“Our Praise is Yours” program ,Rest assured Apr 19 (139) | برنامج ليك تسبيحنا -اطمن,الجمعة 19 أبريل 2024

Episode Arabic April 19, 2024 ليك تسبيحنا

About this episode

اطمن

الجمعة 19 أبريل 2024

Presented by: Brother Michael Eshak
Episode guests: Brother Samuel Farouk and The Tent of the Righteous team

برنامج " ليك تسبيحنا " - حلقة بعنوان "اطَّمِّن" الجمعة 19 أبريل 2024 - على شبكة قنوات الكرمة
حلقة جديدة من برنامج "ليك تسبيحنا" بعنوان "اطَّمِّن"
يوم الجمعة 19 أبريل 2024 مباشرة على شاشة قنوات الكرمة عيلة وتسبيح
مع المرنم د. مايكل إسحاق
ضيوف الحلقة: المرنم صموئيل فاروق وفريق خيام الصديقين
كل يوم جمعة الساعة 8 مساءً بتوقيت القاهرة - الساعة 11 صباحًا بتوقيت كاليفورنيا

Joy فرح

Encouragement تشجيع

Worship عبادة

Blessing نعمة

Healing شفاء

Survival نجاة

Pray صلاة

Faith الإيمان

Redemption فداء

الحلقة بعنوان أطمن
أطمن مادمت مع الرب وفي الطريق مععه، وسلم للرب حياتك. الرب يُنير طريقك ويمنحك سلام. مادمت مع الرب لا يُمكن أن تغرق أبدًا وهو يقف مُنتظرك أن تأتي إليه مهما كانت حالتك

Start	Detailed Description
00:00:00	تتر
00:01:38	ترحيب من الأخ مايكل اسحق في برنامج ليك تسبيحنا، النهاردة حلقة مُتميزة جدًأ، معنا مُرنم غالي على قلبي وصديق قريب الأخ صموئيل فاروق. ومن الأمور الرائعة اللي الرب مُستخدمه فيها هو الفريق اللي معاه، فريق خيام الصديقين. الرب يبارككم ويستخدمكم لمجد اسمه في كل مكان.
00:03:08	الأخ صموئيل: الترنيمة الأولى اللي نفسي أرنمها معاكم هي ترنيمة مُر وتعال، تعالوا النهاردة نبص على شخص الرب الاله يسوع المسيح، أشجعكم نثبت عنينا على المسيح.
00:03:38	الأخ مايكل: أشجعكم النهاردة في الحلقة اللي عنوانها "أطمن" لو عايز تتطمن بجد ثبت عينك على الخالي العيوب. يمكن ولو لجزء صغير الرب يمسك بإيدينا ويرفعنا من تعبنا وقلقنا وخوفنا.
00:04:30	ترنيمة مُر وتعال يا خالي العيوب
00:08:19	الاخ مايكل: احنا محتاجين إنه يمر على بيوتنا وييجي يمسك إيد كل واحد فينا ويقولنا أطمن، أستغرب جدًأ من تلاميذ موجودين مع الرب والرب معاهم في السفينة ويخافوا!
00:09:00	الأخ صموئيل: ده شعور طبيعي لكن روعة الموضوع أن بطرس ركض إلى المسيح حتى إنه قال أما يهمك أننا نهلك! نغرق ازاي وهو صانع السموات والأرض! أوقات كتير خوفنا بيخلينا نقول كلام مش في مكانه لكن أنا حبيت أن بطرس ركض إلى المسيح. وأنا وأنت ندعو كل اللي بيسمعونا أجري على المسيح حتى لو هاتقول كلام ملغبط زي ما قاله بطرس. بطرس راح للشخص الصح في التوقيت الصح.
00:10:00	الأخ مايكل: أنا عاجبني في كلامك إنه كلام واقعي، كثير ما بنقول للرب ليه يارب! في خوفنا ممكن نقول للرب مش هامك اللي بيحصل فينا! لكن الحلو إننا نجري ليه بدل ما نجري منه. أوعى تهرب منه أهرب ليه. تقصد ايه بإني أبتدي مع الرب بداية صحيحة؟
00:11:37	الأخ صموئيل: في مرة كنت في قرية وقابلني شاب وطلب مني أن أوجه رسال لربنا لأنه مش بيكلمه، قالي أقول يارب أنتقم مني على قد اللي عملته بس مش أكتر من كده، أنا مقدرتش أقول كلام وسألته مين فهمك الرب بطريقه غلط! مين وصلك الصورة دي عن ربنا! قلت له أوعى تفهم ربنا بالطريقة دي.
00:13:03	الأخ مايكل: أصلي أن كل قلب النهاردة يُدرك محبة الرب، الرب قلبه مليء بالمحبة. الترنيمة اللي جاية المُرنم بيقول فيها يا شاريني بالدم الغالي.
00:14:20	ترنيمة ما يحسن في عينيك
00:19:30	الأخ مايكل: الإنسان مش دريان إنه غالي، الترنيمة بتقول تعال يا ابني وارمي كل حمولك عليا، خفيفة أو تقيلة. الرب بيدعو كل واحد تعال وأرم حملك على المسيح.
00:20:35	الاخ صموئيل: في وعد بيقول "ودم يسوع المسيح ابنه يُطهرنا من كل خطية" الابن الضال كان جاي بوحاشته وبكل حاجة فيه وأبوه شافه الأول كإنه واقف مستنيه كل يوم. والأب هو اللي جري عليه وعمل فرح لأنه أب وقلبه مليان بالمحبة، وده الاستقبال اللي ربنا مُستعد يعمله مع كل واحد العالم بهدله.
00:22:20	مُكالمة تليفونية: الأخت بيلا من مصر (أنا مُعجبة جدًا بعنوان الحلقة النهاردة أطمن، الرب يبارككم وشكرًا ليكم).
00:23:04	مُكالمة تليفوينة: الأخ وديع من المنيا (سلامي لكم الرب يبارككم ويبارك حياتكم، في قضاة 18: 7 بيقول "الذين فيها ساكنين بطمأنينة" مزمور 4: 8 بيقول "في طمأنينة تُسكنني" احنا في أشد الأحتياج إلى الإطمئنان في عالم مُضطرب".
00:24:44	مُكالمة تليفونية: الاخ أشرف من المنيا (أنا سعيد إني أشاركم معكم، الرب يبارككم).
00:26:14	الأخ مايكل: أنا على قلبي إنك تقول للمُشاهد رسالة واضحة، احنا بنتكلم عن الطمأنينة فتحب تقول ايه للمُشاهد؟
00:26:40	الاخ صموئيل: أنا بيعجبني الراجل العشار، كان فيه واحد فريسي وواحد عشار، العشار صلى أربع كلمات قال ألهم أرحمني انا الخاطي، كل اللي عليك إنك تقول للمسيح أنا مصدق ومسلمك قلبي وحياتي وعمري، في ناس كتير فاكرة أن الحل من الإنسان! هل القوي يذهب للضعيف أم العكس! أنت في المسيح براءة. مهما كانت حالتك. إذا لم يكن المسيح في قلبك أنت لسه ميت. هل المسيح في قلبك ولا مش في قلبك!
00:29:02	ترنيمة أفتح قلبي القاسي
00:34:04	الاخ مايكل: أنا من قلبي عايز أصلي لكل قلب قاسي بيتابعنا.
00:34:34	الأخ صموئيل: يارب شكرًا ليك لأنك فاتح حضنك للكل ومحبتك غير محدودة، أجذب كثيرين ليك النهاردة. كل اللي بيسمعونا النهاردة مايكونوش للهلاك، نادي على الكل وأفتقد الكل لأن الراحة الحقيقية هي معاك وحدك مُبارك اسمك يارب.
00:35:50	مُكالمة تليفونية: شيرين من القاهرة (البرنامج رائع وبركة لينا ولبيوتنا، أنا سعيدة جدًا بيكم).
00:37:25	مُكالمة تليفونية: بيشوي من المنيا (أنا أحب الأخ صموئيل وأحب ترانيمه، من 23 سنة أنا كنت مُدمن ولي أربعة أشهر وأنا مع المسيح وأطلب منكم الصلاة من أجلي وانا جاي بدموع التوبة قدام الرب).
00:40:09	مُكالمة تليفونية: يوسف من شرم الشيخ (طلبة صلاة من أجل زوجتي وقعت على رجليها).
00:41:30	الأخ صموئيل: موسى لما كان قاعد مع الرب فوق الجبل ونزل الشعب قاله له أن وجهه يلمع وموسى وضع برقع من كثرة النور، العالم بيضلمنا. العالم مفيهوش غير ظلمة لكن في المسيح كل النور وكل الجمال، فالقعدة مع المسيح بتطبع على النور.
00:42:31	ترنيمة إنت جمالي
00:48:28	الأخ مايكل: يابختنا بالرب، مزمور 4: 7-8 "جعلت سرورًا في قلبي أعظم من سرورهم إذ كثرت حنطتهم وخمرهم. بسلامة أضطجع بل ايضًا أنام لأنك أنت يارب مُنفردًا في طمانينتي تُسكنني". ازاي في الوضع واحد يقدر يقول انا أضطجع وأنام في طمأنينة.
00:49:08	الاخ صموئيل: المُرنم في مزمور تاني قال الرب لي فلا أخاف، اللي خايف مايعرفش ينام. لكن المطمن ينعس علطول لأنه مطمن. المُرنم بيقول أنت أعطيتني سرور وسلام أعظم من الذي في العالم. أنا مسنود على الرب وده اللي بيخليني مطمن. كل ما في العالم هو ضمان وقتي.
00:53:37	مُكالمة تليفونية: فريد من القاهرة (ارحب بكل الفريق، الرب يبارككم. الحلقة جميلة بعنوان أطمن، اللي بيطمنا وبيشجعنا هو اتكالنا على الرب. في أشعياء 12: 2 هوذا الله خلاص فأطمئن ولا أرتعب لأن ياه يهوة قوتي وقد صار خلاصي".
00:55:50	مُكالمة تليفونية: مارينا من أسيوط (طلبة صلاة من أجل طفل من عند الرب).
00:59:01	ترنيمة متخافشي يا قطيع
01:03:35	مُكالمة تليفونية: الاخت شادية من أسيوط (طلبة صلاة من أجل ابنها في ضيقة).
01:04:39	مُكالمة تليفونية: مدام مريم من مصر (ربنا يبارككم، طلبة صلاة من أجل زوجها مريض من فترة طويلة، ومن أجل سحر وأعمال).
01:05:54	الاخ مايكل: بالنسبة للسحر والأعمال، هل تحب تقول شيء بالأرتباط بالفكرة دي، هل لو أنا ابن للرب تأثر علي هذه الفكرة؟
01:06:02	الاخ صموئيل: طول ما أنا مع المسيح محمي ومستور ومستخبي في المسيح. طول ما أنت في المسيح مفيش حاجة تأثر عليك. الشخص اللي سلم حياته للمسيح أصبحت حياته ملك للمسيح. متخلوش الأمر ده يخوفكم، أحتموا في المسيح وفي القوي. طول ما أنا محتمي في المسيح مفيش حاجة تقدر تأثر علي.
01:07:58	مُكالمة تليفونية: ستار من أسيوط (الرب يبارككم، اللي يمشوا مع المسيح فعلًا يكون مطمن، هو اللي شفانا وأعطانا حرية، أنا مبسوط بالرب وفرحان بالرب).
01:09:30	ترنيمة زيد إيماني إنك تقدر
01:14:30	الاخ مايكل: الكلام ده بيلخص اللي عايزين نقول النهاردة، حول عيني وحول فكرى عن كل شيء سواك، أستغرب على واحد زي بطرس، اللي شاف الرب ماشي على المياة وقال للرب أمرني أن آتي إليك. ومشي على المياة ولكن بعدها علطول يقول إنه خاف، ايه اللي يخوفه وهو الرب خلاه يمشي على المياة؟
01:15:12	الأخ صموئيل: وبعد الخوف يقول الكتاب أبتدأ يغرق، الخوف يجيب غرق علطول. بطرس أول ما خاف بدأ يغرق، بمجرد ما حول عينيه عن الرب بدأ يغرق، ولكن في الموقف ده أول شيء فعله الرب يسوع هو إنه أمسك يده وأمسه به، الرب عايش يشيل ناس كتير من الغرق النهاردة.
01:16:42	الاخ مايكل: أنا عايز أستغل الصرخة اللي أنت قلتها من أجل كل المُشاهدين. عايزك تصلي من أجل كل نفس طلبت مننا الصلاة. وكمان ان تصلي من أجل ملايين المُشاهدين اللي مقدروش يتصلوا.
01:18:15	الاخ صموئيل: يارب يسوع يا ابو الكل أشكرك من كل القلب، أشكرك لأن لينا نعمة وبركة. مد يدك لكل شخص مُتالم. يارب حط إيدك على كل شخص تعبان. انت حنين وفي قلبك محبة لكل شخص. يارب فرح كل بيت بنسل، يارب أتدخل وأملا البطون بزرع بشر. يارب زور بيوت وزيح العتمة وهد كل حاجة بناها إبليس في البيوت. أشكرك لأنك سمعت الصلاة باسم يسوع.
01:20:34	ترنيمة درب نفسك يوماتي
01:25:00	الاخ مايكل: الرب يباركك أخويا صموئيل ويبارك كل الفريق شكرًا ليكم، شكرًا للمُشاهدين والمُتابعين. انتظرونا في كل أسبوع يوم الجمعة الرب معكم.
01:25:52	تتر

Start	Song
00:04:30	ترنيمة مُر وتعال يا خالي العيوب
00:14:20	ترنيمة ما يحسن في عينيك
00:29:02	ترنيمة أفتح قلبي القاسي
00:42:31	ترنيمة إنت جمالي
00:59:01	ترنيمة متخافشي يا قطيع
01:09:30	ترنيمة زيد إيماني إنك تقدر
01:20:34	ترنيمة درب نفسك يوماتي

“Our Praise is Yours” program ,Rest assured Apr 19 (139) | برنامج ليك تسبيحنا -اطمن,الجمعة 19 أبريل 2024

“Our Praise is Yours” program ,Rest assured Apr 19 (139) | برنامج ليك تسبيحنا -اطمن,الجمعة 19 أبريل 2024

Recently watched

More from ليك تسبيحنا

You may also like

Recently released