Come back, hero | ارجع يا بطل

Come back, hero | ترنيمة ارجع يا بطل

المرنم مينا جميل

- ( سبت مكانك ليه وفين إنت دلوقتي بعد ما كنت أمير عايش في غنايا وحضني ) 2
وبعدت تجرب إيه يخليك فرحان ده لأنك حارم نفسك مني من زمان
إسمك عايش في الخير لكنك مش شبعان

القرار:
( ارجع يا بطل ده مكانك هنا في العالي
غالب ومقامك غالي وفي إيديك سيف الروح
ما فاضلش كتير عايز أعمل فيك تغيير
وأغير بيك وتصير بركة منين ما تروح ) 2

- ( بدلت مجدي بإيه وإيه اللي إنت كسبته لحياتك قصد عظيم لو تحيا جوه مشيئتي ) 2
دي إرادتي إن إنت تعيش نور يمحي ظلام لكن بإرادتك إنت اخترت ظلام
إسمك ويا الأبطال لكن عايش في هوان

- ( هتشوف المجد أكيد لو شلت صليبك تاني ده طريق واحد ووحيد انكر نفسك واتبعني ) 2
عايزك ملح ونور ليل ويا نهار وتعيش العمر كسهم في إيد جبار
من مجد لمجد تعيش والبركة تفيض أنهار