Light in the midst of darkness (433) | نور في وسط العتمة (433)

Episode Arabic November 9, 2023 جه وقتك

About this episode

نور في وسط العتمة

الخميس 9 نوفمبر 2023

برنامج جه وقتك

برنامج جه وقتك يعرض كل يوم خميس الساعة 10 مساءاً بتوقيت القاهرة - الساعة 12 ظهراً بتوقيت كاليفورنيا

Presented by: Dr. Rev.Samir Fahmy
Episode guest: Brother Fady Hanna

ننقل لحضراتكم بث مباشر وحلقة جديدة من برنامج "جه وقتك" بعنوان: "نور في وسط العتمة !" بث مباشر على شبكة قنوات الكرمة
تقديم: د. القس سمير فهمي
ضيف الحلقة: المرنم الأخ/ فادي حنا
يوم الخميس 9 نوفمبر 2023
الساعة 10 مساءً بتوقيت القاهرة - الساعة 12 ظهرًا بتوقيت كاليفورنيا

Goodness صلاح

1- الله عايزنا نكون نور للعالم
2- الله عايزنا نكون دعاه سلام
3- مهما كانت العتمة الهنا حي وقادر يخرجنا للنور
4- يسمح اللخ ببعض الظروف والتجارب يخرجنا بعدها الى الرحب الخصب

Start	Detailed Description
00:00:00؛	تتر
00:00:45؛	ق. سمير : ترحيب بالمشاهدين, جه وقتك للبركة , جه وقتك تسمع كلمة ربنا وتفتح ذهنك تسمع رسالة ربنا لك شخصيا, خلينا انهاردة ناخد طعام من ربنا في الوقت الصعب اللي احنا فيه , احنا في وقت محتاجين الرب يعمل حاجة مع أولادنا وفي بيتنا نفسنا ربنا يتمجد في حياتنا . حلقتنا انهاردة بعنوان نور في وسط العتمة , احنا محتاجين النور وسط العتمة اللي عايشين فيها. انا واثق ان الروح القدس اليوم يحمل كلمة خاصة لنا ترحيب بالضيف المرنم فادي حنا.
00:08:00؛	ق. سمير: انا غالي عليك ومحفوظ في عنيك ومتشال على الاكتاف , قد ايه ربنا واخد باله منا وفيه حماية لك ولاولادك ولكل بيتك , انا كتير بصلي وبعلن حماية ربنا على حياتي وعلى بيتي وه=على جسدي وخدمتي وحماية على كل ما افعله اصلي معاك اليوم تعلن هذه الحماية. " نور في وسط العتمة" ايه رايكم في الجو اللي احنا عايشين فيه ؟ مش عتمة؟ انا معرفش انت ظروفك ايه لكن انهاردة الرب بيقولك انهاردة انا هنقلك من العتمة للنور, الله عايز مننا ايه؟ 1- الله عايز مننا كلنا نكون نور في وسط العتمة "أَنْتُمْ نُورُ الْعَالَمِ. لاَ يُمْكِنُ أَنْ تُخْفَى مَدِينَةٌ مَوْضُوعَةٌ عَلَى جَبَل،وَلاَ يُوقِدُونَ سِرَاجًا وَيَضَعُونَهُ تَحْتَ الْمِكْيَالِ، بَلْ عَلَى الْمَنَارَةِ فَيُضِيءُ لِجَمِيعِ الَّذِينَ فِي الْبَيْتِفَلْيُضِئْ نُورُكُمْ هكَذَا قُدَّامَ النَّاسِ، لِكَيْ يَرَوْا أَعْمَالَكُمُ الْحَسَنَةَ، وَيُمَجِّدُوا أَبَاكُمُ الَّذِي فِي السَّمَاوَاتِ." (مت 5: 14 – 16) ربنا عايزنا نكون نور لكل العالم ومينفعش النور يكون تحت مكيال او متغطي علشان لازم النور ينتشر, الله بيقول انت نور العالم , لازم نصلي ونطلب الروح القدس انه يسندني علشان أكون نور للعالم لاني ساعات في مواقف بنكون متضايقين او تحت ضغط لازم نطلب مشاعجة الروح القدس لنكون نور لكل العالم لان ده اللي عايزة ربنا منا. "اَلشَّعْبُ السَّالِكُ فِي الظُّلْمَةِ أَبْصَرَ نُورًا عَظِيمًا. الْجَالِسُونَ فِي أَرْضِ ظِلاَلِ الْمَوْتِ أَشْرَقَ عَلَيْهِمْ نُورٌ." (إش 9: 2). الله عايز يبعتلنا نور لاننا تعبنا من العتمة اللي حوالينا , النور العادي لو قطع علينا وقط طويل بنزهق ونتعب طيب لو واحد عايش في العتمة طول عمره يعمل ايه؟ اقصد العتمة الداخليه , الخراب والدمار الداخلي , انا محتاج اقول له انهاردة يارب محتاج نورك جوايا.
00:15:23؛	مكالمة الاخت رنا - القاهرة ( الخط فصل)
00:16:43؛	مكالمة بنت الرب - المنيا طلبة صلاة لاجل ابنها الوحيد مريض ( صموئيل) والقس سمير يصلي معاها على الهوا.
00:18:37؛	ق. سمير : 2- الله عايزنا نكون دعاه سلام "طُوبَى لِصَانِعِي السَّلاَمِ، لأَنَّهُمْ أَبْنَاءَ اللهِ يُدْعَوْنَ." (مت 5: 9). محتاجين ندعو للسلام , تعبنا من أخبار الحروب والألم عايزين الرب ينشر السلام , المسيحية تدعو للسلام , يسوع المسيح الهنا دائما يدعونا أن ننشر السلام
00:20:17؛	مكالمة الأخ حنا – القاهرة , والد الأخ فادي المرنم الضيف , مشاركة في موضوع الحلقة
00:21:02؛	مكالمة الأخت ايفون – لندن طلبة صلاة لاجل بنتها أجهضت ومتضايقة انها عملت كدة ونفسيتها تعبانه ق. سمير نصلي لأجل " اليزبث" واثقين ان الرب ينقلها من العتمة الى النور الى نور فيه أمل
00:22:13؛	مكالمة الأخت إيزيس – الجيزة مشاركة في موضوع الحلقة وتشارك بترنيمة من تأليفها والحانها
00:23:17؛	ق. سمير : الله عايزنا ننشر السلام , الله مش عايزنا نطون دعاه للبغضة والخرب , في حادثة حصلت ايام الرب يسوع وقت القبض على الرب يسوع ليذهب للصلب كان بطرس موجود وكان معاه سيف رفع السيف وقطع اذن عبد , ده مافرحش الرب يسوع مسك الاذن وردعها مكانها وقال لبطرس رجع سيفك مكانه . "فَقَالَ لَهُ يَسُوعُ: «رُدَّ سَيْفَكَ إِلَى مَكَانِهِ. لأَنَّ كُلَّ الَّذِينَ يَأْخُذُونَ السَّيْفَ بِالسَّيْفِ يَهْلِكُونَ!" (مت 26: 52). ده تعليم يسوع , عمرنا ما شوفنا يسوع ماسك سيف , ولا مرة رد الإذاءة باذاءه, تعالوا بينا ننشر السلام والحب تعالوا بينا نكون نور في العتمة اللي مليانة حرب والآلام وضيق , اكيد صعب اننا نكون دعاه سلام أو نكون نور لان طبيعتنا تميل الى العتمة الكتاب يعلمنا " إِنَّ النُّورَ قَدْ جَاءَ إِلَى الْعَالَمِ، وَأَحَبَّ النَّاسُ الظُّلْمَةَ أَكْثَرَ مِنَ النُّورِ، لأَنَّ أَعْمَالَهُمْ كَانَتْ شِرِّيرَةً." (يو 3: 19).
00:28:00؛	مكالمة الأخ منير – المنيا (الخط فصل)
00:28:20؛	مكالمة بنت الرب – القاهرة
00:28:38؛	ق. سمير: ممكن تكون العتمة ظروف صعبة بنمر بها , أولاد وبنات الله اللي بيشوفونا ممكن يكون في حياتهم أتعاب و أوجاع بيمروا بيها , ممكن تكون ضربة من إبليس على حياتك , ممكن يكون فيه حزن , االه بيقولك انهاردة اخرجك من الوجع والضيق اللي انت فيه.
00:35:58؛	ق. سمير: ارحمنا واطرد كل خوف , فيه خوف منتشر هذه الأيام في اماكن كتير اوي , ناس كتير عندها خوف وقلق, انهاردة الروح القدس باعت الكلام ده ليك وبيقولك أنا هطرد الخوف اللي جواك , انا كتير بندهله واقوله بابا ارحمنا واطرد كل خوف .
00:36:33؛	مكالمة الأخت فريال – لندن: "لأَنَّ اللهَ الَّذِي قَالَ: «أَنْ يُشْرِقَ نُورٌ مِنْ ظُلْمَةٍ»، هُوَ الَّذِي أَشْرَقَ فِي قُلُوبِنَا، لإِنَارَةِ مَعْرِفَةِ مَجْدِ اللهِ فِي وَجْهِ يَسُوعَ الْمَسِيحِ." (2 كو 4: 6). علينا ان نشعل نور المسيح في داخلنا قبل ان يرى الناس فينا نور المسيح , في سلوكنا طلبة صلاة لأجل زوجها.
00:37:49؛	الأخ منير – المنيا : طلبة صلاة لأجل أخوه ( سمير) لاجل عملية وطلبة صلاة لاجل ابنه والقس سمير يصلي معه على الهوا
00:40:10؛	ق. سمير: ( 2 أخ 20 : 1 – 22 ) قصة يهوشافاط الملك , أتوا له بخبر سئ "فَجَاءَ أُنَاسٌ وَأَخْبَرُوا يَهُوشَافَاطَ قَائِلِينَ: «قَدْ جَاءَ عَلَيْكَ جُمْهُورٌ كَثِيرٌ مِنْ عَبْرِ الْبَحْرِ مِنْ أَرَامَ، وَهَا هُمْ فِي حَصُّونَ تَامَارَ». هِيَ عَيْنُ جَدْيٍ." (2 أخ 20: 2). فخاف يهوشافاط من هذا الهجوم , انا مش عارف الهجوم اللي جاي عليك ايه هو يمكن من صحة , ضائقة مادية ,أمر مشاكل في البيت , نفسية سيئة...الخ , شئ طبيعي انك تخاف وتقلق لكن انهاردة الرب بيقولك لا داعي للقلق اللي انت فيه لان يوجد لك اله ياخد الخوف والقلق وعدم الفرح اللي عايش فيه ويرد لك كل مسلوب , لما أخاف زي يهوشافاط أعمل ايه؟ يهوشافاط عمل ايه؟ يهوشافاط نادى بصوم وجمع كل الناس ليفحصوا الأمر ويصلوا وبدأ يصلي "وَقَالَ: «يَا رَبُّ إِلهَ آبَائِنَا، أَمَا أَنْتَ هُوَ اللهُ فِي السَّمَاءِ، وَأَنْتَ الْمُتَسَلِّطُ عَلَى جَمِيعِ مَمَالِكِ الأُمَمِ، وَبِيَدِكَ قُوَّةٌ وَجَبَرُوتٌ وَلَيْسَ مَنْ يَقِفُ مَعَكَ؟" (2 أخ 20: 6). هو متسلط على جميع ممكالك الأمم ولا لأ؟ هو المتسلط قلوب الملوك كجداول المياة في يده , متسلط يقدر يعمل كل حاجة , يستطيع الله من السماء ان يأمر فيطاع. لا أحد يقف أمامه.
00:46:57؛	الأخت نهال – لندن : ما احوجنا ككنيسة في هذه الايام ان نكون نور في عالم غاب عنه النور وزادت الظلمة اصلي وارفع قلبي واطلب من الرب ان تكون الكنيسة هي النور وسط ظلمة هذا العالم هذه الأيام الصعبة وتعلن انه لا يوجد مخلص غير الرب ومن لا يقبله لا سيعيش في ظلمة الى الأبد, "لأَنْ هكَذَا أَوْصَانَا الرَّبُّ: قَدْ أَقَمْتُكَ نُورًا لِلأُمَمِ، لِتَكُونَ أَنْتَ خَلاَصًا إِلَى أَقْصَى الأَرْضِ»." (أع 13: 47). اشجع نفسي واشجعكم اننا لا نستصغر أنفسنا ونعتمد على الروح القدس الساكن فينا ونصدق ان الرب اقامنا نور للامم وباسم يسوع سيكون خلاص لأقصى الأرض.واصلي لكل مشاهد لم يعرف الرب "لِتَفْتَحَ عُيُونَهُمْ كَيْ يَرْجِعُوا مِنْ ظُلُمَاتٍ إِلَى نُورٍ، وَمِنْ سُلْطَانِ الشَّيْطَانِ إِلَى اللهِ، حَتَّى يَنَالُوا بِالإِيمَانِ بِي غُفْرَانَ الْخَطَايَا وَنَصِيبًا مَعَ الْمُقَدَّسِينَ." (أع 26: 18). أطلب منك أن تفضح الخديعة لكل مشاهد معتقد انه عايش في النور وهو للأسف عايش في حقد وكراهية للآخر لان الآية تقول "مَنْ قَالَ: إِنَّهُ فِي النُّورِ وَهُوَ يُبْغِضُ أَخَاهُ، فَهُوَ إِلَى الآنَ فِي الظُّلْمَةِ." (1 يو 2: 9). وسؤال حضرتك قلت انه المؤمن لابد أن يكون نور للعالم وهذا يتطلب مني أن اكون متداخلا مع العالم ولكن فيه ايه بتقول "لاَ تَكُونُوا تَحْتَ نِيرٍ مَعَ غَيْرِ الْمُؤْمِنِينَ، لأَنَّهُ أَيَّةُ خِلْطَةٍ لِلْبِرِّ وَالإِثْمِ؟ وَأَيَّةُ شَرِكَةٍ لِلنُّورِ مَعَ الظُّلْمَةِ؟" (2 كو 6: 14). السؤال كيف افعل التوازن اني اكون وسط أهل العالم وفي نفس لوقت لا اخالطهم كيف أكون مؤمن يؤثر ولا يتأثر.
00:50:52؛	ق. سمير : الرب يعطينا النعمة انه قلبي يكون مليان بالمحبة لانه مينفعش اني اقول اني عايش في النور واكون في خلاف مع اخويا او اكون في مشاكل مع جاري مثلا , الله يعطينا نعمة نقدر نعمل كدة , امور كتير جدا لا يمكن بقوتنا نقدر نعملها لكن بالروح القدس لما ملا حياة بطرس مكانش محتاج حد يقول له رجع السيف شوفنا بطرس يتصلب لأجل المسيح الروح القدس يساعدني اخب عدوي , الروح القدس يساعدني أخرج من العتمة للنور,
00:53:02؛	الشيخ ابراهيم – القاهرة , عنوان الخلقة "نور في وسط العتمة" ده بيورينا الرب يسوع في فترة الصمت بين العهدين مدة تقريبا 400 سنة السماء حجبت وجهها عن الأرض واصبح الإنسان عاجز أن ينظر الى السماء وكانت عداوة بين السماء والأرض لكن جاء ميلاد الرب يسوع الفادي المخلص وجاء تسبيح ملائكة السماء المجد لله في الاعالي وعلى الأرض السلام وبالناس المسرة.
00:54:30؛	الأخ طلعت المنيا: طلبة صلاة لاجل عمه عنده كانسر في حالة متأخرة و طلبة صلاة لأجل زوجته مريضة
00:56:08؛	الأخت هبة – المنيا طلبة صلاة من أجل زوجها ليفتح الرب أبواب العمل
01:01:47؛	الأخ مجب – القاهرة طلبة صلاة لاجله عملية شرائح ومسامير
01:02:26؛	ق. سمير: هكَذَا قَالَ الرَّبُّ لَكُمْ: لاَ تَخَافُوا وَلاَ تَرْتَاعُوا بِسَبَبِ هذَا الْجُمْهُورِ الْكَثِيرِ، لأَنَّ الْحَرْبَ لَيْسَتْ لَكُمْ بَلْ للهِ." (2 أخ 20: 15). لا تخف ولا ترتاع بسبب الظروف اللي حواليك , هو بيقولك ماتخافش زي ماقال ليهوشافط وشال الرب الخوف منه ومن الشعب لان إلهي حي , إلهي قادر,الهي جنبي إلهي حاضر.
01:04:02؛	ق. سمير: ايه الفرق بين قيامة المسيح وقيامة لعازر؟ في قيامة لعازر الرب يسوع بعدما اقامه قال لهم حلوه من كفنه ودعوه يذهب وخدوا معاهم الكفن لان لعازر هيموت تاني وهيستعمل الكفن ده تاني , لكن الرب يسوع لما قام من الأموات ذهبت المريمات للقبر ورأو الأكفان والمنديل موضوعه مكانها , ليه الرب يسوع مخادش معاه الكفن ده تاني زي لعازر؟؟ الرب يسوع مش هيموت تاني هو حي لآبد الآبدين , إلهي حي هيخلني اخرج من العتمة , الهي حي هيعرف ينقدذني من التعب اللي انا فيه , الرب انهاردة بيقول لحد بيشوفنا الطلبة اللي انت طالبها مني سأرسلها لك ويتعظم يميني وانقذك في كل امورك , الناس بتسأل الايام دي هي الدنيا واخدانا على فين؟ الدنيا واخدنا على رعاية وحفظ الله " الْجَاعِلَ أَنْفُسَنَا فِي الْحَيَاةِ، وَلَمْ يُسَلِّمْ أَرْجُلَنَا إِلَى الزَّلَلِ.لأَنَّكَ جَرَّبْتَنَا يَا اَللهُ. مَحَصْتَنَا كَمَحْصِ الْفِضَّةِ.أَدْخَلْتَنَا إِلَى الشَّبَكَةِ. جَعَلْتَ ضَغْطًا عَلَى مُتُونِنَا." ( مزمور 66: 9 – 11) الرب بيقولك مش هتتذل , مش هيخلي رجلك تقع وتتعب الرب لم يسلم أرجلنا إلى الذلل , اوقات الرب بيسمح لنا بأوقت صعبة ليفحصنا كمحص الفضة ,او مرات يسمح لنا بضغط على ظهورنا , ياما ماس كتير بتقول انا شايل حمل كبير من البيت والشغل والظروف , مرات كتير بحس انه الحمل تقيل لا استطيع أن اسير واقول له مش قادر اكمل الحمل تقيل , لكن بعد كل ده من ألم وتعب أدخلتنا في الشبكة وادخلتنا في النار والماء لكن بعد كل ده " ثُمَّ أَخْرَجْتَنَا إِلَى الْخِصْبِ." يعني " هتفرج" هللويا , هتتفك هتطلع بره الوجع , تعالوا نصلي مع بعض علشان الرب يخرجنا من الضغط الى الرحب والخصب . لعازر يقعد 4 أيام في القبرلكن هيقوم , قام لعازر , 38 سنة مرمي عيان عند البركة لكن جاله يسوع يقوله قم احمل سريرك وامشي, التلاميذ في المركب هتغرق لكن يجيلهم الرب في الهزيع الرابع , مهما أتأخر الرب لمنه جاي , جاي يقوم لعازر جاي في الهزيع الرببع علس=شان يسكن الموج ويخلصك منه , الرب جاي " أَخْرَجْتَنَا إِلَى الْخِصْبِ" الرب هيطلع ويرد لك المسلوب هتخرج للخصب والبركة
01:15:08؛	وقت صلاة لكل شخص تعبان ومضغوط وتعبان من الضيق والألم
01:21:21؛	ق. سمير : شكر للمرنم فادي على الحلقة , عزيزي المشاهد أشجعك وأشجع نفسي معاك نطلب الرب ونقوله عايزينك بارب في وسطنا وفي بلدنا . نصلي لأجل كل بلاد الشرق الأوسط من أجل الحروب , أصلي من أجل رئيس بلادنا وكل الحكومة الله يعطي سلام وحكمة وقيادة غير عادية هذه الأيام . نصلي لاجل الأرض كلها بسبب الحروب والدم والوجع "وَيَكُونُ فِي يَوْمٍ يُرِيحُكَ الرَّبُّ مِنْ تَعَبِكَ وَمِنِ انْزِعَاجِكَ، وَمِنَ الْعُبُودِيَّةِ الْقَاسِيَةِ الَّتِي اسْتُعْبِدْتَ بِهَا،" (إش 14: 3). كلنا محتاجين اليوم ده اللي يرحنا الرب فيه من الهم والوجع والقلق والخوف اللي اوقات بيخلونا عب, يريحك الرب من تعبك ومن عبوديتك , الله هياخدني من ايدي ويطلعني من الدائرة دي الى دائرة مليانه راحة أمين ( ختام الحلقة)
01:25:48؛	تتر

Start	Song
00:03:48؛	ترنيمة انا مطمن انا مش هخاف
00:29:34؛	ترنيمة بابا يا ابو المراحم يا عطوف
00:57:20؛	ترنيمة ماتخافش يا قطيع يا صغير ده الهك قادر ويغير
01:17:37؛	ترنيمة ارفع عنيك من على الظروف

Light in the midst of darkness (433) | نور في وسط العتمة (433)

Light in the midst of darkness (433) | نور في وسط العتمة (433)

Recently watched

More from جه وقتك

You may also like

Recently released