“Our Praise is Yours” program ,Divine visitation May 31 (145) | برنامج ليك تسبيحنا – زيارة إلهية ,الجمعة 31 مايو 2024

Episode Arabic May 31, 2024 ليك تسبيحنا

About this episode

إلهية

الجمعة 31 مايو 2024

Presented by: Brother Michael Eshak
Episode guest: Sister Sara Ragae

برنامج "ليك تسبيحنا" بعنوان "زيارة إلهية" - الجمعة 31 مايو 2024 - على شبكة قنوات الكرمة
See less
حلقة جديدة من برنامج "ليك تسبيحنا" بعنوان "زيارة إلهية"
يوم الجمعة 31 مايو 2024 مباشرة على شاشة قنوات الكرمة عيلة وتسبيح
مع المرنم د. مايكل إسحاق
ضيفة الحلقة: المرنمة سارة رجائي
كل يوم جمعة الساعة 8 مساءً بتوقيت القاهرة - الساعة 10 صباحًا بتوقيت كاليفورنيا

Joy فرح

Goodness صلاح

Worship عبادة

Survival نجاة

Pray صلاة

Repentance توبة

Thank شكر

Steadfast ثبات

Start	Detailed Description
00:00:00	تتر
00:01:36	ترنيمة في حضنك الدافي
00:05:36	ترحيب من الأخ مايكل اسحق بحلقة جديدة من برنامج ليك تسبيحنا. صلاتنا أن يأخذنا الرب بزيارة إلهية جميلة، ترحيب بفريق الخدمة وبالعازفين. وبالأخت سارة رجائي. ما هي فكر عنوان حلق اليوم.
00:07:36	الأخت سارة رجائي: الوقت اللي فات قررت أن أبدأ ألعب رياضة ووجدت إني أرى نفس الناس كل يوم ولكن لم أجد فيهم شيء يتغير! ووقتها قال لي الرب إنه في ناس عندي في الكنيسة لها سنوات كثيرة ولكن حالتهم ثابت. والغريب أن الآية تقول ناظرين مجد الرب فبالتالي نتغير!
00:08:36	الأخ مايكل: أنت عايزة تربطي بين الزيارة الإلهية والتغيير، لو هانروح للنموذج الكتابي أن الرب بيغييرنا في الزيارة الإلهية أعرف ازاي إني أتغيرت؟
00:09:19	الأخت سارة: هل رد فعلك هو نفس رد فعلك على مواقف مُعينة حدثت من فترة كبيرة هو هو به التخوف والقلق وبه عدم الإيمان؟ هل رد فعلك تجاه الأمور أتغير ولا لازال كما هو؟
00:10:32	ترنيمة أتخلقت عشان أعيش
00:14:48	الأخ مايكل: أنا ليه محتاج للزيارة الإلهية؟ ليه محتاج للتغيير؟
00:15:36	الأخت سارة: اللي بيخليني محتاج أتغير هو إنه ده احتياج روحي ونفسي بداخل كل حد فينا.
00:17:15	الأخ مايكل: هل ينفع أتغير لوحدي ولا لازم الزيارة الإلهية؟
00:17:13	الأخت سارة: مستحيل تعرف تتغير لوحدك، لازم اللي يغيرك من جوا يكون بيعرف يوصل لمناطق فيك أنت نفسك ماتعرفش توصل ليها.
00:19:27	ترنيمة قلبًا نقيًا أخلق في يا الله
00:23:53	الأخ مايكل: مين اللي بيدعو للمُقابلة دي وللزيارة دي؟
00:23:59	الأخت سارة: الله هو اللي بيدعونا، الصلاة هي مُناداة من الرب واستجابة مننا، ودايمًا يقول أنا واقف على الباب وأقرع. هو مستنيك تتجاوب معاه.
00:24:31	الاخ مايكل: ممكن حد يكون بيسمعنا النهاردة يقول معقول الله بنفسه عايزني؟ الكتاب بيقول الله الذي يُريد أن جميع الناس يخلصون وإلى معرفة الحق يقبلون. وده شيء مُشجع. لما يتقابل الله معايا ايه اللي بيحصل؟
00:25:21	الأخت سارة: في اختلاف بين إننا نسمع عنه وبين إننا نسمع منه. لما باقعد معاه وأقابله أبدأ أتعرف عليه بشكل شخصي وأبدا أعرف نفسي كمان، ومكتوب كمان أن كلمة الرب بتشفي، كلمة الرب بتحرر. احنا محتاجين للرب ومش هانعرف نتحرك بدونه.
00:27:30	مُكالمة تليفونية: بيلا من المنيا (الرب يبارككم على الحلقة الرائعة، العنوان رائع. أنا نفسي الرب يزروني زيارة خاصة. أنا بحبه وهو أتولاني من ولادتي. الرب معندوش حد يتيم لأنه هو أبونا وهو البداية والنهاية في حياتنا. وصلاة من أجلها.
00:28:54	صلاة من الأخت سارة لبيلا، يارب انا باطلب منك زيارة إلهية تخترقها وتخترق أعماقها ونفسيتها. أنت تكون صديقها وأبوها. مش بس تعرف عنك لكن تعرفك وتبدأ علاقة قوية معاك.
00:29:41	مُكالمة تليفونية: بنت الرب من مصر (لما عرفت الرب بدأت طريقتي تتغير وحتى طريقة ردود أفعالي، وكأن الرب بيفتح عنينا على التغيير وإننا نكون شبهه).
00:32:21	ترنيمة وجهًا لوجه
00:36:09	مُكالمة تليفونية: الأخت نيهال (أرحب بكم وبفريق الترنيم الجميل والرب يبارككم، أنا باصلي إنه النهاردة الزيارة الحقيقية هي اللي تكون بتعمل استنارة في الذهن لأن العمر مش مضمون، ممكن يبدو أن لغتي مفيهاش أمل لكن أحنا عندنا إله حي يقدر يعمل الزيارة دي النهاردة. التغيير رحلة تبدأ يوم ما سلمت للرب حياتنا ولا ولن تنتهي إلا لما تتقابل معاه، لازم يكون في حياتك تغيير مستمر. في بنات بيشوفوكي النهاردة ومعندهمش جمال لكن الكتاب بيقول إنه مش الزينة ولا الميكب هما زينة المرأة، ما هي الرسالة التي توجهيها للبنات!).
00:41:14	مُكالمة تليفونية: الاخ جبرائيل من القاهرة (أشكرك من أجل الحلقة ومن أجل عنوان الحلقة، أنا مُنتظر زيارة خاصة من الرب يسوع ومحتاج طلبة صلاة لاني عندي كانسر في العمود الفقري، صلوا من أجلي).
00:42:41	الأخت سارة: افتكرت بطرس لما كان شايف الموجة والرياح وكان حاسس إنه هايغرق وهايموت، كل ما هاتبص على الرب عمرك ما هاتغرك مهما كانت ظروفك ومهما كان اللي جواك، دي مش شعارات، انا اختبرت ده وكلنا مرينا بوقت صعب، لكن اللي هايفرق هو أنت عينك على ايه.
00:43:45	الأخ مايكل: هل فيه حاجات أنتي مريتي بيها أو فيه حاجات أنتي محرومة منها؟
00:44:18	الأخت سارة: المظهر مش هو كل شيء، أنا أوقات كتير كنت محتاجة زيارة من الرب لأني كنت حاسه إني مش هاعرف أكمل، كلنا بنمر بإحتياجات وأمور صعبة لكن الحقيقة إن الرب بيشيلنا وبيشيل مشاكلنا.
00:45:06	الأخ مايكل: افتكر قصة إشباع الجموع، مفيش ولا واحد من كل الجموع اللي موجودين كان جعان، ارفع عينك من على نفسك وحطها على الرب يسوع هو اللي يقدر يكمل ويكفي كل حاجة جواك.
00:46:34	ترنيمة في كل يوم باشوف أمور
00:14:44	مُكالمة تليفونية: الأخ وديع من المنيا (الرب يبارككم ويستخدمكم لأجل اسمه، في إنجيل متى أصحاح 9 دخل يسوع بيت متى ودخل مع عشارون وخُطاة وزارهم زيارة إلهية.
00:52:20	مُكالمة تليفونية: الأخ عماد من المنيا (طلبة صلاة لانه هايعمل عملية).
00:53:27	مُكالمة تليفونية: ناردين من القاهرة (الرب يبارككم عندي طلبة صلاة من أجل أخويا).
00:54:32	مُكالمة تليفونية: مارينا من القاهرة (أنا عندي سؤال: أعمل ايه علشان الرب يزورني زيارة إلهية؟).
00:55:59	الأخ مايكل: أعمل ايه علشان الزيارة الإلهية؟
00:56:06	الأخت سارة: بكل بساطة الرب واقف على الباب وبيخبط ومُنتظر إن أنت تروحله. يسوع بسيط وبيحبك ومات علشانك، اللي مات علشانك هايكون مش عايز يقابلك!
00:57:04	ترنيمة إلى من أذهب
01:01:50	مُكالمة تليفونية: مريم من القاهرة (الرب يبارككم الحلقة رائعة جدًا، عنوان الحلقة جميل جدًا، أصلي أن الرب يزور كل البيوت ويزور كل حد تعبان ومحتاج للرب، أصلي أن تكون هذه الحلقة سبب بركة).
01:02:23	الأخ مايكل: لما الرب يدخل ويزور التغيير بيكون شكله ايه؟
01:03:44	الأخت سارة: فرق معايا زيارة المسيح للسامرية، يسوع هو اللي راح ليها، وهو اللي شاف احتياجها. ترك كل شيء وذهب ليها مخصوص. وقدم ليها المياة الحقيقية. قال لها أن هو. تركت كل اللي كان معاها وقالت للناس إنه قال ليها كل حاجة عنها. أنتقلت من واحدة عندها خزي من نفسها لمُرسلة خرجت تنادي على الناس.
01:05:39	الأخ مايكل: أنا أصلي أن المسيح اللي زار السامرية يزور كل حد فينا النهاردة، مُقابلتك مع المسيح بتغيرك تمامًا. الرب يزور كل واحد فينا زيارة إلهية.
01:06:26	ترنيمة القعدة معاك
01:11:26	الأخ مايكل: وأنا قاعد معاه أكيد هاسمع صوته، أنتي كتبتي ترنيمة بتقولي قولي كلمة؟
01:11:45	الأخت سارة: وأنا باخد خلوتي، كنت بامر بوقت احباط ومكنتش شايفه ثمر ورؤيتي لم تكن واضحه، فطلبت من الرب إنه يقولي كلمة نازلة من وفق أبني عليها حياتي. ماتدخلش وتكمل في طريق منغير الرب ومنغير ما تكون متأكد إنه الرب معاك في الطريق ده.
01:13:06	ترنيمة قل لي كلمة
01:17:56	الأخ مايكل: عايزك توجهي رسالة لشخص محتاج للزيارة الإلهية.
01:18:10	الأخت سارة: أنت مخلوق علشان الزيارة الإلهية ونفسي كلنا نعطش ونجوع للزيارة الإلهية، قول يارب أن عايز كل مرة أقعد معاك أتقابل معاك وجهًا لوجه زي موسى. غني مع أيوب وقول إني بسمع الأذن قد سمعت عنك أما الأن قد رأتك عيني.
01:18:48	الاخ مايكل: شكرًا ليكم على الحلقة الرائعة دي، الرب النهاردة عايز يزورك زيارة إلهية خاصة. أنا عايزك النهاردة تقول للرب أنا مُنتظر زيارتك الإلهية. النهاردة مش هاسيبك إلا لما تدخل لبيتي ولحياتي وتغيرها. هاصلي من أجل طلبات الصلاة دي وعايز إننا نصلي بصورة خاصة من أجل أخونا جون فوزي العازف الجميل معنا في الفريق عنده ظروف خاص لكن أصر إنه يحضر وأنا مصدق إن سر بركة البرنامج هو الجيش اللي ورا الكاميرا وبيرفع هذا البرنامج بالصلاة والعمل.
01:21:01	وقت صلاة: يارب بنرفع كل طلبات الصلاة قدامك، تعال بزيارة إلهية خاصة. نثق أنك أنت الإله مُعطي الحياة، وعندما تُعطي الحياة لا يُمكن أن لا تكون هناك حياة، يارب تعال وزور زيارة إلهية حقيقية لكل شخص مُنتظرك وطالبك بشكل حقيقي.
01:22:16	تتر

Start	Song
00:01:36	ترنيمة في حضنك الدافي
00:10:32	ترنيمة أتخلقت عشان أعيش
00:19:27	ترنيمة قلبًا نقيًا أخلق في يا الله
00:32:21	ترنيمة وجهًا لوجه
00:46:34	ترنيمة في كل يوم باشوف أمور
00:57:04	ترنيمة إلى من أذهب
01:06:26	ترنيمة القعدة معاك
01:13:06	ترنيمة قل لي كلمة

“Our Praise is Yours” program ,Divine visitation May 31 (145) | برنامج ليك تسبيحنا – زيارة إلهية ,الجمعة 31 مايو 2024

“Our Praise is Yours” program ,Divine visitation May 31 (145) | برنامج ليك تسبيحنا – زيارة إلهية ,الجمعة 31 مايو 2024

Recently watched

More from ليك تسبيحنا

You may also like

Recently released