| Start |
Detailed Description |
| 00:00:00; |
التتر و بدايه الاجتماع |
| 00:04:15; |
يا ابو الكل شكرا لانك فاتح حضنك لاضعف حد فينا حضنك مفتوح للكل يارب و ايدك هتمسك كل حد فينا و نطلع انهارده احرار و تقومنا و تقيمنا من ضعفنا انهارده نادي علي الشباب و تكون ليله حياه يارب و صوتك الحلو يحيينا و يقيمنا مبارك اسمك يارب |
| 00:17:18; |
العدو قد تم خرابه .المسيح داس راس العدو في الصليب بقابل ناس كتير بتخاف من الشياطين لكن اللي يلتصق بالمسيح يكون اقوي
الكتاب يقول كان يجول يصنع خير و يشفي كل مرض و كل ضعف في الشعب
ارفع ايدك و قوله شكرا من اجل عملك علي الصليب شكرا لانك معايا و حواليا طول الوقت |
| 00:34:13; |
مبارك اسمك يارب مكتوب الساكن في ستر العالي في ظل القدير يبيت هو اللي بيعطيني الفرح و يخليني اهلل ممكن حد يقولي بس انا مش قادر اطير و اعدي فوق المخاوف و الاخطاء لكن انا متأكد ان وسطينا ابونا الصالح اللي يقدر يمسك ايدك و يطلعك من هنا حر و يبدأ معك بدايه جديده |
| 00:40:46; |
الاخ حسام ناصر
نشكر الرب من اجل فتره التسبيح المميزه و نعطي المجد للرب الحاضر وسطينا و احنا مبسوطين ان في جيلنا الاخ ايميل فوزي الكارز الناري |
| 00:41:46; |
الاخ ايميل فوزي
قول معايا سيكون الغد اعظم
حط ايدك علي قلبك واشعر بايد الرب تأتي اليك و تدفيك و تيجي علي مستقبلك و تقول مبتصعبش علي الرب ولا عليا
انك تخدم الشباب متعه و خاصه شباب اسيوط فنشكر الرب من اجلكم
نشكر الرب الحاضر وسطنا و نشكره من اجل الاجتماع الجميل ووجوده فيه بقوه و انا باصلي من اجل كل واحد صاحب خدمه و رؤيه |
| 00:48:45; |
اشكر الرب من اجل كل ترنيمه و شاعر الرب عايز يقولك اوعي تسلم لخطه العدو لينا التصعيب و دي من اصعب ما يفعله ابليس في حياتنا
نقرأ مزمور 55
استمع لي واستجب لي . أتحير في كربتي وأضطرب
3 من صوت العدو، من قبل ظلم الشرير. لأنهم يحيلون علي إثما، وبغضب يضطهدونني
4 يمخض قلبي في داخلي ، وأهوال الموت سقطت علي
5 خوف ورعدة أتيا علي ، وغشيني رعب
قلت: ليت لي جناحا كالحمامة، فأطير وأستريح
7 هأنذا كنت أبعد هاربا، وأبيت في البرية. سلاه
8 كنت أسرع في نجاتي من الريح العاصفة، ومن النوء
لما اي نجار يمسك منشار و يروح لمقطع خشب اول ما يعترض المنشار حاجه كبيره بتسمي عقده فبيكون في صعوبه لمرور المنشار فيه
قيلت كثير جدا عقده في المنشار و لما بيختلف الاشخاص يقولوا متحطش العقده في المنشار و الحقيقه ان الشيطان بيستخدمها كثير جدا |
| 00:52:38; |
في الاونه الاخيره في ناس اصبحت كل حياتها العقده في المنشار واصبح منشار العمر مش سالك و كأن في اعاقه و ان الامور مش متسهله و تفننت مملكه الظلم في انها تحول ايامنا اللي اصبح في حاجات غريبه و ظواهر جديده و لعب في الثوابت و سيناريوهات متقلبه و دواخل الناس اصبحت تتغير بسهوله و تتغير الثوابت و الاخلاقيات و الاحباب و الامور اصبحت ليس لها معايير ثابته و مملكه الظلمه كثفت لكثير جدا من الشباب العقد في المنشار
وانا باسمع الشباب الفتره الاخيره كلهم بيقولوا ان حياتهم اصبحت مثل العقده في المنشار و مش سالكه خالص
و يقول كاتب المزمور ليت لي جناحا كالحمامة، فأطير وأستريح
و في خمس عقد في المنشار هنتكلم عنهم لكن ارجوك و انت بتسمعهم اعرض كل حاجه امام الرب و شوف ايه اللي صعب كل حاجه وانا باصلي انها متتصعب قدام اي بنت او شاب لان خطه الشيطان هي التصعيب لكن الرب بالصوت الابوي بيقولك سهله و باسهلهالك و حلوه و باحليهالك و انا شايفها صعبه لان في خطه محكمه من العدو ان تعدي ايامي من غير ما استمتع مع الحبيب |
| 00:57:17; |
لما سمعت ترنيمه طمني كانت متعه بالنسبه لي اني اشوف كل شاب و
هو بيصليها قدام الرب و يقوله طمني عديها ما انت اللي يمشي وراك ميتعبش .صعب جدا علي مملكه الظلمه ان تعيق شاب او شابه يسلم حياته و يضعها لمشيئه الرب فهدف ابليس ان نخرج من المشيئه لكن باقولك كن داخل المشيئه و هتعدي بقوه و عظمه و ستذوب كل العقد كالشمع امام النار و هتشوف يد الرب تصنع المستحيل و تجري عجبا
انا ليا اله قدير اب حنون صالح لحياتي ياما احتواني ياما شفاني ياما عضدني ياما ابرأني انه ابي و ده توقيع ابنك المخلص علشان انا عندي تاريخ مع الرب فيتراقص قلبي امام الملك الولي الحي |
| 00:59:44; |
اول عقده اسمها التمني و غياب الامكانيه
فقلت: ليت لي جناحا كالحمامة، فأطير وأستريح
هاحكي عن بنت شابه جميله قعدت معاها من كم اسبوع في ثانيه جامعه و كانت في ظروف ماديه صعبه وظروف وجدانيه صعبه و دارت علاقه بينها وبين دكتور جامعه سدد لها مبلغ كبير من اللي عليها و بمرور الوقت حصلت علاقه صعبه معه و اصبحت في حاله صعبه للغايه و قالت كنت اتمني ربنا يعطيني اي حاجه اطير بها من الظروف اللي انا فيها و تهديد الدكتور لها قائم و منعزله عن البيت و الاصدقاء ووصلت لمستوي ادبي لا يوصف و كانت محطمه نفسيا و انا لم يكن في امكاني ادينها علي وضعها و لكن قلت للرب افتح عنيها ان تكون امكانيات النعمه اللي تصنع المستحيل و تخليك تشوف الظلمه نور و السجن حريه و صليت معها و قلت للرب قد جاء وقت كلامك انت يارب و سافرت و رجعت و قابلتها و قالتلي لم اتوقع ان الرب كان يجيني بقوه الهيه عجيبه انا الان حره و انت لما تيجي تحاول ترتبها علشان تحل الامور متعرفش لكن المسيح هو الله امكانياته عظيمه يأتي بصوره الحياه العظيمه و يشاور علي كل واحد فينا و يقول ميهونش عليا و لو فتحنا قلب الرب و شوفناه لصرخ لاجلنا بصوت عظيم و قال اعطيك جناحي النعمه و الحريه فلا تتمني الموت و انا اله المستحيل انا اجري في الصحراء بحرا و طريق
يارب انت باعمالك و احسانك دربت المسكين ان يقول انت ابي و انهارده النعمه هتملك كل حد فينا اجنحه عظيمه تطير ناحيه الرب يسوع و تقول انا ليا اله عظيم منقذ
محدش يقدر يدخل يعرف كل خفياتك غير ابو قلب طيب الحنان و انت جاي انهارده علشان تقول انا هأخذ جناحات النعمه و اطير و ارفرف ناحيه حبيبي ابو كل ولي حي |
| 01:07:54; |
الامر الثاني في عدد 2
أتحير في كربتي وأضطرب
عقده المنشار الثانيه اضطرابي و كربتي و حاله التهديد اللي باعيش فيها علطول سواء بالدراسه او الشغل او الارتباط و ما اكثر التهديدات علي الشباب
في شباب خذلني الوقت اللي فات صليت معه و قلت له انا مش مرتاح انك تتحرك فقال لي انا حكيت معاك كل تهديدات القريه و حاله امي و ابي و ليس عندي ما اخاف عليه و كان هيسافر من البلد عن طريق العوم من مكان لمكان و فعلا عام و بعتلي رساله و قال لي انا وصلت و كان مبسوط و قاللي صليلي ثم بكي بشده اتاريه بعد ما عدي نصف المسافه اعيق اعاقه موت و قال للرب يمكن انا بادخل البلد دخول غير شرعي و انت مش موافق بده بس اللي متقدرش تغيب عنه اني انا محتاجك علشان باغرق فأن كانت وسيله اختياري غلط فلا تحاسبني و تميتني و قالي انه صلي الصلوه دي في المياه و ظهر له المسيح و اخذ بيده الي ان وصل ثم قال لي لما تطلع علي المنبر قول للناس اوعي تفتكر انك لما تأخذ موقف ضد اللي عايزه الرب انه هيسيبك ولكن الرب يشرق بشمسه علي الصالحين و الطالحين
ارفع ايدك وقول الاضطرابات كانت شديده لكن رب المجد العظيم جاء في اضطرابي و رفع عني هو حبيبي وانا اطمنك ان انهارده الرب هيزرك زياره متينه و يأخذك بكل الحب ولو انت غلطت رحمه الرب مش هتتأخر عنك وانت في عز و عمق كربتك و يتواجد معك الرب بكل قلبه |
| 01:13:25; |
الامر الثالث في عدد 3 من صوت العدو و دي العقده في المنشار
من صوت العدو، من قبل ظلم الشرير. لأنهم يحيلون علي إثما، وبغضب يضطهدونني
مين سامع صوت من الشيطان بتشويه شكله زي ما بتقول العروس في نشيد الانشاد عقده في المنشار سوداء لكن جميله ووضعت عقد كثيره لكن علي الرغم من كل العقد ظهر الرب لها و اول لما شافته قالت حبيبي قد ظهر
من صوت العدو في ناس بتشيخ داخليا
عندما يأتي صوت العدو بتشويهك امام نفسك و يهدد صحتك و اجتماعياتك و شكلك قوله انا واثق يارب انك تحلي ايامي الجايه و تحلي السكه و مستقبلي و هتعدي ولا يهددني الشيطان في جسدي و صحتي و خدمتي و لا اماكنها و لا ظروفها و لا يهددني في روحي اؤمن يارب ان صوت العدو عقده في المنشار لكن انهارده منشار الحب الالهي يأخذ كل ده |
| 01:19:42; |
قول بصوت عالي خطه الرب في حياتي هتكمل ميه في الميه
الامر الرابع في عدد 4 يمخض قلبي في داخلي و عقده المنشار الرابعه هو تمخيض القلب داخليا و نكتب و نظهر كأننا بنضحك لكن في داخلنا تمخيض قلب داخليا اي دموع و مراره القلب وده من تخصص الرب الاله الحكيم اني لازم اتوب علشان يشفي كل تمخيض داخلي
زرت اسره كانت حالتها صعبه جدا و كل افرادها يبكون بسبب الازمه و في انين بدواخلهم
ففي غياب الرب الكل عليل و يمخض قلبه صليت معهم و قلت يارب قد نظن اننا نتوب فقط من اجل خطايانا و لكننا نتوب من اجل خطايانا و مخاض القلب و غلب العدو و حاله الايام مش قادرين نكمل كده و كل ده يجعلني اتي اليك و اقول لك تعامل معي
الدنيا من غير الرب تعيسه حتي لو فيها نجاح قول للرب تعبت من البعد عنك لكن انهارده حط ايديك في ايدي اكمل معك و دعني انادي عليك يا حبيبي و اقول اليوم انه يوم عيدي و يوم رجوعي و توبتي و نهايه لصوت العدو و تمخيضه لقلبي |
| 01:25:16; |
اخر حاجه في عدد 8
كنت اسرع في نجاتي من الريح العاصفه و العقده في المنشار تقولك حاول تقرب من ربنا وتصلي و الرب انهارده مجرد ما تقوله يارب كنت اسرع في نجاتي من الريح العاصفه فالعقده انه يهيأ لك ان الرب بعيد عنك لكن مجرد ما تطلبه و تصرخ له تجده يسرع اليك لانه يحبك اكثر من الكل و حريص عليك اكثر من الكل
مهما كان اللي جواك متصعبهاش لان الرب قريب بيحبك و هيسمعك و اقوي من صوت العدو و من كل الاثام هيجي يطبطب عليك و يقولك اوعي تسمي اي امر عقده في المنشار لكن سميها بابا الهي حي |
| 01:29:44; |
صلاه
جمع قلبك و انت بتصلي في محضر الله و شوف ايه عقدتك اللي ابليس بيستخدمها كعقده في المنشار قوله يارب حياتي كانت مليانه بالعقد و التصعيبات لكن الليله دي انا اكشف امامك و انا بارفع قلبي ليك و باقول حتي لو امكانيات تمني معينه غابت اؤمن ان هذه الليله امكانيات النعمه اعظم الرب بيقول لكل واحد الشيطان بيزن في دماغه بالغلب و التعييرات و التهديدات و يقولك انك تستحق الموت و انك كل ما تحاول تتوب يقولك مش نافع مش هتكمل ربنا بريء منك ده صوت العدو عقده في المنشار لانه افتراء و كذب قوله يارب تعالي الي و اسرع الي اعماقي اسرع من الريح العاصفه قوله انت اسرع الي لانقاذي لتغطيني من كل الماضي و الهي تعهد بالحب ان يرحمني
تعالوا نطلع نصلي من اجل كل من يحتاج الرب ان يسرع اليه قوله انا عايز سرعه نجاتك يارب لمرضي و لنفسيتي و لروحي و لاهلي |
| 01:41:17; |
هنرنم الاعداد دي تاني بس ارجوك اسمع صوتك انت لان لو كله تاب وانت لا هتخسر كتير و من فضلك متحطش العقده في المنشار لان الرب هيسرع و يأتي اليك اسرع من لمح البصر و هيصاحبك و يمشي معك بأيد قويه ممدوده لك اعمل زي حزقيا وانشر للرب كل اللي تاعبك و اطلب الحل من الرب |
| 01:48:51; |
الرب انهارده بيقولك اعطيك اجنحه النعمه و لو عايز اجنحه النعمه ارفع ايديك و انت بتقرر ده و ولي الرب ان يسكن معك و يحفظك و يظلل معك كل الايام و تضمن الابديه معه علي حساب الدم
اصلي يارب انك تمكن كل واحد فينا بعمل النعمه و تقول لنا مغفور لك خطاياك و تكون معك ايام الجمال عوضا عن الرماد باسم المسيح تكمل معنا يا رب بصوره ابويه عظيمه في اسم يسوع امين |
