The founder of the “The World Needs a Father: Cassie Carstens
Description
| ننقل لحضراتكم بث مباشر على قناة الكرمة خدمة “العالم يحتاج إلى أب” – بالكنيسة الإنجيلية بقصر الدوبارة بحضور مؤسسين مبادرة “العالم يحتاج إلى أب” (كاسي كارستنز و باسم عبد الملك) بث مباشر على قناة الكرمة عيلة (FAM) يوم الأثنين 20 مارس 2023: الساعة 6:30 م – توقيت القاهرة الساعة 9:30 ص – توقيت كاليفورنيا الساعة 3:30 ص (الثلاثاء) – توقيت سيدني |
Topics
Summary
فى هذا العالم على الرجل أما أن يكون مطرقة أو سندان أما أن تشكل المجتمع أو المجتمع هو اللى هيشكلك يا العالم يأثر فيك لآما أنت تبقا مثمر وتأثر فى العالم
الجواز دة الطفل البكرمترمهوش أحتمال يمرض أوعى تسبوة يموت أجرو بية على المستشفيات أجرو بية على المشورين
سبب نسب الطلاق المرعبة أن 80% بسبب الجهل وبسبب أبليس اللى بيخش جوة البيوت وفى ذهن الرجال
ربنا بيقولك ياحبيبى قبل ما تخدم الناس أخدم بيتك وراعى بيتك الأول قبل ما تفكر تطلع برة بيتك
أمتا تكلم أبنك أو بنتك عن الجنس أمتا تقلق لما تلقية قاعد لوحدة معندهوش أصحاب أمتا تقلق لما الشكوى تجيلك من المدرسة كتير ويقولولك أبنك مختلف أمتا تقلق لما يقولوا على أبنك أن هو متنمر وتتصرف أزاى أمتا تسيب أبنك يغلط ويقع قدامك وأنت عارف أن هو مش هيحصلة حاجة وتقومة وتصلحلة غلطة
فوائد الأنترنت والميديا: 1- وفرة المعلومات 2- التواصل 3- سهولة الحصول على العناوين والطرق
4- سهولة الشراء والمعاملات البنكية 5- سهولة تجارة السلع بجميع أنواعها
4 حاجات أتسببت فيها السوشيال ميديا 1- الارتباك ما بين الجنسين 2- التنمر الرقمى 3- الجهل العاطفى 4- الأكتئاب
5 مشاكل أثروا على ولادنا 1- الأشباع الفورى 2- عدم تحمل الأحباطات 3- الشعور بالأستحقاق 4- عدم القدرة على الصمود وقلة المرونة 5- الجهل العاطفى
متعرضش ولادك للشاشات فى أخر 3 ساعات قبل النوم ولا تسيب موبيلات فى أوضة النوم ولا يستخدموا الموبيلات فى الأوقات العائلية وممكن يبقا التليفون حافز بس مش حق مكتسب سيب الرسايل اللى بتجيلك على التليفون متفتحهاش علطول أقعد مع صحابك وعيلتك أخلق روتين صباحى ومسائى بدل ما تمسك التليفون الصبح وبليل
5 حاجات مهمة جدا عيش من أجل غرض حياتك وأدعم قصد الحياة بتاع شريك حياتك تحقق من أنك تفهم جروحك ومن دواير عدم الأمان اللى عندك ونساعد بعضنا بعض للتغلب عليها عيش ببوصلة أخلاقية داخلية أختار القيم بتاعتك من هنا وعيش بالطريقة الصح وطبق هذة القيم عيش حياة مليانة بالتضحية أن الحياة لا تتعلق بيك أنت لكن تتعلق بخدمة الآخرين وأسعى أن يكون فى حياتك شخص يجعلك مسائلاً ومحاسباً
Detailed Report
| Start | Detailed Discription |
|---|---|
| ;00:00:00 | تتر |
| ;00:01:56 | ترحيب وتقديم بالأخ كاسى مبتدأ هذة الحركة فى العالم وهو اللى كتب كتاب العالم يحتاج الى أب والأخ باسم المترجم |
| ;00:03:46 | كلمة الأخ باسم وهيتكلم عن موضوعين الموضوع الأول الميديا وازاى اولادنا بتتأثر بشكل كبير أوى والموضوع التانى هنتكلم عن الغرض والنجاح كتير أحنا بننشغل بتعريف المعنى دة لولادنا ومش بنعرف أن أحنا نوصلة وبنبقا منشغلين أوى بنجاحهم العملي والوظيفى |
| ;00:04:53 | نبذة عن حركة العالم يحتاج الى أب ويحكى قصة الأب وأبنة اللى بيلعبوا كورة سوا |
| ;00:06:50 | قراءة كتابية “وَإِنْ كَانَ أَحَدٌ لاَ يَعْتَنِي بِخَاصَّتِهِ، وَلاَ سِيَّمَا أَهْلُ بَيْتِهِ، فَقَدْ أَنْكَرَ الإِيمَانَ، وَهُوَ شَرٌّ مِنْ غَيْرِ الْمُؤْمِنِ.” (1 تي 5: 8) |
| ;00:07:52 | قبل ما تكون أب كويس أنت محتاج تكون زوج كويس أرجع صلح علاقتك بزوجتك حتى لو العلاقة مفهاش حاجة أرجع حبها من أول وجديد أرجع أتعلم يعنى أية تبقا زوج مسئول أرجع أقرا أنت مطلوب أية منك فى الجواز أعظم هدية تديها لأبك أو بنتك أنك تحب أمهم وأعظم هدية تديها لآولادك أنك تحبى أبوهم دة منبع الأمان بالنسبة ليهم مش هتعرف تبقا زوج ومن غير ما تبقا راجل بحق وحقيقى |
يعنى أية رجولة
| ;00:09:00 | يعنى أية رجولة وأية هو شكل الراجل وأزاى تبقا شبة يسوع الرجولة مش زى ما العالم بيقول العضلات والشهرة والاصحاب والمكانة العلمية والوظيفية والمادية وشكلك عامل أزاى سيبك من معنى الرجولة اللى العالم بيصدرة ليك وقريت مقولة عجبتني جداً جداً بتقول لأ يمكن أن تنموا فى مجتمع أولئك الذين لأ يشعرون بمشاعر نبيلة ولأ يولدون فكراً جيداً الذين يتكلمون عن الدسائس والمكائد وهمهم الأعظم الحصول على شركة مربحة ويعبدون المال مش ممكن تنموا فى مجتمع شكلة عامل كدة |
| ;00:10:08 | فى هذا العالم على الرجل أما أن يكون مطرقة أو سندان أما أن تشكل المجتمع أو المجتمع هو اللى هيشكلك يا العالم يأثر فيك لآما أنت تبقا مثمر وتأثر فى العالم وقت ما أنت تبقا راجل بجد تعالى بقا ساعتها هتبقى مهئ أن أنت تبقا زوج بجد وتعيش حياة البذل علشان خاطر ولادك كمان مش بس علشان مراتك |
| ;00:11:06 | هتقول بس هى مراتى مبتخضعش المفروض تخضع بس ربنا قالى ياحبيبى لا المشكلة مش فى أن هى مبتخضعش المشكلة أن أنت عايش لنفسك أنت مش باذل نفسك أقرا كويس أنا بقول أية أنا بقول أنت المسيح وهى الكنيسة بتخضع للمسيح لآن المسيح مات من أجل الكنيسة بس أنا مراتى صعبة أعملها أزاى ربنا بيقولك الزق بس فيا وأنا هعلمك تعملها أزاى |
| ;00:11:50 | يعنى المفروض أن أنا فى الجواز وفى علاقتى بمراتى مطلوب منى أن أنا أرجع مراتى دية مجيدة مقدسة بلا عيب وبلا دنس يعنى أنا مطلوب منى أن أرجعها أحلى ما أخدها أيوة دة الى مطلوب منك |
| ;00:13:12 | فكرت تسئل نفسك مراتك اللى كانت فى الأول عصفورة وأنت دلوقتى شايفها بومة دة لية بسبب مين مش يمكن أنت اللى حولتها لبومة بسبب تصرفاتك وبسبب عدم محبتك وبسبب سقطاتك مش يمكن أنت تبقا السبب راجع نفسك أحنا في الجواز بنعلم على بعض بنأثر على بعض تأثير قوى جداً ونفس القصة على الست أنتى أخدية حمامة ودلوقتى شيفاة أسد فى البيت كان حنين وطيب مش يمكن أنتو مش عارفين تتعاملوا مع بعض |
| ;00:14:39 | القسيس سامح كان دايماً بيقول العبارة الحلوة دية الجواز دة الطفل البكرمترمهوش أحتمال يمرض أوعى تسبوة يموت أجرو بية على المستشفيات أجرو بية على المشورين أحنا محدش علمنا الجواز أنت أول ما بتخلف بتحس أن أنا كدة بقيت أب محدش علمك الأبوة بس أنت محتاج تدرك أن الأبوة مش لقب الأبوة حرفة محتاج تتعلم عن الأبوة وعن الجواز |
سبب نسب الطلاق
| ;00:15:17 | سبب نسب الطلاق المرعبة أن 80% بسبب الجهل وبسبب أبليس اللى بيخش جوة البيوت وفى ذهن الرجال ويقولة “«الْمِيَاهُ الْمَسْرُوقَةُ حُلْوَةٌ، وَخُبْزُ الْخُفْيَةِ لَذِيذٌ».” (أم 9: 17) يقولك تعالى بس العلاقات اللى فى الضلمة حلوة أيوة ما الكتاب بيقول أنها حلوة بس فى أمثال بيقول أخرتها موت ودة اللى مدمر البيوت |
| ;00:17:02 | يحكى قصة مشكلتة مع مراتة و أزاى شاف أن المسيح يبقا حماة وبيزعل على زعلها |
| ;00:18:30 | قراءة كتابية “وَإِنْ كَانَ أَحَدٌ لاَ يَعْتَنِي بِخَاصَّتِهِ، وَلاَ سِيَّمَا أَهْلُ بَيْتِهِ، فَقَدْ أَنْكَرَ الإِيمَانَ، وَهُوَ شَرٌّ مِنْ غَيْرِ الْمُؤْمِنِ.” (1 تي 5: 8) تخيل كدة تيجى داخل السما والملايكة واقفة وشايف صحابك كلهم جوة وبتشاور ليهم ومبسوط وتقول لربنا كل دول جوة بسببى أنا اللى جبتهم هنا يعنى كنت بخدمك وربنا يقولك أة ما أنا عارف بس عاوز أقولك على حاجة أنا كدة كدة كنت هجبهم ليا يعنى مكنتش محتاجك أنا لو عاوز أجبهم هعرف أجبهم مش أنت اللى ليك الفضل دة بالنعمة بس قولى فين مراتك أبص كدة و أبتدى أفكر أحكيلو أزاى معرفناش نحب بعض فا يقولى يعنى أنت الأنسانة اللى اختارتها وقررت تتجوزها محبتهاش يعنى من حق أدم أن يقول المرأة التى أعطيتنى يعنى مراتك اللى أنت مختارها معرفتش تحبها محبة باذلة هتخش تعمل أية جوة أحنا جوة بنحب بعض |
| ;00:20:45 | ربنا بيقولك ياحبيبى قبل ما تخدم الناس أخدم بيتك وراعى بيتك الأول قبل ما تفكر تطلع برة بيتك فى وقتها حسيت أن علشان أبقا أب محتاج أكون أول حاجة راجل بجد أفهم يعنى أية راجل علشان أعرف أحب بعد كدة محبة باذلة وأقدر أساعد مراتى فى أن هى تبقا فى أبهى صورها وأن تحقق غرضها فى الحياة وأرجعها مقدسة بلا عيب وبلا دنس مجيدة ويسوع يفرح بيها وهى داخلة والعكس صحيح |
| ;00:21:32 | دلوقتى تقدر تكون أب أنت راجل كويس وفاهم يعنى أية رجولة وعايش الرجولة صح وزوج كمان صالح و أهل بيتك بيشهدوا كمان عنك أنت دلوقتى تقدر تاخد صورتى صورة الأب تقدر تمنح الهاوية لأبنك وبنتك وتقدر تشجع أمكانيتهم وتقدر تعلمهم المبادئ الأخلاقية تقدر تحسسهم بالأمان العاطفى علشان أنت كمان محبوب |
| ;00:22:51 | الدرسات أثبتت أن أكتر حاجة أبنك محتاجها من 0 ل 12 شهر التواصل البصرى لأن دة بيزود هرمون فى المخ أسمة الأوكسيتوسين دة المسئول عن الحميمية دة كمان بيساعد المخ على أنة ينموا أسرع و أكبر |
| ;00:23:27 | أمتا تكلم أبنك أو بنتك عن الجنس أمتا تقلق لما تلقية قاعد لوحدة معندهوش أصحاب أمتا تقلق لما الشكوى تجيلك من المدرسة كتير ويقولولك أبنك مختلف أمتا تقلق لما يقولوا على أبنك أن هو متنمر وتتصرف أزاى أمتا تسيب أبنك يغلط ويقع قدامك وأنت عارف أن هو مش هيحصلة حاجة وتقومة وتصلحلة غلطة محتاجين نتعلم علشان منبقاش سبب أذى لولادنا |
الفرق بين التكنولوجيا والعبودية
| ;00:25:46 | الفرق بين التكنولوجيا والعبودية هو أن العبيد يدركون تماماً أنهم ليسوا أحراراً أحنا مدمنين أحنا عبيد للتليفون |
| ;00:29:28 | فوائد الأنترنت والميديا: 1- وفرة المعلومات 2- التواصل 3- سهولة الحصول على العناوين والطرق 4- سهولة الشراء والمعاملات البنكية 5- سهولة تجارة السلع بجميع أنواعها |
| ;00:30:52 | الأدمان الرقمى هو شكل من أشكال أساءة أستخدام التكنولوجية نظراً لتعلق الشخص بها بأشكال و أساليب مختلفة أشكال الأدمان الهوس بالسيلفى وأدمان الألعاب حتى لا يغادر اللاعب منزلة الأ قليلاً وكتابة أو قراءة الرسائل النصية أثناء القيادة وأولئك الذين لا ينفصلون عن هواتفهم حتى فى وجبات الطعام وهؤلاء المفرطون فى خصوصيتهم على شبكات التواصل الأجتماعى ولا ننسى هؤلاء المتطلعين على الواتساب فى كل دقيقة حتى وان كانوا فى أجتماع هام أو فى جلسة عائلية |
| ;00:32:30 | أربع حاجات أتسببت فيها السوشيال ميديا 1- الارتباك ما بين الجنسين لما نسيب أولادنا بيلعبوا ويتعرضوا لمشاهد أباحية وهما مش قاصدين وهما بيتنقلوا ما بين مستوى لمستوى آخر فى اللعبة هما مش فاهمين دة أية غياب بابا وماما وهما مش عارفين الأولاد دول بيتفرجوا على أية يعملهم أرتباك أنا مش عارف أنا بنت ولا ولد أنا مش عارفة أنا حابة البنات ولا حابة الولاد أنا متلغبطة أنا شوفت حاجات مش فهماها مكنش المفروض تبص عليها 2- التنمر الرقمى تنمر الاولاد على بعض فى المدارس 3- الجهل العاطفى أولادنا بقا عندهم جهل عاطفى بقيوا يتعاملوا بال emojis مبقاش يعرف يعبر مبقاش عارف أمتا بابا شكلة زعلان مبقاش عارف شكل بابا أصلاً ولا عارف أمتا ماما ممكن تكون معدية فى وقت صعب بقا عندهم جهل عاطفى بسبب أن هما بيتعاملوا مع شاشات 4- الأكتئاب بقينا بعاد أوى عن بعض كل فرد فى العيلة أصبح دولة مستقلة بذاتها ومين اللى مبسوط أبليس لأن أبليس لما يشوفكم متجمعين مع بعض كدة مش بيخش زى الحرامى اللى لما يجى يدخل بيت يلاقى السور بتاعة عالى فا يدخل على البيت اللى بعدة خلى البيت دايما مترابط |
| ;00:37:40 | تقعد حضرتك تبص فى الموبيل على صور لسيدات وزوجات تانية وتقول يا بص شكلها جميل أزاى زى التفاحة دية وجميلة أوى وأشمعنا أنا أو حضرتك برضو تبقى بتبصى على السوشيال ميديا على أصحابك زمان وصور ممثلين وتقولى يا بص دة بقا أية ودة جسمة أية ونقعد نقارن بعض حتى الأطفال بتقعد تقول يا بص دة راح الرحلة الفلانية ودول عملوا عيد ميلاد ومحدش قالى دول شكلهم مبسوطين أوى عمرك ما تقارن حياتك بصورة |
| ;00:39:07 | زمان كنا بنعيش اللحظة وبنخلدها بالصورة دلوقتى بقينا نصتنع اللحظة من أجل الصورة |
مشاكل أثروا على ولادنا
| ;00:41:36 | 5 مشاكل أثروا على ولادنا 1- الأشباع الفورى التليفونات خلت ولادنا مبقوش يستنوا بسبب أية أن فى اللعبة بياخد الكوينز في ثانية الصورة اللى بينزلها بياخد الأعجاب فى ثانية فا مبقاش قادر يستنا 2- عدم تحمل الأحباطات بقيوا رهيفين جداً 3- الشعور بالأستحقاق أنا صاحبى جاب الحاجة الفلانية أنا لازم أجيب الحاجة الفلانية جبتها منين من المقارنات ومن اللى بيشوفوا على النت تالت حاجة 4- عدم القدرة على الصمود وقلة المرونة أقل كلمة تكسرهم وتوجعهم معندهمش صمود 5- الجهل العاطفى |
| ;00:43:43 | ألبرت أينشتاين قال أخشى من اليوم الذى ستأخذ فية التكنولوجيا أنسانيتنا سوف يسكن العالم جيل من البلهاء |
| ;00:44:50 | لية الموبيل والنت ممكن يسبب الأدمان لأن المخ عبارة عن خلايا عصبية ومشابك عصبية طول ما الدوبامين عمال يفرز بكميات كبيرة أوى المشابك العصبية بتتأكل فى المخ وهى المسئولة عن أن أبقا متنزن أو أن أحفظ معلومات ومش كدة وبس دة كمان القشرة الجبهية الأمامية ال PFC بتنموا ما بين سن 20 ل 25 سنة اللى بيحصل لما تدى للطفل التليفون القشرة الأمامية تبتدى تنكمش وتصغر فا بيحصل أنفعال جامد للطفل لو أخد منة الموبيل وهو بيلعب |
| ;00:48:25 | عرض فيديو للدكاترة اللى كانوا بيعملوا أعلانات للسجاير زمان |
| ;00:50:26 | صناع التكنولوجيا بيقولوا رأينا مخاطر التكنولوجيا بشكل مباشر لقد رأيت ذلك يحدث لأطفالنا أكتشفوا أن صناع التكنولوجيا كلهم مدخلين أطفالهم مدرسة مفهاش تكنولوجيا لحد سن 13 سنة لية لأن عارفين الخطورة |
| ;00:52:13 | المفروض تعمل أية لو أبنك أقل من 10 سنين أتصرف كأب و أتصرفى كأم وليس كصديق متعرضش ولادك للشاشات فى أخر 3 ساعات قبل النوم ولا تسيب موبيلات فى أوضة النوم ولا يستخدموا الموبيلات فى الأوقات العائلية وممكن يبقا التليفون حافز بس مش حق مكتسب سيب الرسايل اللى بتجيلك على التليفون متفتحهاش علطول أقعد مع صحابك وعيلتك أخلق روتين صباحى ومسائى بدل ما تمسك التليفون الصبح وبليل |
| ;00:57:43 | قراءة مقولة |
| ;01:01:40 | أحنا لازم يبقا فى شخص فى حياتنا كبير بتتعلم منة وبتثق فية وبتسمع لية وبيأثر فى حياتك لأن اللى مالهوش كبير كبيرة نفسة كبيرة الكبرياء كبيرة الشيطان النضوج الحقيقى بيكمن فى معرفة من أنت ومن تحب أن تكون وما الذى تم خلقة من أجلك وما الذى تم خلقك من أجلة وماذا يجب عليك أن تفعل مش هتعرف تجاوب على الأسئلة دية لوحدك محتاج مشير محتاج شخص مأثر أنت تصدق فية وتمشى وراة وتسمع كلامة وتتبع خطاة وتسئلة لو عندك مشكلة لازم تلاقى الشخص دة |
| ;01:07:50 | يقول الأخ كاسى أنة هيتكلم عن 5 حاجات أساسية لو ركزت أوى عليهم هتطلق حياة لعلاقتك الزوجية ولو أنت مش متجوز قيم نفسك من خلال الكلام اللى هقولة وأدى لنفسك من 1 الى 10 فى المبادئ دية ولما تجمع درجتك فى ال 5 حاجات وتضربها فى 2 هتعرف أنت هتاخد كام فى المية |
| ;01:09:01 | أنا بسميهم 5 أشياء مدمرة فى العلاقات لكن يمكن أن تتحول الى 5 ممارسات وهبة فى الحياة لزواجك الحاجة الأولى اللى ممكن تكون مدمرة فى العلاقة متعلقة بهدف الحياة أو قصد الحياة للشخص الأخر |
| ;01:10:16 | أية اللى المفروض تفكر فية قبل الجواز كل شخص هو خارج من يد الخالق نفسة أن الله وهو بيخلقك بيكون فى بالة خطة واضحة جدا وهو بيرسلك الى الأرض وأنت عندك تكليف الية محدد أى حد مخلوق عندة هدف وقصد لحياتة |
| ;01:13:16 | يحكى قصة المدير |
| ;01:19:50 | أنت ربنا خلقك من خلال قصد عظيم وجميل لو أنت مش بتبص لمراتك بهذة الطريقة فا أنت أرتكبت أكبر غلطة فى حياتك لو أنت فاكر أن مراتك أتخلقت علشانك لا مراتك أتخلقت من أجل مقاصد الله فى حياتها مش علشانك أنا مش عارف لية لازم أسافر كل العالم علشان أقول للرجالة أن الستات متخلقوش علشان يعملوا أكل وعلشان الجنس هما أتعملوا علشان حاجات أعظم بكتير من كدة الله خلقهن من أجل قصد أذا كنت راجل وزوج والأب المسئول عن البيت فى كل مرة قاعد على الأكل وباصص للملكة بتاعتك لازم تفكر هو أية الحلم العظيم والجميل اللى موجود فى قلب الله من أجلها و أزاى الله أرسلك أنت علشان تساعدها هى فى تحقيق هذا الحلم وأن فى نهاية هذا الزمن هيجى الله ويسئلك أنت عن الموضوع دة وهيسئلها هى عن الحكاية دية وأقراء أفسس (5: 2-10) وهتعرف أنا قصدى أية بالحكاية دية ومش بس مراتك لا دة ولادك كمان تشوفهم بالطريقة دية |
| ;01:24:40 | يحكى قصتة هو ومراتة وأكتشاف القصد من حياتها |
| :01:26:38 | أهم شئ للناس اللى مش متجوزين لو أنت لسة بدور على شريك لحياتك أتجوز القصد بتاع الشخص وحياتك هتبقا فريدة من نوعها |
| ;01:29:00 | النقطة التانية أسوء مشكلة أو أصعب مشكلة بنقابلها فى الزيجات هو أصطدام الجروح لكن على الجانب الأخر لو فهمت الجروح بتاعتك وبتاعت شريك حياتك دة هيقدر يخرج أعظم شراكة ممكنة وهيكون فيها دعم متبادل علشان أحنا الأتنين نقدر نتغلب على كل دواير عدم الأمان والجروح اللى موجودة فى حياتنا |
| ;01:29:49 | وأحنا بننموا من 0 ل 11 سنة الأم لأزم تستثمر حاجات معينة فى حياتنا زى مثلآ الحميمية وفى سنتين الأهتمام والرعاية وبعدين الأب بيجي بيكون عندة مسئولية أنة يستودع بعض الأمور بالغة القيمة فى حياتك لغاية 8 سنين فا الأب هو اللى بيساعد على تطوير المفاهيم اللى موجودة فى حياتك الثقة بتاعتك أزاى بتفكر فى نفسك لو الحاجات دية محصلتش بالشكل دة الموضوع لو شبهناة من الناحية البدانية كأنك فقد أيد أو رجل بس من الناحية النفسية هتحس أن عندك مشكلة أو أعاقة ولأن المشكلة دية مشكلة وجدانية الناس مش بتبقا قادرة تشوفها بيقدروا يشوفوا الأعراض اللى بتظهر بسبب المشكلة |
| ;01:31:45 | يحكى قصتة مع زوجتة وجرحة اللى كان بسبب أبوة وجرح زوجتة اللى كان بسبب الأمومة |
| ;01:38:14 | كل شخص بيتجوز شخص آخر أنت بتتجوز شخص عندة جروح وأنت شخصيا عندك جروح ولو أنت مش عارف الجرح دة أية هتصاب بأحباط حقيقى جدا وقد يتسبب هذا فى نهاية جوازك لأن دة يعتبر أكبر سبب من أسباب الطلاق فى العالم لكن لو قدرت أن أنت تحط أيدك على الموضوع دة وتعكسة وتتعامل معاة الموضوع بيبقا بالغ الجمال بعد كدة |
| ;01:40:21 | النقطة التالتة بعض الناس بيعيشوا بحسب الحالة المزاجية بتاعتهم وبحسب ما الرغبات الداخلية بتاعتهم بتحركهم لكن فى ناس تانية بتختار أنها تعيش فى الجواز بتاعها بنائاً على البوصلة الداخلية بتاعتهم وبنائاً على القيم اللى هما بيختاروها لحياتهم أقوى رسالة بتوصل لأطفالك ولنفسك أن أهم شئ فى الحياة هو ما تشعر بة ,الكتاب المقدس قال أن فى أخر الأيام يكون الناس محبين لأنفسهم أحنا دلوقتى عايشين فى الأزمنة دية اللى فيها الناس بقيوا بيحبوا نفسهم |
| ;01:42:22 | أهم حاجة بقت بالنسبة للناس فى هذا العالم اليوم هو هل أستطيع أن أصل الى ما أشعر أننى أريدة أم لا ودة أكتر شئ محبط ومدمر فى هذا العالم وهو دة اللى الشيطان بيعملة لأن هو دة اللى الشيطان عملة فى الأساس مع أدم وحواء لما قال ليهم كلوا من الشجرة دية وساعتها هتعرفوا أنتوا عاوزين أية هتعرفوا كل حاجة ستكونون كما الله |
| ;01:47:09 | محتاجين نختار المبادئ أو القيم المحوارية بالنسبة لبيتنا ال 4 قيم اللى منتشرة فى العالم المال والجنس والنجاح والموبيلات لو مغيرتش القيم بتاعت بيتك أنت لازم تختار قيم جواهرية لبيتك ولعيلتك وتخطط أزاى هتطبق القيم دية بشكل عملى فى العيلة لأنك لو معملتش كدة ولادك هيتعلموا الأربع قيم التانين واللى هيحسوا بية هنا مش بس هيدمر حياتهم لا دة هيدمر حياة ناس تانية كمان |
| ;01:48:45 | يحكى قصة عن القيم |
| ;01:58:11 | من فضلك فى محبة تقدر تتعلمها من المسيح وهتعيش هذا الحب بدون حب أنانى لذاتك ساعتها لما تعيش هذا الحب سيكون عندك السماء على الأرض فى بيتك |
| ;02:04:26 | 5 حاجات مهمة جدا عيش من أجل غرض حياتك وأدعم قصد الحياة بتاع شريك حياتك تحقق من أنك تفهم جروحك ومن دواير عدم الأمان اللى عندك ونساعد بعضنا بعض للتغلب عليها عيش ببوصلة أخلاقية داخلية أختار القيم بتاعتك من هنا وعيش بالطريقة الصح وطبق هذة القيم عيش حياة مليانة بالتضحية أن الحياة لا تتعلق بيك أنت لكن تتعلق بخدمة الآخرين وأسعى أن يكون فى حياتك شخص يجعلك مسائلاً ومحاسباً ولو طبقت الكلام دة هتشعر بأن عندك السماء على الأرض فى البيت ويسوع معانا وربنا يبارككم |
| ;02:09:14 | تتر |