعض الناس.
01:06:34	الأخ رضا: وده اللي قاله الوحي إنه النور هاييجي للعالم لكن العالم مش هايقبله، يسوع كان جاي ببشارة حب وسلام لكل الناس لكن للأسف مش كل الناس قبلت الحب والنور ده.
01:07:10	الاخ صموئيل: لو جه النهاردة واحد يقولي أنا باعمل وباعمل أقول له أنت في حكاية مختلف، مش حكايتنا. علشان كده مش عارف ومش قادر تقبل الرب يسوع المسيح. ممكن حد يقول أنا لم أرفض المسيح!
01:08:24	الاخ رضا: جه نقيديموس للرب يسوع وقاله أعمل ايه علشان أرث الحياة الأبدية، رغم إنه كان رجل كبير وعنده معرفة كبيرة. الرب يسوع مش منتظر مني كل ده لكن منتظر مني إني أقدم ليه قلبي.
01:09:27	مُكالمة تليفونية: مارينا من المنيا (سعيدة بالبرنامج جدًا – طلبة صلاة شفاء من الكانسر لشخص قريب لها وشخص أخر أن يعرف الرب)
01:11:31	الأخ صموئيل: الترنيمة اللي جاية بتقول السلام للأرض والمجد لله في الأعالي، في وسط الحروب والاضطراب لكن السلام للأرض.
01:12:12	ترنيمة السلام للأرض والمجد لله في الأعالي
01:15:56	الأخ صموئيل: صلاتي النهاردة انك تستجيب للنداء ده علشان تعيش أحلى قصة في حياتك. أجمل حياة ممكن تعيشها هي مع الرب يسوع المسيح. أوقات الناس تفكر أن الحياة بدأت عند الميلاد ووقفت عند الصليب، لكن فيه أحلى حكاية هي ختام الحكاية.
01:16:55	الأخ رضا: أحلى حكاية هي إني أقفل الحكاية القديمة وأبدأ حكاية جديدة. أؤمن إنه فيه اسماء بتتكتب النهاردة في سفر الحياة، لكل حد بيسمعنا الحل الوحيد هو يسوع المسيح. ده النداء اللي احنا محتاجينه. يسوع بيدعونا إننا نروح ليه ونختبر الرب وندوق طعم الراحة. الرب طيب وحنين. ليه تبعد عنه وتختار طريق مُختلف. صدق إن الرب جه مخصوص علشانك النهاردة.
01:18:16	الاخ صموئيل: أحلى حكاية إنه الميلاد كان البداية، الامر لم يتوقف. أشجعك وأقول لك الرب يسوع راح للصليب من أجلي ومن أجلك ومش بس مات لكنه قام من الأموات وغلب الموت وأعطانا غلبة على الموت والخطية. أحلى أية قالها طفل جميل النهاردة. أمين تعال أيها الرب يسوع المسيح. هي دي كل الحكاية. لا تقف عند الميلاد بس لكن الحكاية إنه يسوع جه وأتولد علشاننا وكل حاجة حوالينا بتقول إنه جاي تاني – شكر للأخ رضا، الرب يباركك ويستخدمك وأشكر الفريق الرائع اللي كان معنا. وشكرًا لكل أب وأم من اهل الفريق اللي معنا اليوم. أثق أن الرب سوف يُبارككم – وأشكر اخوتي العازفين ومن كل قلبي أشكر كل شخص تعب معنا في إعداد هذه الحلقة.
01:21:50	ترنيمة كل الأيام
01:23:48	غني قولها في كل مكان
01:24:22	ترنيمة ميري كريسماس
01:24:35	تتر

Start	Song
00:04:19	ترنيمة سؤال بيدور جوايا
00:11:35	ترنيمة يسوعي اشكرك ياربي
00:21:43	ترنيمة ميلادك أحلى يوم
00:39:44	ترنيمة اسمه هو يسوع
00:50:49	ترنيمة أحلى حكاية في الزمان
01:01:49	ترنيمة الأرض كانت مليانة
01:12:12	ترنيمة السلام للأرض والمجد لله في الأعالي
01:21:50	ترنيمة كل الأيام
01:23:48	غني قولها في كل مكان

“Our Praise is Yours” program ,A special episode for children,The best story ever – Dec 22 (126) | برنامج ليك تسبيحنا – حلقة خاصة للأطفال ,أحلى حكاية ,الجمعة 22 ديسمبر 2023

“Our Praise is Yours” program ,A special episode for children,The best story ever – Dec 22 (126) | برنامج ليك تسبيحنا – حلقة خاصة للأطفال ,أحلى حكاية ,الجمعة 22 ديسمبر 2023

Recently watched

More from ليك تسبيحنا

You may also like

Recently released