ترنيمة يا ابني خُطاك مش مُهْمَلة
My son, your steps is not neglected القس أمجد سعد ذكري
الأخت نهى ناجي
كلمات الترنيمة
(ق) يا ابني خطاك مش مهملة
حتى في وقت الغربلة
هاحفظ ايمانك واحفظك
وهاعدي بيك المرحلة
(1) غربال و ممسوك بايد شيطان
لكني حددت ليه زمان
لنهايته راح تفضل مصان
عيني عليك من العلا
(2) ماتخافش من عمق الهزات
هاتنتهي بتنقية للذات
ده وقت تشكيل وإنجازات
وتغييرات فيك مذهلة
(3) مهما الفشل يتحدى فيك
خطة نجاح معده ليك
والشر مهما إجتمع عليك
الخير هايبقى المحصلة
(4) من وسط احتياجات وهموم
ثق في مش هاتكون مهزوم
انا ليك باذخر وهاييجي يوم
تحصد هبات مؤجلة
(5) لو فجأة استقرارك غاب
والعش صار فيه اضطراب
مطروح لكنك مش متساب
نسر انطرح طار واعتلى
كلمات : أشرف نادي
ألحان : أمجد سعد ذكري