A half of the submission | نص التسليم

A half of the submission | ترنيمة نص التسليم

المرنمة سارة معروف

ساعات بتكون إيدك في إيديا عادي كده يارب وماشيين وفجأة بقولك أقف أستنى مقلتليش رايحيين على فين -
كأني مش مطمن بيك كأني مثلاً شاكك فيك مع إني المفروض في إيديك لا بخاف ولا أشك ولا أبقى حزين

2 ( أنا آسف على قلقي وشكي.. آسف على نص التسليم على نص الإيمان ومشاكله.. أنا آسف يا يسوع يا عظيم )

أنا متأسف قدام كل الدنيا بقولك أنا غلطان لسه برغم العشرة ديه ببقى ساعات قلقان وجبان -
وأنا مش راضي ومش مبسوط عدم الإيمان شبه الموت مش مستني العمر يفوت وأنا بحبي ولسه ضعيف إيمان

2 ( أنا آسف تاني وميت مرة آسف على نص التسليم على نص الإيمان ومشاكله.. أنا آسف يا يسوع يا عظيم )

أنا محتاج أتعلم أسلم من غير حسابات أو تفكير وأجرب أغمض عيني وأقولك خدني مكان ما شايل لي الخير -
جه الوقت إني مكنش بخاف مكنش بعيش بالمتشاف وخلاص الطفل الخواف لازم يتعلم يبقى كبير