– ( جايلك يا سيدي وبقصدك خليني أشوف الصالح
أنا عمري ما كنت بعبدك علشان حبة مصالح ) 2
( صدقني ما يهمنيش تديني ما تدنيش
أنا كل هدفي أعيش في رضاك إنت ياصالح ) 2
في رضاك إنت ياصالح
– ( جايلك ياسيدي وشهوتي لا تشتهي إلاك
وطول حياتي وسكتي مشغول أكسب رضاك ) 2
( مش واخد منها شئ في رحب أو في ضيق
ما أنت سندي في طريق هيوصلني لسماك) 2
هيوصلني لسماك
– ( جايلك ياسيدي ومتكل على نعمتك ليَّ
وإن حملي زاد فيّ وتقل أنا هرفعلك عنيا ) 2
( ده اللي نظروا إليك لقوا استنارة فيك
ورموا الأحمال عليك ما هي راحتك أبدية ) 2
ما هي راحتك أبدية
– ( جايلك ياسيدي وبتضع بقلب وذهن واعي
لو كنت حتى هتوجع شكل فيا طباعي ) 2
( حتى لو قلت آه وزادت المعاناة
كمل لقلبي دواه ما إنت أب وراعي ) 2
ما إنت أب وراعي
– ( جايلك يا سيدي وبشكرك إنك فاتح لي الباب
من كل قلبي بقدرك ياللي عامل لي حساب ) 2
( مشغول بيا وساندني وفي محنتي ترشدني
مهما ظروفي تعاندني بتمهد لى الهضاب ) 2
بتمهد لى الهضاب