Speak, why are you silent? | ترنيمة اتكلم ساكت ليه
القس أمجد سعد ذكري
(ق)
اتكلم ساكت ليه … ما تشهد عن أعمال إيديه
ماهو حاطك جوه عينيه … اتكلم اتكلم
وقفاته معاك بطولية … أعماله معجزية
ومحبته حقيقية … اتكلم اتكلم
١- اشهد عن معجزات وتسديد الاحتياجات
وأمانته في اللي فات ما هو رب حكيم وأمين
كام مرة حارب عنك وف ضيقك وقف جنبك
رفعك وجبر كسرك وشفاك من جرح دفين
٢- كام مرة مسح دموعك أنكرته وقبل رجوعك
وبحضنه أشبع جوعك عوض زمن الحرمان
خليه يصحح قراراتك ويضمن اختياراتك
ومشيئته تملأ حياتك وتعيش وتعيش وياه في أمان
٣-ده لعازر قام م الموت وبقى ابن الملكوت
ما تقولها بأعلى صوت ده إلهي ومالي سواه
قوم ابن الشونمية … غير المجدلية
ويوحنا بروح إيليا قال عنه ده حمل الله
٤-ما تعيش له وتديه عمرك وتحط في أيديه أمرك
هاتشوف جوده اللي غامرك مع تعويض السنين
ثبت عينك عليه واتلذذ دائماً بيه
بيدور ع اللي شاريه ومقدر دم ثمين