Oh Lord! Open the eyes of your people! | أفتح يارب عيون شعبك

Oh Lord! Open the eyes of your people! | ترنيمة أفتح يارب عيون شعبك / ياعالي ياقدوس

المرنمة إيريني أبو جابر

أفتح يارب عيون شعبك يشوفك انت ويسمعلك تغفر خطايا ويرجعلك وعل خطايا يدوس -

وإن كان في وسطينا حرام قدام عدونا انهزام اكشف لنا فين هو عاخان واحفظنا م اللصوص

يا عالي يا قدوس يا خالق النفوس شعبك هنا واقف أمامك جايين بهيبة قدام جلالك يا عالي يا قدوس

بالدم شعبك يتقدس عمل صليبك يا مخلص واحنا جينالك نتخصص شعب المسيح مفروز -

وعشان كلامك انت الحق وغير كلامك ماهوش حق هنرفضه ونقوله لأ وبالوصايا نلوذ

جايين غرضنا تشكلنا ده احنا عملك يا جابلنا إناء كرامة هتعملنا بروحك القدوس -

ونعيش عشان نخدم شخصك مجد وكرامة تكون لاسمك شباب كتير يتكرسلك ويصير معاك محظوظ

بيوت عبيدك تحفظها تمد إيدك وتصونها صوت الترنم يغمرها تيجي بحضور ملموس -

مفيش مثيلك يا غالب تصنع لشعبك عجايب وتحفظه في التجارب وإبليس يعود مفروس

فضينا منها أيادينا لا تخصنا ولاهيش لينا بالتقوى وقداسة السيرة مهيش غنى وفلوس -

ولا احنا هنكلبش فيها وطأة قدم بنعديها لكن قلوبنا ما تبغيها عابرين بعزم ندوس