Medley “My Christ is my friend and He is like my shade , Hallelujah” | “ميدلي” مسيحي خلي وزي ضلي , هللويا

المرنم عبد السيد فاروق

القرار:
( مسيحي خلي وزي ضلي مش بيفارقني معايا تملي ) 2

( شايلني وشايل شيلتي كمان ومدبر أمري كل زمان ) 2
( هو إلهي وهو ربي مسيحي في قلبي له كل حبي ) 2
( أحلى ترنيمة على لساني روحه المعزي مالي كياني ) 2

( مسيحي معايا هو حمايا ماشي قدامي وماشي ورايا ) 2
( وعن يميني وعن يساري بيحارب عني سر انتصاري ) 2

+++

القرار:
( هللويا هللويا أنا إبن وغالي على أبويا ) 2
يسوع فداني وحررني أنكسر النير هللويا هللويا

– ( شفت العز معاه والأفراح والحزن تركني وقلبي ارتاح ) 2
ووفى ديوني وحملي إنزاح هللويا هللويا

– ( ستر ماضيا بدمه محاه من بعد الموت إداني حياة ) 2
وصبحت الوارث أنا لسماه هللويا هللويا

– ( توب بره كساني وغطاني شال عني مراري وأحزاني ) 2
بالنعمة رفعني وعلاني هللويا هللويا

+++