Presented by: Brother Youssef Refaat
Episode guests: Rev Montaser Bolis,and Brother Ramy Rafaat
Description
حلقة جديدة من برنامج “يعود فيحيينا” بعنوان « أعرف مكانك ! » بث مباشر على شبكة قنوات الكرمة
مع خدام الرب الأفاضل: القس/ منتصر بولس – الأخ/ يوسف رفعت – المرنم/ رامي رأفت
برنامج “يعود فيحيينا” برنامج أسبوعي كل يوم اثنين
تابعونا …
الأثنين 9 أكتوبر 2023 الساعة 5 مساءً بتوقيت القـــاهرة
الأثنين 9 أكتوبر الساعة 7 صباحًا بتوقيت كاليفورنيا
الثلاثاء 10 أكتوبر الساعة 1 فجـــرًا بتوقيت ســيدني
Topics
Summary
حلقة بعنوان :اعرف مكانك
وتم مناقشة الافكار التالية :
اولا: على قلبه محبوبين
ثانيا : على منكبيه محمولين
ثالثا: على كفيه منقوشين
رابعا : في عينيه مكرمين
خامسا : عند قدميه مستمعين
Detailed Report
| Start | Detailed Description |
|---|---|
| 00:01:00 | الاخ \ يوسف رفعت ترحيب بالمشاهدين وتقديم موضوع الحلقة بعنوان : اعرف مكانك |
| 00:02:24 | تقديم ضيوف الحلقة القس \ منتصر بولس , القس \ رامي رأفت , الاخ نور والاخ كيرلس في العزف |
| 00:08:28 | الاخ\ يوسف رفعت قراءات كتابية , 1 كورنثوس 1: 26 – 31 |
| 00:09:48 | الأخ \ يوسف رفعت هل ممكن يكون شخص عايش في مكان غلط وهو معتقد انه صح ؟ علشان كدا حضرتك مشغول بموضوع اعرف مكانك ؟ او ليه اخترت العنوان دا ؟ القس\ منتصر بولس : مهم جدا ان الانسان يعرف المكان اللي هيستقر فيه , مرات كتير بننشغل بامور الزمن امور مادية وشهوات ودايرة الذات وبننسى مكاننا الحقيقي اللي هنستقر فيه علشان كدا مهم لكل انسان انه يحدد المكان اللي هيستقر فيه “إِذًا إِنْ كَانَ أَحَدٌ فِي الْمَسِيحِ فَهُوَ خَلِيقَةٌ جَدِيدَةٌ: الأَشْيَاءُ الْعَتِيقَةُ قَدْ مَضَتْ، هُوَذَا الْكُلُّ قَدْ صَارَ جَدِيدًا.” (2 كو 5: 17).انت ممكن تكون في اماكن كتيرة بحسب نظرك وبحسب نظر الناس انت في مكانة وحالة ممتازة لكن بحسب نظرة السما الوضع مختلف تماما لو انت عايز مكان ومكانة ترتاح وتستقر فيهم هو شخص الرب يسوع المسيح بما لنا فيه من كفاية وكفارة ايا كان حالتك وايا كان وضعك انت هتتنقل من حالة لحالة , كنت واصبحت , كنت اعمى والان ابصر |
| 00:13:02 | الأخ \ يوسف رفعت لو في شخص تاية وهو في المكان الغلط ايه المكان اللي موجود في كلمة الله ينفع الشخص دا يرتاح فيه ؟ القس \ منتصر بولس : اول مكان ومكانة اولا: على قلبه محبوبين “فَيَحْمِلُ هَارُونُ أَسْمَاءَ بَنِي إِسْرَائِيلَ فِي صُدْرَةِ الْقَضَاءِ عَلَى قَلْبِهِ عِنْدَ دُخُولِهِ إِلَى الْقُدْسِ لِلتَّذْكَارِ أَمَامَ الرَّبِّ دَائِمًا.” (خر 28: 29). “تَرَاءَى لِي الرَّبُّ مِنْ بَعِيدٍ: «وَمَحَبَّةً أَبَدِيَّةً أَحْبَبْتُكِ، مِنْ أَجْلِ ذلِكَ أَدَمْتُ لَكِ الرَّحْمَةَ.” (إر 31: 3). أَمَّا يَسُوعُ قَبْلَ عِيدِ الْفِصْحِ، وَهُوَ عَالِمٌ أَنَّ سَاعَتَهُ قَدْ جَاءَتْ لِيَنْتَقِلَ مِنْ هذَا الْعَالَمِ إِلَى الآبِ، إِذْ كَانَ قَدْ أَحَبَّ خَاصَّتَهُ الَّذِينَ فِي الْعَالَمِ، أَحَبَّهُمْ إِلَى الْمُنْتَهَى.” (يو 13: 1). محبة الله لنا مش حب كلام لكن حب له دليل , على الصليب قدم نفسه نيابة عننا ولاجلنا واظهر محبته , حبه مش بيوصل لحدود ويقف لكن حبه الى المنتهى , لمنتهى ضعفنا وخرابنا راح مكاننا في مكان الدينونة بسبب حبه لينا واخد صورتنا وشكلنا حبه لينا فاق كل الحدود واحنا مفيناش حاجة تتحب”لأَنَّهُ مَا كَانَ النَّامُوسُ عَاجِزًا عَنْهُ، فِي مَا كَانَ ضَعِيفًا بِالْجَسَدِ، فَاللهُ إِذْ أَرْسَلَ ابْنَهُ فِي شِبْهِ جَسَدِ الْخَطِيَّةِ، وَلأَجْلِ الْخَطِيَّةِ، دَانَ الْخَطِيَّةَ فِي الْجَسَدِ،” (رو 8: 3) الله يحب الجميع ويقدم نفسه للجميع ومعندوش استعداد ان حد يهلك وعايز الكل يخلص |
| 00:24:02 | الاخ \ يوسف رفعت هل ينفع انا اروح لربنا زي ما انا من غير ما اعمل اي حاجة علشان يقبلني ؟ هل محتاج ابذل مجهود اروح لربنا ولا اروحله زي ما انا القس \ منتصر بولس احنا منملكش اي حاجة نقدر نعملها , لو هناك امور ينفع نقدمها وتتعدل حالتنا ونصير افضل مكنش جه متجسد في الجسد اذا ارتضيت اني مش قادر اعمل حاجة وجاي زي ما انا زي الست ناوفة الدم انفقت فلوس كتير وصارت الى حال ارداء لكن مجرد ما جات للرب يسوع المسيح وقالت انا بس هحط ايدي , هي مقدمتش حاجة هي قالتله انت فيك كل الكفاية نحتاج في هذه المحبة فقط اننا نقبل اليه بحالتنا ونقدم توبة حقيقية , التوبة مش صرخات ودموع وتأثر لكن ترك للخطية “اُطْلُبُوا الرَّبَّ مَا دَامَ يُوجَدُ. ادْعُوهُ وَهُوَ قَرِيبٌ.” (إش 55: 6) “لِيَتْرُكِ الشِّرِّيرُ طَرِيقَهُ، وَرَجُلُ الإِثْمِ أَفْكَارَهُ، وَلْيَتُبْ إِلَى الرَّبِّ فَيَرْحَمَهُ، وَإِلَى إِلهِنَا لأَنَّهُ يُكْثِرُ الْغُفْرَانَ.” (إش 55: 7). “لأَنَّنَا نَحْنُ عَمَلُهُ، مَخْلُوقِينَ فِي الْمَسِيحِ يَسُوعَ لأَعْمَال صَالِحَةٍ، قَدْ سَبَقَ اللهُ فَأَعَدَّهَا لِكَيْ نَسْلُكَ فِيهَا.” (أف 2: 10).لما نتوب توبة حقيقية والروح القدس يسكن فينا , الاعمال اللي بتطلع مننا مش احنا لكن عمل الروح القدس الساكن فينا , والوصايا مبتبقاش تقيله |
| 00:34:07 | الاخ \ يوسف رفعت حب المسيح يدوب القلب , ياما ناس صعبة جدا قصاد الحب دابت ياما ناس شريرة جدا قصاد الحب دابت , ياما ناس كانت بتفكر في الموت قصاد الحب توقف الموت وحياتهم اتعمرت , اللي عليك متقسيش قلبك اليوم قدام المحبة دي , اعرف مكانك الحقيقي مش اللي قالوه الناس عنك , مكانك الحقيقي انك على قلب الرب محبوب |
| 00:35:05 | الاخ\ يوسف رفعت قصاد المحبة العظيمة ينفع اقول ان المحبة دي الغير مشروطة تديني صلاحية اني اعيش حياة غير مظبوطة والمحبة دي تعدي الحاجات دي ؟؟ القس \ منتصر بولس : احنا مبنتكلمش عن الله محبة فقط , لكن الله محبة ونور احنا بنتعامل مع الله القدوس , والله في قداسته ميقبلش شر ولا يقبل خطية هو بيحبك علشان يطلعك من الخطية والموت وينتظر بمحبة وصبر رجوعك لكن في حال عدم رجوعك لشخصه هل تظن ان المحبة تخليك تتصرف تصرفات بعيدة عن شخصه وهو هيسيب دا ؟؟ الله لما بيصبر على شرك دا بس علشان ترجع ومتموتش في شرك , هو مش عايز حد يموت الاختيار والقرار ارادي , ارادة الله من جهة خلاصك موجودة طول الوقت لكن الاختيار ليك “فَهُوَذَا لُطْفُ اللهِ وَصَرَامَتُهُ: أَمَّا الصَّرَامَةُ فَعَلَى الَّذِينَ سَقَطُوا، وَأَمَّا اللُّطْفُ فَلَكَ، إِنْ ثَبَتَّ فِي اللُّطْفِ، وَإِلاَّ فَأَنْتَ أَيْضًا سَتُقْطَعُ.” (رو 11: 22). لطف الله للي عايز اللطف واللي يقبله ويقبل محبته لكن الصرامة للي عايز الصرامة ومش قابل محبة الله |
| 00:44:47 | القس\ منتصر بولس ثانيا :على منكبيه محمولين “وَإِذَا وَجَدَهُ يَضَعُهُ عَلَى مَنْكِبَيْهِ فَرِحًا،” (لو 15: 5) طول رحلتنا في البرية احنا مش ماشيين لكن متشالين على كتفيه “الإِلهُ الْقَدِيمُ مَلْجَأٌ، وَالأَذْرُعُ الأَبَدِيَّةُ مِنْ تَحْتُ. فَطَرَدَ مِنْ قُدَّامِكَ الْعَدُوَّ وَقَالَ: أَهْلِكْ.” (تث 33: 27). طول ما الرب في صفى انا مش عايل الهم , بتيجي امراض وضيقات واوجاع لكن في اله وعد انه يحمل ويشيل ويعتني , هو يرعانا حسب كمال قلبه وبمهارة يديه يهدينا “«اِسْمَعُوا لِي يَا بَيْتَ يَعْقُوبَ وَكُلَّ بَقِيَّةِ بَيْتِ إِسْرَائِيلَ، الْمُحَمَّلِينَ عَلَيَّ مِنَ الْبَطْنِ، الْمَحْمُولِينَ مِنَ الرَّحِمِ.” (إش 46: 3). “وَإِلَى الشَّيْخُوخَةِ أَنَا هُوَ، وَإِلَى الشَّيْبَةِ أَنَا أَحْمِلُ. قَدْ فَعَلْتُ، وَأَنَا أَرْفَعُ، وَأَنَا أَحْمِلُ وَأُنَجِّي.” (إش 46: 4). الله يعتني بينا ويحملنا في كل حالتنا وحتى من واحنا في بطن الام , يعقوب وهو هربان الرب لاحظه وصانه كحدقة عينيه واداله وعود الهية وقاله انا معاك وهحفظك ومش هسيبك غير لما اصنع ما كلمتك به مرات كتير بننسى عناية الله ونصنع امور ضد قداسته ونقدم العناد وهو بيظل محتملنا وحاملنا |
| 01:01:20 | الاخ\ يوسف رفعت وانت معايا فصول الرواية بتحكي علينا وتحكي عليه , فصول الرواية بتحكي على شري وبتحكي عن محبته اللي مبتتغيرش ابدا |
| 01:02:05 | الاخ \ يوسف رفعت لو انا مؤمن وضعفت هل في فترة ضعفي ربنا المحب يمنع نصيبي من محبته نصيبي من السما ؟؟ القس \ منتصر بولس : رقم 3 في مكانتنا عنده هتوضح الاجابة ثالثا: على كفيه منقوشين “هُوَذَا عَلَى كَفَّيَّ نَقَشْتُكِ. أَسْوَارُكِ أَمَامِي دَائِمًا.” (إش 49: 16). النقش على الكف مستحيل يتشال فضمان المؤمن في شخص المسيح ضمان ابدي الاخ \ يوسف رفعت : هل دا معناه ان المؤمن بسبب هذا الضمان الابدي يديله صلاحية يعيش زي ما هو عايز ؟ القس \ منتصر بولس : قداسة الله متخلينيش كابن لله مستبيح , المؤمن الحقيقي اللي استمتع بسكنى الروح القدس ميرتحش غير لما يكون على مزاج الروح القدس مش على مزاج نفسه الكتاب بيعلمنا ان كل مؤمن لما يقرر يعيش بمشيئته الشخصية وشهواته مش بيتساب لكن بيؤدب مفيش خدمة ولا ثمر الا لما يكون الانسان مقدس , القداسة الشخصية اللي بيها بيظهر صورة المسيح فيا الاخ\ يوسف رفعت : الضمان الابدي لا يعطيني تصريح اعيش زي م انا عايز لكن الضمان امتياز والامتياز ميمنعنيش من المسئولية اني اعيش مقدس القس \ منتصر بولس: لو التأديب استمر دا مش معناه ان الرب عايز يألمك لكن معناه ان الله عايز يوصل بيك لنقاوة معينة , نؤدب لكي نشترك في قداسته |
| 01:10:54 | الاخ\ يوسف رفعت : ايه مسئولية المؤمن ؟ القس \ منتصر بولس : الكتاب بيتكلم عن امرين مهمين اول حاجة التبرير بالايمان , امن ابراهيم فحسب له برا لكن التبرير العملي قدام الناس , تبريرك قدام الناس مش هيجي بالكلام لكن عندما تحيا السلوك الحقيقي والناس تشوف تصرفاتك الاخ\ يوسف رفعت : لما يبقى مؤمن عايش حياة استباحة طويلة ومسميها ضعف هل ينطبق عليه كلام الكتاب انه مؤمن ولا دا خاطي مستبيح حتى لو عنده اخلاقيات مسيحية ؟ القس\ منتصر بولس : مفيش حد يقدر يحكم في شخص هو ابن لله ولا لاء , لما تطول فترة ضعف واحد سنة واتنين احنا مبنبقاش مرتاحين دا ابن لله ولا مش ابن لله في مؤمنين تستريحلهم تصرفاتهم مقومة وبتعلن عن ربنا لكن لو حد مستبيح احنا منعرفش حقيقية توبته هي كانت حقيقية ولا مش حقيقية الاخ\ يوسف رفعت : هل المؤمن يطيق انه يستمر فترة طويلة بعيد عن الرب ؟ القس \ منتصر بولس : حصل , في 1 كور 5 كان في واحد بيزني مع مرات ابوه واستباح وبولس بعت وقال سيبوه ولا تخالطوه وبعد كدا تبدأ تأديبات وحياة توبة وبولس ويرجع يقول مكنوا له المحبة الاختبار دا حقيقة بينك وبين الهك , والتوبة بتضمن الخلاص الابدي لكن سلوكيات بتشهد عن دا الضمان الابدي ميعفنيش من مسئولية قداستي على الارض , ولو وقعت اقوم بسرعة ومستبحش |
| 01:21:22 | القس \ رامي رأفت : يمكن في حد بيسمعنا بقاله وقت طويل بعيد عن الخدمة بس انا بصلي ان الرب يسترد خدام وراية ترفع من جديد قدام كل عين فيرجع ويشوف محبة المسيح ويكمل بكل قوة |
| 01:26:01 | الاخ\ يوسف رفعت ياللي كنت زمان غصن مليان ثمار ياللي كنت قوي وكنت زمان بتصلي وياللي عمال تقول انا اللي كنت قوي وضعفت انا اللي كنت مستخدم ودلوقتي ضعفت وبتأدب , الان الرب بيكلمك انت بكلام خاص وبيقولك الله يطلب ما قد مضى بمعنى ان الرب بيسترد رصيدك الروحي اللي سحبه العدو الله عايزك ترجع تخدم من تاني وتنطلق وتتشجع من تاني , مكانك مش في الضعف ولا في فتور لكن المكان الصحيح انه تقوم وتتوب وتصلي وترجع تستخدم من جديد |
| 01:27:40 | الاخ\ يوسف رفعت في نوعين نوع بيشوف قيمته فيما يملك ونوع تاني بيعتقد انه علشان ميملكش معندوش قيمة , هل اللي عنده القيمة اللي يملك ولا اللي ميملكش ؟ وما هو مفهوم القيمة ؟ وهل مقاييس القيمة بتاعة ربنا غير بتاعتنا ؟ القس \ منتصر بولس : رقم 4 في مكانتنا رابعا : في عينيه مكرمين “إِذْ صِرْتَ عَزِيزًا فِي عَيْنَيَّ مُكَرَّمًا، وَأَنَا قَدْ أَحْبَبْتُكَ. أُعْطِي أُنَاسًا عِوَضَكَ وَشُعُوبًا عِوَضَ نَفْسِكَ.” (إش 43: 4) القيمة اللي مديهالك الرب اعلى بكتير من اللي انت باصص على نفسك فيها , واعلى من اللي ناس شيفينك فيها ياما ناس بتعتبرك فاشل وملكش قيمة حتى في بيوتنا وعائلتنا بيتقلل من قيمتنا وقيمة اولادنا كلام يعقوب عن اولادة كلام صعب في تكوين 49 لكن كلام الرب عن اولاد يعقوب كان مختلف في تثنية 33 بالذات عن بنيامين ويساكر متبصش علي نفسك ولا تخلي الناس تبص عليك لكن خلي الرب هو اللي يديك قيمتك ومكانتك هتعرف اد ايه انت غالي مكانتنا اننا نور للعالم وملح للارض نيابة عن الرب ,ولازم نحيا واحنا عارفين اننا رائحة المسيح الذكية وصورته على الارض ودا لازم يبان في سلوكنا |
| 01:39:32 | الاخ\ يوسف رفعت بعد كل الامتيازات اللي اتكلمنا عنها عن مكانتنا في الرب هل في دور ومسئولية عليا بعد اللي سمعته ؟؟ القس\ منتصر بولس : علينا مسئولية نظهر بها حق الله في حياتنا والملكية بتاعته في حياتنا وعلشان كدا هناخد النقطة الخامسة , مسئوليتنا اننا نجلس عند قدميه ونعيش بكلامه خامسا : عند قدميه مستمعين “وَكَانَتْ لِهذِهِ أُخْتٌ تُدْعَى مَرْيَمَ، الَّتِي جَلَسَتْ عِنْدَ قَدَمَيْ يَسُوعَ وَكَانَتْ تَسْمَعُ كَلاَمَهُ.” (لو 10: 39). ضياع امور كثيرة في حياتنا وخدمتنا وبيوتنا بسبب اننا مش عند قدمي يسوع ومش بناخد توجيهاتنا منه , وبنرجع نلوم ربنا والغلط يتاعنا احنا واحنا اللي ماشيين بدماغنا “سِرَاجٌ لِرِجْلِي كَلاَمُكَ وَنُورٌ لِسَبِيلِي.” (مز 119: 105). “مَنِ ازْدَرَى بِالْكَلِمَةِ يُخْرِبُ نَفْسَهُ، وَمَنْ خَشِيَ الْوَصِيَّةَ يُكَافَأُ.” (أم 13: 13). |
| 01:51:20 | القس\ منتصر بولس : صلاة ختامية بموضوع الحلقة |
| 01:57:37 | الاخ \ يوسف رفعت : شكر للمشاهدين وختام الحلقة |