I said in my confusion | قلت في حيرتي

 I said in my confusion   |  ترنيمة  قلت في حيرتي
القس أمجد سعد ذكري

قلت في حيرتي وألمي وضعفي
ربي تركني وسيدي نسيني
قالي تعالي وبص في كفي
صورتك نقش وإنت في عيني
دا انت حبيبي ابني الغالي
ازاي ممكن يوم انساك
وعشانك راح أخلي جبالي
سهل ووادي انا وياك
قلت له بس انا كلي معاصي
وانت اله عالي وقدوس
قاللي تعالي وشوف ده خلاصي
ملك اديك ان كنت تعوز
القرار
أصلي اخترتك ابن حبيب
قبل عنيك ما تشوف النور
مهما طلبت انا راح اجيب
أصل صليبي هدم السور

قلت له دا انا قدامي كتير
علشان ابقي عود مشدود
قاللي ثق دا انا عملي كبير
في قلبي محبة ماليها حدود

مهما ان كان العود مترضض
مش راح اسيبك عمري ما اكل
مهما طلبت مش هتردد
ها أغير عيبك ولا راح امل

قلت له بص وشف دا سوادي
خجل نفسي ونكس راسي
قاللي برضة اعز ولادي
مهما عملت ومش هتقاسي

زي الغيمة ماهي بتعدي
كل ذنوبك انا هامحيها
اصلي امين مش هخلف وعدي
كلمتي ليك مش هرجع فيها

قلت له طيب شوف اعدائي
وظروف عمري اللي معانداني
قاللي اطلبني ومش هتلاقي
في وسط مخاوفك غير أحضاني

بس أطلبني مرة وجرب
جوه النار عينك تلاقيني
قالي بس حد يقرب
داللي يمسك يطرف عيني

قلت له ربي واحتياجاتي
لحد ما اجيلك مين هيشيلها
قاللي سيبها علي يوماتي
كل همومك انا راح أزيلها

أفتح إيدك أد ما تقدر
هاشبع قلبك رحمة وخير
بي اتلذذ هديك اكتر
م اللي تعوزة بدون تعيير