1- كان لي ناس من قلبي كانوا قريبين علي راحتي وياهم قوي وحنينين
كنا بنوحش بعض مش لو فات يومين لو فات علي بعادنا يدوب حبة ساعات
القرار – أيام جميله .. خدوها وياهم وراحوا أيام طويله .. وقلبي مستحمل جراحه
لكن يا قلبي لو صحيح مش موجودين ربنا موجود وعنده تعزيات
2- بيمد إيده يشيل دموع المجروحين ويمد جسر الفرح للقلب الحزين
بيه هاأكتفي ده حبيب وفي وصديق أمين وهو هيعوضني عن كل اللي فات
3- وإنت ماسكني يا ربي من إيدي اليمين يا ربي وإنت معايا أنا هاأحتاج لمين
تهرب هموم قلبي وأتعاب السنين أول ما باجي جوه في سترك وأبات
