Praise befits your majesty | ترنيمة التسبيح بيليق بجلالك
القس أمجد سعد ذكري
كلمات الترنيمة
التيسح بيليق بجلالك والاشواق كلها رايحالك
والأذهان ولا يوم تنسالك عظمة إيدك في الأعمال
كل الكون ويا المسكونة والأرض لحبك مديونة
دي محبة قلبك مضمونة لابتتغير ولا تتشال
كل الفرح إن إحنا خليقتك سر وجودنا نذيع تسبيحك
وإرادتك لينا ومشيئتك نملا الكون أنغام تسابيحك
كل الفرح إن إحنا خليقتك سر وجودنا نذيع تسبيحك
وإرادتك لينا ومشيئتك نملا الكون أنغام تسابيحك
لما نفكر إيه ها نقول نلقي لساننا فاض علطول
شكر وحمد وسبح يطول وف سيرتك تحلي هتافاتنا
ولساننا يكتب بمهارة ويترجم أشواق محتارة
ويقدملك أحلي عبارة ويفضل وصفك فوق عباراتنا
كل الفرح إن إحنا خليقتك سر وجودنا نذيع تسبيحك
وإرادتك لينا ومشيئتك نملا الكون أنغام تسابيحك
وبتسبيحنا نشبع قلبك وقلوبنا تشبع من حبك
ميزتنا وبقينا من شعبك وجهك بيسير ويريحنا
في نهارنا تيجي بسحابة وفي ليلنا نارك متسابة
في الحيرة تبقالنا إجابة وبتهدينا وبتفرحنا
كل الفرح إن إحنا خليقتك سر وجودنا نذيع تسبيحك
وإرادتك لينا ومشيئتك نملا الكون أنغام تسابيحك
إسمك فوق كل الأسماء تخضعلك كل الأشياء
قادر تصنع أحلى إناء من أعظم خاطي وشرير
ما بيصعبش عليك صعوبات ومخارجك حتى في ممات
وتغير لينا الأوقات ما القدرة في إيدك يا قدير
كل الفرح إن إحنا خليقتك سر وجودنا نذيع تسبيحك
وإرادتك لينا ومشيئتك نملا الكون أنغام تسابيحك