Return & Revive Us, God’s authority and man’s responsibility (164) | (164) يعود فيحيينا ,سلطان الله ومسؤولية الإنسان

Episode Arabic January 15, 2024 يعود فيحيينا

About this episode

سلطان الله

يعود فيحيينا ,سلطان الله ومسؤولية الإنسان

(الحلقة 164)

يعود فيحيينا

الأثنين 15 يناير 2024

Presented by: Brother Beshoy Nazmy
Episode guests: Brother Emad Bakhoom , and Brother Reda Labib

في حلقة جديدة من برنامج "يعود فيحيينا" بعنوان «سلطان الله ومسئولية الإنسان"
بث مباشر على شبكة قنوات الكرمة

مع خدام الرب الأفاضل: الأخ بيشوي نظمي، م. عماد باخوم، المرنم رضا لبيب

برنامج "يعود فيحيينا" برنامج أسبوعي كل يوم اثنين
تابعونا ...

الإثنين 15 يناير 2024 الساعة 5 مساءً بتوقيت القـــاهرة
الإثنين 15 يناير الساعة 7 صباحًا بتوقيت كاليفورنيا
الثلاثاء 16 يناير الساعة 2 فجـــرًا بتوقيت ســيدني

Authority سلطان

تتحدث الحلقه عن سلطان الله و معناه هو ان الرب عنده اراده و عنده قدره لتحقيق هذه الاراده و ان الله لديه ايضا توقيت و كمان عنده طريقه التنفيذ و هدفه الصلاح المطلق و تتحدث الحلقه عن ان صفات الله تعمل في تجانس مع بعض فقوه الله و سلطان الله مرتبطين بحكمته و توقيتاته و اتمام صلاحه و تحدثت الحلقه عن سلطان الله في سفر دانيال و قدرته علي عزل ملوك و تنصيب ملوك و تتحدث ايضا عن سلطان الله في تأديب شعبه و سلطان الله في تحويل الازمات لبركات و سلطان الله في ازمنه الامم و
سلطان الله في تجهيز التاريخ للانجيل

Start	Detailed Description
00:00:00;	التتر و بدايه البرنامج
00:01:03;	هل تحيا هذه العظام احييها بروحك دي ترنيمه التتر واحنا مصدقين ان ربنا بيتقابل معنا كل اسبوع و نفسه يعطي حياه جديده و وسط المكان اللي مليان عظام يابسه جدا ربنا قال لحزقيال يتنبأ عليها فاجتمعت مع بعضها ثم كساها الرب لحم و عصب ثم قال له تنبأ بالروح فجائت لها الروح و ده هدفنا ان الله ينشط العظام و يضع فيها الروح و العنوان انهارده سلطان الله و مسئوليه الانسان نبدأ بقراءه في دانيال 4:34 وَعِنْدَ انْتِهَاءِ الأَيَّامِ، أَنَا نَبُوخَذْنَصَّرُ، رَفَعْتُ عَيْنَيَّ إِلَى السَّمَاءِ، فَرَجَعَ إِلَيَّ عَقْلِي، وَبَارَكْتُ الْعَلِيَّ وَسَبَّحْتُ وَحَمَدْتُ الْحَيَّ إِلَى الأَبَدِ، الَّذِي سُلْطَانُهُ سُلْطَانٌ أَبَدِيٌّ، وَمَلَكُوتُهُ إِلَى دَوْرٍ فَدَوْرٍ هذه شهاده نبوخذ نصر الامبراطور الوثني لما شاهد عمل الله و يبدأ الاخ بيشوي يرحب بالضيوف م. عماد باخوم، المرنم رضا لبيب نرجع لعنوان الحلقه و هنشوف خلالها هل سلطان الله يتعارض مع مسئوليه الانسان
00:11:11;	اوقات عدم فهمنا للتعريفات يجعل المعني مش واضح فيسأل عن معني سلطان الله؟ يقول الاخ عماد ان الله ليس عنده سلطان و لكن هو له السلطان المطلق لانه غير مستمد هذا السلطان من احد و لانه هو صاحب السلطان فهو يعطي السلطان لاي حد علي الارض فسلطان الله يعني ان يعرف ما يريد و يقدر ان يفعل ما يريد في الوقت الذي يريده و الطريقه التي يريدها فهو معناه انه له معرفه و قدره و طريقه اي كيفيه و توقيت و هدف فتكون النتيجه لهذا السلطان صلاح مثال لذلك يوسف فالله محدد له هدف و الطريقه هي تجهيزه و تشكيله عن طريق نقله لمصر و التوقيت كان يوسف عمره 17 سنه عندما اتنقل و الناتج النهائي كان ما وصل له يوسف فالناس اللي بتقول ان ملهاش سند عايز اقولها ان صاحب السلطان في صفك
00:18:30;	يقول الاخ عماد ان كل الكون ده العلماء لم تكتشف فيه الا 4% بكل التكنولوجيا دي تخيل ان ده الكون كله بالكامل تحت يد سلطان الله ففي ايوب 28 24 لأَنَّهُ هُوَ يَنْظُرُ إِلَى أَقَاصِي الأَرْضِ. تَحْتَ كُلِّ السَّمَاوَاتِ يَرَى25 لِيَجْعَلَ لِلرِّيحِ وَزْنًا، وَيُعَايِرَ الْمِيَاهَ بِمِقْيَاسٍ يقول الاخ بيشوي ان في ايه بأحبها و هي بمن تشبهونني؟! عايز اقولك ان اغلب تشبيهاتك عن الرب غير حقيقيه و مش واقعيه فالله لا يشبه لانه اعلي من ادراكي و فكري و عقلي لانه هو صاحب السلطان في حياتك بيتحكم في التفاصيل و الخليقه و كل شيء
00:27:09;	لما باشوف الطريقه اللي بيتحكم فيها الرب في حياتي باشعر بالفرح و يسأل الاخ بيشوي الاخ عماد عن ما يحب ان يقوله فيقول سلطان الله مرتبط بصلاحه الشخصي لان الله عنده سلطان وصالح ان يخلو من الشر و كل اللي طالع منه هو للخير لكل خليقته و اوقات نتهمه انه بيظلم فحاشا لله ان يظلم و كمان عنده حكمه مع السلطان ده و هو عارف هو بيعمل ايه و لانه حكيم بيختار لاولاده التوقيت المناسب و الطريقه المناسبه فاحنا اوقات بنحاول نفرض عليه طريقه معينه بس ده مش صح يسأل الاخ بيشوي ما هو المقياس في حكمه الله ؟ يرد الاخ عماد ان اغلب طرق الله احنا مش بنفهمها فمثلا لو الرب كان قال ليوسف علي السيناريو اللي بيعمله الله في حياته اكيد كان مش هيرضي بحياته لكن من حكمه الله ان يوسف يعيش الحياه دي علشان يخرج منه يوسف اللي وصله ده
00:33:24;	يقول الاخ عماد مرات لما يبقي عندي مشكله اصلي و اكون باحسبها تتحل ازاي وانا باصلي و الاقيها مش هتتحل فأقوم و الاقيها مش محلوله و اقول انا كنت عارف لكن المفروض اني اسيب الموضوع للرب يتحكم فيه و يتدخل هو فيه كيفما يشاء فيقول الاخ بيشوي روح للرب قول للرب عايز اللي حسب حكمتك يارب و خلي عندك ثقه في حكمه الله القديره اللي عالم بكل شىء يقول الاخ عماد ان رقم 3 عنده اجنده معينه لعمله في حياتنا و كل امر له عنده توقيت محدد و الثلاثه حاجات دول يجعلوا الله في سلطانه ضابط الكل اي انه متحكم في كل شىء جدا كان في قسيس تقي جدا و كان بيقتقد دائما اخوه الكنيسه و كان يلبس شوز مقاسه 42 و جاله هديه شوز مقاسه 44 و كان زعلان وقتها انه مش مقاسه و في يوم من الايام رجله تعبت وورمت و راح للدكتور عشان يكشف عليها و الدكتور قال له ان يكبر مقاس الشوز فلما ذهب بيته قال لله حتي مقاس رجلي عامل حسابك فيه يارب فالله مهتم باصغر تفاصيل حياتنا و عامل حسابه فيها
00:40:18;	الله لا يوجد في اجندته كلمه صدفه فالله في سلطانه متحكم في كل تفاصيل حياتنا و مرتب لها بطريقه مش طبيعيه رؤيا 11:13 13 وَفِي تِلْكَ السَّاعَةِ حَدَثَتْ زَلْزَلَةٌ عَظِيمَةٌ، فَسَقَطَ عُشْرُ الْمَدِينَةِ، وَقُتِلَ بِالزَّلْزَلَةِ أَسْمَاءٌ مِنَ النَّاسِ: سَبْعَةُ آلاَفٍ. وَصَارَ الْبَاقُونَ فِي رَعْبَةٍ، وَأَعْطَوْا مَجْدًا لإِلهِ السَّمَاءِ فالله هنا مرتب التوقيت و طريقه الترتيب فالايام و السنين اللي فاتت الله كان مرتب كورونا وده مش صدفه الله في سلطانه متحكم في طريقه التأديب و في درجته و في كميه الموتي و كل شيء فهو ضابط الكل
00:43:44;	سؤال ممكن حد يسأل اللي مات مات ليه و اشمعني اللي عاش عاش فنقول ايه للي بيقول اشمعنا؟ يقول الاخ عماد هي الفكره ان ربنا مينفعش و مش من حقي كإنسان اقول ازاي او اشمعني فالله في حكمته بيتحكم و يفعل ما يشاء بالطريقه المناسبه و يقول الاخ بيشوي ان الله الحكيم الكلي الصلاح يتحكم و الانسان بيفكر دائما بامكانيات محدوده فالافضل ان اخضع نفسي و اسلمها لهذا الاله و افضل مثال بولس بيقول من اجل هذا تضرعت ثلاثه مرات فقال له الله تكفيك نعمتي و هي خضع للرب و لم يتذمر فمفيش اروع من التسليم للرب بثقه
00:47:25;	يطلب الاخ بيشوي من الاخ رضا ان يحكي اختباره مع كورونا فيقول انه كان صعب جدا و كان لوحده لانه خاف علي ابنه و زوجته و الزمهم علي الذهاب و ان يتركوه و بيقول وانا بأخذ اخر نفس طلبت من الرب ان يعطيني فرصه ثانيه لاني كنت حاسس ان ربنا لسه طالب مني كثير و اترميت علي الارض و كنت مش قادر امشي و سمعت جوايا صوت الرب بيقول لي هاعطيك فرصه ثانيه علي الرغم ان رأي الاطباء كان ان حالتي صعبه وحاله انسان ميت لكن الله سمح ليا ان يكون ليا فرصه ثانيه
00:54:46;	الاخ عماد يقول هنأخذ ايضا جوانب سلطان الله فنقرأ سفر دانيال لانه من اكثر الاسفار اللي بتتكلم بطريقه رائعه عن سلطان الله و السفر اللي باقول عليه فيه سياده الله المطلقه في التاريخ دانيال 1:1-2 1 فِي السَّنَةِ الثَّالِثَةِ مِنْ مُلْكِ يَهُويَاقِيمَ مَلِكِ يَهُوذَا، ذَهَبَ نَبُوخَذْنَاصَّرُ مَلِكُ بَابِلَ إِلَى أُورُشَلِيمَ وَحَاصَرَهَا.2 وَسَلَّمَ الرَّبُّ بِيَدِهِ يَهُويَاقِيمَ مَلِكَ يَهُوذَا مَعَ بَعْضِ آنِيَةِ بَيْتِ اللهِ، فَجَاءَ بِهَا إِلَى أَرْضِ شِنْعَارَ إِلَى بَيْتِ إِلهِهِ، وَأَدْخَلَ الآنِيَةَ إِلَى خِزَانَةِ بَيْتِ إِلهِهِ. اولا سلطان الله في تأديب شعبه ارميا 25:8-9 8 «لِذلِكَ هكَذَا قَالَ رَبُّ الْجُنُودِ: مِنْ أَجْلِ أَنَّكُمْ لَمْ تَسْمَعُوا لِكَلاَمِي 9 هأَنَذَا أُرْسِلُ فَآخُذُ كُلَّ عَشَائِرِ الشِّمَالِ، يَقُولُ الرَّبُّ، وَإِلَى نَبُوخَذْرَاصَّرَ عَبْدِي مَلِكِ بَابِلَ، وَآتِي بِهِمْ عَلَى هذِهِ الأَرْضِ وَعَلَى كُلِّ سُكَّانِهَا وَعَلَى كُلِّ هذِهِ الشُّعُوبِ حَوَالَيْهَا، فَأُحَرِّمُهُمْ وَأَجْعَلُهُمْ دَهَشًا وَصَفِيرًا وَخِرَبًا أَبَدِيَّةً. عزيزي المشاهد عايز اقول لك لو عشت بمخافه الرب الرب هيكرمك لكن لو في خطيه في حياتك توب عنها و ارجع لان من عدل الله ان يكون في قضاء و تأديب في سلطانه و من اهم صفات الله انه قاضي عادل و عنده سلطان علي تأديب شعبه و اللي مش هيتوب الله هيجيب عليه التأديب
01:00:18;	يسأل الاخ بيشوي لو في تأديب من الله علي دوله من الدول هل الله بيترك الاتقياء؟ يجيب الاخ عماد و يقول حاشا للرب و قبل ما اتكلم عن مكافأه الاتقياء عايز اقدم رساله لكل خادم قدم كلمه الله بجرأه حتي لو دي اخر كلمه في حياتك و لا تخف ولا تجامل في تقديم كلمه الله الحيه للناس الامر الثاني سلطان الله في مكافأه الاتقياء الرب لما بعت نبوخذ نصر اخذ كل الشباب و من ضمنهم دانيال و اصحابه من مملكه يهوذا لمملكه بابل و عندما قدم لهم الطعام كان الطعام ده نجس فذهب دانيال و قال لهم الاكل ده مش هيناسبنا و رفضوا يأكلوا منه و طلبوا ان يأكلوا البقوليات و الله بارك في صحتهم و اعطاهم نعمه امام الملك فعايز اقولك عزيزي المشاهد عيش امين و اكرم الرب و متخافش هيكرمك لانه يبارك اتقياؤه و يقول الاخ بيشوي ان الرب هيقضي بسلطانه عزيزي المشاهد سريعا فلا تخف لان الله في سلطانه بيحكم علي الشر و لكن في توقيته و عيش بأمانه للرب و يحكي قصه شاب كان شغال في بنك و حس الرب بيقولك يعمل حاجه تاني و هو لم يكن عنده الوقت للخدمه فترك وظيفته و قدم استقالته و اشتغل شغل ابسط و بسبب امانته ربنا اعطي له الوقت و اعطاه المال فالرب امين اتبعه و ثق فيه
01:05:27;	سؤال من الاخ بيشوي هل هناك علاقه بين مكافأه الرب و مسئوليتي؟ بمعني لو دانيال لم يرفض اطياب الملك هل كان سيتمتع بنفس المكافأه؟ دانيال الله كافئه لاجل امانته مع الرب و مخافته فلما نعيش بأمانه الرب يكافأنا لكن اتعوج في قضاء هينزل عليا ولو لم تعيش بالامانه الله هيأدبني لكي اعدل من طرقي يقول الاخ بيشوي ان الهنا صفاته متجانسه و هدف الله من التأديب اننا نكون في افضل صوره و يقول الاخ عماد انه يجب ان نعيش بمخافه للرب و مش كل نجاح من الرب و مش كل اكرام مادي من الرب فممكن ابليس يوسع شغلي طول ما انا عايش بعيد عن ربنا علشان افضل بعيد عنه فحاشا للرب ان يكرم من مال رشوه او شىء مثل هذا
01:08:34;	يقول الاخ بيشوي ياللي بتسمع الرب عايز يكرمك بس بطريقته هو و اوعي تفكر ان لما يبقي عندك فلوس هو ده النجاح لوط راح سدوم وعموره المواشي كثرت و لكن في النهايه خسر كل شىء و الرب بيقول لا تغر من الاشرار لو شفت نجاحهم سريع لانه بيروح بسرعه. ابعد عن الشر و اتمتع و انت عايش تحت سلطان الله و هيكرمك بمكافأت الهيه و يقول الاخ عماد ان يوسف قبل تحت مخافه الرب انه يتسجن 13 سنه تحت سلطان الله و لم يقبل بأن يكون في حضن امرأه فوتيفار ليله واحده و هو فاقد حضور الله
01:11:23;	الامر الثالث سلطان الله ايضا في اذلال الجبابره فنبوخذ نصر في دانيال 4 كان هو القانون في مملكه بابل و كان عنده عاده و هو بيقضي علي الشعوب انه يجيب اكبر شجره في المملكه و يقطعها و كان يشبه بها الملوك و كان كاتب عباره و هي قطعت اشجار كل ممالك الارض و اشجار ارز لبنان و انا الشجره التي لا يجرؤ احد ان يقطعها و نسي ان الرب هو صاحب السلطان فرد عليه الرب و قال ان كان احد لا يقدر فأنا اقدر علي كل شىء ففي دانيال 4 يقول 30 وَأَجَابَ الْمَلِكُ فَقَالَ: «أَلَيْسَتْ هذِهِ بَابِلَ الْعَظِيمَةَ الَّتِي بَنَيْتُهَا لِبَيْتِ الْمُلْكِ بِقُوَّةِ اقْتِدَارِي، وَلِجَلاَلِ مَجْدِي؟» 31 وَالْكَلِمَةُ بَعْدُ بِفَمِ الْمَلِكِ، وَقَعَ صَوْتٌ مِنَ السَّمَاءِ قَائِلًا: «لَكَ يَقُولُونَ يَا نَبُوخَذْنَصَّرُ الْمَلِكُ: إِنَّ الْمُلْكَ قَدْ زَالَ عَنْكَ.32 وَيَطْرُدُونَكَ مِنْ بَيْنِ النَّاسِ، وَتَكُونُ سُكْنَاكَ مَعَ حَيَوَانِ الْبَرِّ، وَيُطْعِمُونَكَ الْعُشْبَ كَالثِّيرَانِ، فَتَمْضِي عَلَيْكَ سَبْعَةُ أَزْمِنَةٍ حَتَّى تَعْلَمَ أَنَّ الْعَلِيَّ مُتَسَلِّطٌ فِي مَمْلَكَةِ النَّاسِ وَأَنَّهُ يُعْطِيهَا مَنْ يَشَاءُ» هو لما فهم الكلام ده الله اذله و لو بيقول محدش يكسرني لأ الله يقدر فعزيزي المشاهد ياللي بتفتخر بقوتك ممكن تكون مسنود علي القوه ممكن تكون مسنود علي الصحه و ممكن تكون مسنود علي المال او السلطه او العزوه فأيا كان اللي انت مسنود عليه فاعطي المجد للرب لانه هو اللي اداك كل ده لانك لو لم تعطي المجد لله يقدر يذلك مثلما اذل نبوخذ نصر في يوم من الايام
01:15:30;	عايز اوجه لك رساله لكل من هو في منصب ان وجودك في هذا المكان فهو فرصه من الرب ولا تعتقد انك انت المتحكم لان كل المفاتيح في يد الرب فأيا كان منصبك الرب بيقولك خلي بالك لو انت مسئول احذر و اعطي المجد له و لا تعطي المجد لاخر لان الهنا اله غيور خاصه في النقطه دي لانه هو وحده صاحب المجد و السلطان
01:21:46;	هللويا الهنا صاحب السلطان انا عايز نصلي و نقول للناس اللي مش عارفه ليه بيحصل معاها حاجه صعبه او ليه الظروف ماشيه ضدها و بتقول فين الرب و هي في ظروف معينه ان متخافش علشان صاحب السلطان شايف كل حاجه و بينصف كل مظلوم و يصلي الاخ عماد ويشكر الرب انه صاحب السلطان وحده و يطلب من الرب ان ينصف كل مظلوم و يعطي فرصه عمل للشباب المحتاجه و يفتح كل رحم مغلق وان يفتح ابواب الارتباطات المغلقه و يفتح عيون الشعب علي كونه صاحب السلطان بأسم الرب يسوع امين
01:25:36;	سلطان الله في تحويل الازمات لبركات اول ازمه مر بها دانيال انه اتاخذ من ارضه و تحول لمملكه بابل الوثنيه و الازمه الاخري لما حلم نبوخذ نصر الحلم طلب تفسيره ممن حوله و قال لهم ان يحكوا الحلم اولا ثم يفسره في دانيال 2:16 16 فَدَخَلَ دَانِيآلُ وَطَلَبَ مِنَ الْمَلِكِ أَنْ يُعْطِيَهُ وَقْتًا فَيُبَيِّنُ لِلْمَلِكِ التَّعْبِيرَ. تخيلوا اليقين اللي كان عند دانيال و ثقته في سلطان الله و هو كان عنده يقين ان كل ازمه ليها لازمه و فرصه لاستعلان الاله الحي الحقيقي في المشهد بدلا من الاوثان التي كان يعبدها نبوخذ نصر و الجميل ان يكون للمؤمن اصدقاء اتقياء 17 حِينَئِذٍ مَضَى دَانِيآلُ إِلَى بَيْتِهِ، وَأَعْلَمَ حَنَنْيَا وَمِيشَائِيلَ وَعَزَرْيَا أَصْحَابَهُ بِالأَمْرِ فأشجعك عزيزي المشاهد ان تحاوط نفسك بالاتقياء لانهم هم الوحيدون الذين يسندوك في وقتك الصعب و يقول الاخ بيشوي ان سلطان الله لو عايز تتمتع به بيعلن وسط جماعه الاتقياء و يقول الاخ عماد ان دانيال وثق في سلطان الله و صدق ان الازمه دي فرصه و صلي مع اصدقائه 19 حِينَئِذٍ لِدَانِيآلَ كُشِفَ السِّرُّ فِي رُؤْيَا اللَّيْلِ. فَبَارَكَ دَانِيآلُ إِلهَ السَّمَاوَاتِ فيقول الاخ عماد ان مشكلتنا الاكبر مش في الازمه و لكن في ثقتنا بسلطان الله ففي ازمه تدفع المؤمن لسلطان الله و محضره و لكن في ازمه لما تيجي تلاقيني من الاساس في محضر الله فلا انكسر
01:34:08;	ايه 18 لِيَطْلُبُوا الْمَرَاحِمَ مِنْ قِبَلِ إِلهِ السَّمَاوَاتِ مِنْ جِهَةِ هذَا السِّرِّ، لِكَيْ لاَ يَهْلِكَ دَانِيآلُ وَأَصْحَابُهُ مَعَ سَائِرِ حُكَمَاءِ بَابِلَ عزيزي المشاهد اطلب المراحم من الله فتأتي الرحمه عليك من الله و يأتي الفرج منه و صلي و انا اؤكد لك ان الرب سينجح طريقك و يقول الاخ عماد ان دانيال لما الرب كشف له السر في دانيال 2:27 أَجَابَ دَانِيآلُ قُدَّامَ الْمَلِكِ وَقَالَ: «السِّرُّ الَّذِي طَلَبَهُ الْمَلِكُ لاَ تَقْدِرُ الْحُكَمَاءُ وَلاَ السَّحَرَةُ وَلاَ الْمَجُوسُ وَلاَ الْمُنَجِّمُونَ عَلَى أَنْ يُبَيِّنُوهُ لِلْمَلِكِ.28 لكِنْ يُوجَدُ إِلهٌ فِي السَّمَاوَاتِ كَاشِفُ الأَسْرَارِ، وَقَدْ عَرَّفَ الْمَلِكَ نَبُوخَذْنَصَّرَ مَا يَكُونُ فِي الأَيَّامِ الأَخِيرَةِ. حُلْمُكَ وَرُؤْيَا رَأْسِكَ عَلَى فِرَاشِكَ هُوَ هذَا: 29 أَنْتَ يَا أَيُّهَا الْمَلِكُ أَفْكَارُكَ عَلَى فِرَاشِكَ صَعِدَتْ إِلَى مَا يَكُونُ مِنْ بَعْدِ هذَا، وَكَاشِفُ الأَسْرَارِ يُعَرِّفُكَ بِمَا يَكُونُ. يعني السحره بتوعك ميعرفوش يقولوا اللي جواك لكن الهي انا اللي في السموات هو كاشف كل سر و عايز اقول لكل مشاهد متتضايقش من اللي بيترتب لك في الخفاء فيوجد اله عارف هو بيعمل ايه و بيعرف يكشف المستور و يحول كل شىء لخيرك
01:40:35;	خامسا سلطانه في ازمنه الامم يعني ببساطه سلطانه في ان ينصب ملوك و يعزل ملوك ففي دانيال 2 نبوخد نصر حلم بتمثال كبير رأسه من ذهب و ايديه و صدره من فضه و بطنه و ساقيه من نحاس و رجله من حديد و اصابعه من حديد و خزف ففسر له دانيال الحلم ان بعده هيقوم مملكه اخري اسمها مادي وفارس ثم مملكه اليونان ثم الرومان و نبوخذ نصر كان مقتنع ان مملكته ستستمر الي الابد و قال له دانيال ان الله ستسود مملكته علي الكل فلما سمع نبوخذ نصر اقتحم اغلب ممالك العالم و اخضعهم ليه ثم عمل تمثال بالكامل من ذهب بعد 17 سنه و كأنه عايز يقول ان مملكته لم تنقرض فربنا يقوله ان المثال اللي انا وريتهولك هو اللي هيتنفذ و تمثالك انت هيتهد في يوم من الايام فهنا نري سلطان الله في تغيير الممالك و الشعوب ففي دانيال 2:37 37 «أَنْتَ أَيُّهَا الْمَلِكُ مَلِكُ مُلُوكٍ، لأَنَّ إِلهَ السَّمَاوَاتِ أَعْطَاكَ مَمْلَكَةً وَاقْتِدَارًا وَسُلْطَانًا وَفَخْرًا و في دانيال 4:17 هذَا الأَمْرُ بِقَضَاءِ السَّاهِرِينَ، وَالْحُكْمُ بِكَلِمَةِ الْقُدُّوسِينَ، لِكَيْ تَعْلَمَ الأَحْيَاءُ أَنَّ الْعَلِيَّ مُتَسَلِّطٌ فِي مَمْلَكَةِ النَّاسِ، فَيُعْطِيهَا مَنْ يَشَاءُ، وَيُنَصِّبَ عَلَيْهَا أَدْنَى النَّاسِ فالمقصود بأدني الناس هو نبوخذ نصر لان ابوه كان من رعايا الشعب مش من النسل الملكي و الله هو الذي اعطاه الحكم فيقول الاخ بيشوي شوف نفسك من سلطان الله العظيم فتعرف حجمك و يقول الاخ عماد انه بيوجه رساله لاي شخص في العالم ايا كان منصبك ياريت تقول للرب ساعدني اعمل الخير للشعوب لانك انت من اوجدتني في مكاني
01:45:24;	سلطان الله في تجهيز التاريخ للانجيل بمعني ان الله استخدم مملكه بابل لتعمل حاجه اسمها المجامع اللي كان بيدخلها الرب يسوع لما كان علي الارض مع التلاميذ و بعدها جاءت مملكه مادي وفارس عملوا نظام المراسله و بعدهم مملكه اليونان نشروا اللغه اليونانيه في العالم و في الحقيقه ان الله اللي عمل كده علشان الانجيل كان هيتكتب باللغه اليونانيه ثم الرومان عملوا شبكه طرق في البحر و البر فده جعل كل شىء مجهز لانتشار كلمه الله فهو المتحكم في تاريخ الممالك فالاله المشرف علي تاريخ الممالك هو مشرف علي حياتك البسيطه عزيزي المشاهد
01:48:55;	يقول الاخ عماد انا نفسي اشجع كل اخ واخت بيسمعوني ان اي مشهد له مشهد بعيون الناس في الارض و ده بيحبط ولكن بعيون الله باتأكد ان الله مشرف علي كل ازمه بأمر بها و هيجي اليوم اللي نقول الله عملها ازاي و يقول الاخ بيشوي اطلب مراحم الله في كل ازمات حياتك و سلم و اخضع لهذا الاله الذي له سلطان علي كل شىء

Start	Song
00:06:07;	ادخل لقدسك اترجي وجهك
00:22:49;	عظيم الهنا بنغني
00:50:23;	ليك المجد وليك القوه و ليك كل السلطان
01:17:53;	كل مره باشوف ايديك قويه و قديره
01:37:55;	ليك سلطان تحول المياه لخمر
01:52:00;	سلطانك اعظم سلطان

Return & Revive Us, God’s authority and man’s responsibility (164) | (164) يعود فيحيينا ,سلطان الله ومسؤولية الإنسان

Return & Revive Us, God’s authority and man’s responsibility (164) | (164) يعود فيحيينا ,سلطان الله ومسؤولية الإنسان

Recently watched

More from يعود فيحيينا

You may also like

Recently released