كلمات الترنيمة
إللي بتبقى ف عتمته وف ليله ضَي
ده مستحيل أبدًا يتوه
اخترت أعيش وياك وأحبك زي
الابن ما بيحب أبوه
هافضل معاك رجلي على رجليك
ومنين ماتمش هاحط عيني عليك
وهاحط قلبي يا ملك ف إيديك
وهاقول
أنا خطوتي دايماً متابعة خُطاك
قلبي معاك وعيني آهيه ملاحظاك
منين ماتمشي هتلاقيني وراك
على طول
إللي بيبعد عن أبوه غلطان
ياه ع الرعاية وياه على الأحضان
أنا زي طفل شبط ف أبوه شبطان
فيك
حضنك وطن وأجمل الأوطان
ادخل سفينتي وكون لها قبطان
أنا جايلك يارب وأنا عطشان
ليك
هامش ف جبال وياك وأعدي بحار
هافضل متبت فيك طول المشوار
وإن حد جه يسألني إيه الأخبار
فَهاقول
أنا لو ها أعيش ها أعيش عشان أرضيك
ولو هاموت فيبقى حبًّا فيك
أنا باوعدك من قلبي ها أفضل ليك
على طول
