About you I said you have forgotten me | ترنيمة قلت عليك إن أنت ناسيني
المرنم صموئيل فاروق
2 ( قلت عليك إن أنت ناسيني ولا بتدافع ولا تحميني ولا بيهمك إيه يفرحني ولا بيهمك إيه يبكيني ) –
2 ( لقيتك راسم صورة لخطة ماهيش محصورة )
في ضعفي وجهلي وفكري البشري وقدراتي المحدودة
2 ( ولقيتك أب في وقت الحاجة تجري تمد الإيد ونبص بنظرتنا المحدودة وإنت تشوف لبعيد )
2 ( قلت الناس مساكين وغلابة وإنت بعيد والدنيا دي غابة والإيمان والصورة الحلوة لرعايتك شعارات كدابة ) –
2 ( لقيت قلبك مليان إحساس وبتتألم لآلام الناس )
وعايش في همومنا ومشاكلنا وفي قلب الأحداث
2 ( ولقيتك لما الجوع بيشد تبعت خبزي مع الطير أتذمر وأنت تكون بتعد وترتب ليا الخير )
2 ( قلت عليك ما بتسمعنيش أنده ياما عليك ما تجيش قلت إن أنت خلقت الناس وسايبنا نعيش زي ما بنعيش ) –
2 ( لقيت في الشك غباء وسذاجة ساعات أحلامنا تكون محتاجة )
الشكر مع الإيمان والصبر و دموع الصلاة بلجاجة
2 ( ولقيت الصلاة والصبر معاك مجهود مش بيضيع واللي يجيلك عشمان يلقاك رب بصير وسميع )
2 ( قلت إن إنت بعيد في سماك وعينيا ماهياش شايفاك وأعمل إيه علشان أوصلك وأعمل إيه علشان ألقاك ) –
2 ( لقيتك جيت في صورة إنسان وعشت ف نفس ظروفي كمان )
وإتقال عنك رجل الأوجاع ومختبر الأحزان
2 ( سامحني في دم بصليبك آسف أسأت الفهم في يوم وفي ثورة غضبي وقلبي الخايف وجهت لك لوم )