Do not be afraid | ترنيمة متخافش
المرنم بيتر جمال
متخَاَفِش من بكره ياولدي ربك زين وحنون وكبير كام شده وياه بتعدي مهما إن كان الحمل تقيل
متخافش يوم م الأيام ده إلهك حي وحنان ياما بكينا بدمع عيونا يجي بمجده في ضيقنا يبان
متخَاَفِش من بكره ياولدي ربك زين وحنون وكبير كام شده وياه بتعدي مهما إن كان الحمل تقيل
2 ( متخَاَفِش أبداً إنسان ولا تجزع ولا تبقى جبان دا إلهك دخل العُليه حول كل الخوف لسلام ) –
ولا بيمل ولا بيتأخر ولا فاتنا في يوم م الأيام أفتكر إنه في عز الشدة حضر أكبر حوت ليونان
2 ( موجود سامعك وبيظهر يشفي ويتمجد ويغير وبيده يقوم ويجبر ويعوض زمن الحرمان ) –
متخَاَفِش من شكل الشدة وعدوك من وجهك يهرب مهما إن ضاقت يوم راح تفرج والهم يزول والأحزان
2 ( حط سلامك فيه راح تكسب والمركب عمرها ما هتغرق صحي الريس واوعاك تقلق لما تشوف الموج حيران ) –
دي الغيمة اللي شايفها بعينك جاي وراها النور ألوان غني وسبح طول السكة دي الدفة في يد القبطان